Delicious Recepies Of Uttarakhand - उत्तराखंड के पकवान

[Bhishma Kukreti]

मैसूर बोंडा
-
उषा बिज्लवाण
-
देहरादून। समै- १५ से २० मिनट।
सामग्री- मैदा १ प्याली, चौंलौं कु आटु १/४ प्याली, बेकिंग सोडा १/४ चम्मच, बेकिंग पौडर १/२ चम्मच, दै १/२ प्याली, जीरा १/२ चम्मच, २हरीं मर्च बरीक कटीं, प्याज १/४ टुकड़ा बरीक कट्यूं, आदू १ ईन्च बरीक कट्यूं, लोण स्वादानुसार, हरू धणियां बरीक कट्यूं १/३ चम्मच, तलना तै तेल,
-
पकौण विधी- एक कटोरा पर मैदा अर चौंलौ कु आटु ली ल्या वैम तेल छोड़ीक सबी सामग्री मिलै द्या अब पाणी डालीक गाड़ू घोल बणा १० मिनट तै ढकीक रख द्या गैस पर तेल गरम होणक रख द्या घोल निकालिक छोटा छोटा गेंद का आकार का गोला बणैक तल ल्या सुनहरा होण तक तल ल्या अब टिश्यू पेपर पर निकालिक सांभर या कै भी चटणी गेल खै सकदैं

[Bhishma Kukreti]

खस्ता छोले आज की रेसिपी
-
सरोज शर्मा सहारनपुर बटिक
-
खस्ता बणाण कि सामग्री
मैदा एक कटवर
तेल चार चम्मच
अजवैण अधा चम्मच
लूण स्वादानुसार
लाल मर्च अधा चम्मच
पाणि आवश्यकतानुसार
मैदा म पाणि छोड़िक सबया मसला और तेल मिक्स कैरिक बड़िया से मिलाव मुठ्ठी म दबाव अगर लड्डू सि बण जाव त ठीक च अगर नि बण त थोड़ा-बहुत तेल और मिलाव ,सख्त आटू लगाईक कुछ देर अलग धैर दयाव
अब छवट छवट पूरी क जन बेल ल्याव
चककू से बीच बीच मा कट लगाईक धैर दयाव
सबया इन्नी तैयार कैरिक धैर ल्याव
एक कढ़ै म तलण खुण तेल गरम कैरिक मध्यम आंच पर सेकिक हल्का भूरा हुण पर उतार ल्याव
ह्वै गै तैयार, ऊपर से छोले चटणि डालिक परोसा।

[Bhishma Kukreti]

सोंठ/ मीठी चटणि रेसिपी
-
सरोज शर्मा ( चटणि शोधार्थी )
सामग्री
एक छवट चम्मच मर्च
एक छवट चम्मच सुखयू धणया
एक छवट चम्मच लूण
एक छवट चम्मच सौंठ
एक छवट चम्मच हींग
एक छवट चम्मच कालु लूण
अधा किलो गुढ़
इमली पेस्ट चार चम्मच
द्वी तीन गिलास पाणि
द्वी चुटकी जीरा
सगोर
गुढ़ थै चूरा कैरिक धैर ल्याव
एक कढ़ै म तेल गरम कैरिक जीरू तड़काव, अब पाणि डालिक उबाल आण दयाव ये म गुढ और सबया मसला डालिक तब तक पकाव जब तक गुढ घुल नि जाव अब आंच धीमि कैरिक तब तक पकाव जब तक गाढ़ू न ह्वै जाव, ठंडु हूणक बाद कांच क मर्तबान म धैर दयाव चाट पकवड़ मा डालिक खाव ।

[Bhishma Kukreti]

बुरांस के फूलों की   आयुर्वेदिक चटनी
चटनी यात्रा - ३५
-
सरोज शर्मा ( चटणि शोधार्थी )
-
सामग्री
बुरांस के फूल धोकर एक कप
धनिया हरा आधा कप
पुदीना थोड़ा-बहुत
प्याज एक
लासण 5-7 फोलि
जीरा 1 चम्मच
निंबू-1
लूण स्वादानुसार
सबया सामग्री मिक्सर म पीस ल्याव निंबू भी निचोड़िक कांच क बर्तन मा धैर दयाव बहुत सवदि और लाभदायक चटणि तैयार च ,दाल भात दगड खाव।

[Bhishma Kukreti]

काचा मुंगरी आयुर्वेदिक सूप , मकई सूप , स्वीट कौर्न सूप
-
गिरीश  ढौंडियाल
3-4 लोखु खुण।
आवश्यक सामग्री अर भांडा-
उमालिं मुंगरी 5 चम्मच। यूं थैं कुकर में उमाल क थोड़ा मसल दीण।
कॉर्न कु आटू।
छोटी कटिं अद्धा गाजर, अगर जरूरत च तभी। अर कुकर में उज्या लिणी। द्वी चम्मच बारीक कट्यां हैरा प्याज का पत्ता।
तेल/घी
सिरका, एक बारीक कटिं हैरी मर्चा। पाणी।
कढ़ाई, कड़छी, गैस।
परोसणा खुण चीनी मट्टी का सूप कटोरा अर सूप पीणा का चम्मच।
विधि- एक बड़ा कटोरा मां कॉर्न कु 100-1500 ग्राम आटु घोल दीण।
गैस जला कि कढ़ाई चढ़ा दीण गरम हूणा पर एक बड़ा चम्मच तेल डलण।
घोलयूं कॉर्न का आटा थैं धीरे धीरे डलण अर कड़छी से चलाणु रैण।
ये थैं अच्छा से उमालिक ये मां मसलयां मुंगरी, बारीक कट्यां हैरा प्याज का पत्ता अर गाजर डालिक फेर उमाल दीण।
द्वी मिनट का बाद गैस बंद कैर दीण।
सूप कटोरा मां परोस दीण। साथ मां एक छोटी कटोरी मां कालू सिरका मां एक हैरी मर्चा बारीक काटिक धैर दीण। जै थैं सिरका पसंद व्हालु वो सूप मां डाल सकद।
ल्याव कॉर्न सूप पीणा का वास्ता तैयार च।
सर्वाधिकार – गिरीश ढौंडियाल

स्वीट कौर्न सूप , स्वीट कौर्न सूप पकाने की रेसिपी

[Bhishma Kukreti]

फ्रायड राईस  रेसिपी
-
गढवाली पारम्परिक  भोजन शैली रेसिपी
-
सरोज शर्मा सहारनपुर बटिक
-
बचयां चौंल ( भात) मनमुताबिक
सब्जियां जु भी घौर म हवाव
प्याज, टमाटर, अदरक,लासण ,
हैर मर्च बरीक कटीं
बरीक काटिक धैर दयाव
जीरा, हींग ,लूण स्वादानुसार
इच्छानुसार मर्च,
बणाण क सगोर
फ्रिज म से चौंल निकालिक पाणि क हाथ से
फरैरा कैर दयाव, अब एक पैन म घी द्वी चम्मच डालिक गरम कैरिक वै म जीरा हींग तड़काव
अदरक लासण हैर मर्च प्याज भूनिक
और सब्जी जन कि मटर, शिमला मर्च, गाजर
बरीक काटिक डालिक भून ल्याव, अब ये म
लूण थोड़ा-बहुत डालिक चलाव,चौंल डालिक हिसाब से लूण डालिक द्वी मिनट चलाव, ह्वै गै तैयार। अगर सोयासौस पसंद च त एक चम्मच डालिक चलाव। खावा और खिलावा।

[Bhishma Kukreti]

मठरी बनाने की रेसिपी
-
गढवाली भोजन शैली रेसिपी

उषा बिज्लवाण - देहरादून।

समै- १/२ घण्टा।
सामग्री- मैदा २ प्याली, मोयन तै घी ३ चम्मच, अजवैन १/२ चम्मच, लोण १ चम्मच, तलनक तेल।कसूरी मेथी १ चम्मच
विधी- मैदा तैं छाण ल्या अब घी मिला खूब मिला अब लोण अर अजवैन अर कसूरी मेथी मिलै द्या अच्छा सा मिलौणा क बाद थोड़ा थोड़ा करीक पाणी डाला खूब गूंदा यन आटु तैयार करा जु न जादा मुलायम न जादा सख्त हो अब तेल गरम करन रखा आटा की छोटी छोटी लोई निकालिक गोल आकार म बेल ल्या गुलाबी होण तक तला तैयार छ एकदम खस्ता मठरी

[Bhishma Kukreti]

ओड़ीसा का  चाउल चौंल वडा
-
ओडीसा पारम्परिक भोजन रेसिपी
-
उषा बिज्लवाण - देहरादून।
-
मन्खी -४।
सामग्री- १/२ प्याली उड़द दाल, ३ प्याली चौंल, १/४ चम्मच साबुत जीरू , १/४ चम्मच बेकिंग सोडा, १/२ ईंच आदू, लोण स्वादानुसार, १ हरी मर्च बरीक कटीं, तेल तलनक।
विधी-
उड़द अर चौंल तै ८-९० घण्टा तै भिगै द्या वांका का बाद वैकू पेस्ट बणै द्या ४-५ घण्टा तै फ्रिज पर रख द्या ताकि पेस्ट सैट ह्वै जाउ फिर भैर निकालिक वैम तेल छोड़ीक सबी सामग्री मिलै द्या तेल गरम करा आंच हल्की ही रखण बड़ा तला जादा नि तलन नितर बड़ा टैट ह्वै जांदन बड़ा टिश्यू पर निकालिक टमाटर की चटणी या कै भी चटणी दगड़ी परोसा

[Bhishma Kukreti]

लाल मर्च सौस
-
चटणि यात्रा-34
-
सरोज शर्मा ( चटणि शोधार्थी )
-
सामग्री
1 बड चम्मच तेल
20 लासण क फोलि
1 इंच अदरक
100 ग्राम सुखीं लाल मर्च
लूण 2 चम्मच
1/2 कप पाणि
1/2 चम्मच जीरा पौडर
3 बढ़ चम्मच चिन्नी
5 बढ चम्मच सिरका
सुखी लाल मर्च 15 मिनट तक गरम पाणि म भिगै दयाव
अब पाणि से निकालिक अलग धैर दयाव ,बचूंव पाणि भी अलग धैर दयाव
अब कढ़ै म एक चम्मच तेल गरम कैरिक अदरक लासण मध्यम आंच पर भून ल्याव
अब भिगीं लाल मर्च भी कढ़ै म मिलाव द्वी तीन मिनट पकाण
लाल मर्च क बचूंव पाणि, द्वी चम्मच लूण,अधा छवट चम्मच जीरू पौडर, डालिक मिलाव धीमि आंच पर आठ मिनट तक ढकिक पकण दयाव पाणि सूख जाण क बाद गैस बंद कैर दयाव ठंड हुण दयाव अब मिक्सर म द्वी चम्मच सिरका डालिक पीस ल्याव, फिर से तीन चम्मच सिरका डालिक चलाव छलणि से छाण ल्याव
ह्वै गै तैयार शीशा क मर्तबान म भोरिक धैर दयाव आवश्यकतानुसार इस्तमाल कारो।

[Bhishma Kukreti]

आलू की थिच्वाणी रेसिपी
-
गढवाली न्होजं रेसिपी
-
उषा बिज्लवाण- देहरादून।
समै- १/२ घण्टा।
सामग्री- आलू २ , टमाटर १ बड़ू बरीक कट्यूं, प्याज १ बरीक कट्यूं, हरी मर्च १ कटीं, लोण स्वादानुसार, लसण आदा कु पेस्ट १ चम्मच, हल्दी १/२ चम्मच, धणिया पौडर १ चम्मच, हरू धणियां थोड़ा सा बरीक कट्यूं, जख्या १ चम्मच २ चम्मच तेल
विधी- आलूओं तैं साफ ध्वैक थेच ल्या गैस मा लोखर की कढै पर तेल डाला गरम होण पर जख्या, जीरू, हींग डाला अब प्याज डालीक सुनहरा होण तक भुना अब आलू डाल द्या लोण डाला १० मिनट बाद लसण आदा कु पेस्ट डाला फिर भुना अब मसाला डाला थोड़ी देर आऔर भुना अब टमाटर डाला गलण तक पका हरू धणिया भी डाल द्या जब तेल छोडण लगलू तब १ गिलास गरम पाणी डाल द्या ५ मिनट बाद बन्द कर द्या भात दगड़ी परोसा