Delicious Recepies Of Uttarakhand - उत्तराखंड के पकवान

[Bhishma Kukreti]

 स्वीट डिस म मैंगो पल्प

गढवाली भोजन
-
सरोज शर्मा सहारनपुर बटिक
-
4 मवाट ,मवाट गूदा वल आम
फ्रिज मा ठंड कैरिक, गूदा निकालिक मिक्सर म पीस ल्याव कांच क बर्तन म निकालिक ऊपर से अनार क ताजा दाणों से सजाईक खावा खिलावा
बस ह्वै गै तैयार।

[Bhishma Kukreti]

ब्रैड कटलेट
-
उषा बिज्लवाण- देहरादून
-
मन्खी- २।
समै- २० मिनट। सामग्री- ब्रैड स्लाइस २,सूजी १/२ कटोरी, मलाइ १/२ कटोरी, शिमला मर्च १/२, प्याज १ छोटु, हरू धणियां थोड़ा सा, कश्मीरी लाल मर्च २ चुटकी, लोण १/२ चम्मच , हरी मर्च १ , तेल २ चम्मच
रेसिपी /विधी-
२ ब्रैड स्लाइसौं तै त्रिकोण मा काट ल्या तेल छोड़ीक सब सामग्री मिलै द्या अब एक एक करीक स्लाईसौ पर फैले द्या अब गैस मा नानस्टिक पैन रखा हल्कू तेल डाला अर द्वी द्वी करीक सेका दुया तरफ कुरकुरा होण तक सेका गरम गरम चटणी दगड़ी परोसा

[Bhishma Kukreti]

ओडिशा का अम्बा खट्टा ( मतलब आम की मिठी चटणि )
-
चटणि यात्रा-37
-
सरोज शर्मा ( चटणि शोधार्थी )
-
2 बढा धुलया कटयां आम
1/2 कप गुड़
1 चम्मच अदरक पेस्ट
1 चम्मच लाल मर्च पौडर
1/2 चम्मच हल्दी पौडर
थोड़ा-बहुत कढ़ी पत्ता
चुटकी भर हींग
2 सुखीं लाल मर्च
1 चम्मच भुनी सौंफ
1 चम्मच भुनीयू मेथी दाण
4 चम्मच घीयू या तेल
2 कप पाणि
सबसे पैल ऐक पैन म तेल गरम कैरिक वै म कटया आम डालिक तल ल्याव भूरा हुण क बाद अलग निकाल ल्याव
अब दुसर पैन म 2 चम्मच तेल गरम कैरिक वै म सुखी लाल मर्च ,कढ़ी पत्ता ,अदरक लासण पेस्ट, हींग डालिक पकाव अब ये म तलयू आम डालिक हल्दी, मर्च लूण डालिक भूनिक, गुढ़ डालिक 5 मिनट तक पकण दयाव, अब एक कप पाणि डालिक मिक्स कैरिक ढकै दयाव 10 मिनट पकण दयाव अब भुनी सौंफ मेथी दाण डालिक गैस बंद कैर दयाव ठंड हुण दयाव, फ्रिज म धैरिक ठंड हुण दयाव ,अब परोसा।

[Bhishma Kukreti]

चौंल क हलवा

-
गढवाली शैली का चावल हलवा रेसिपी
-   
सरोज शर्मा सहारनपुर बटिक
-
सामग्री
एक कप चौंल
तीन कप पाणि
गुढ़ आवश्यकतानुसार कम ज्यादा जन मिट्ठू खंदौ
घी चार चम्मच
काजू, बदाम ,किशमिश ,नरयूल
सगोर
चौंल एक घंटा पाणि म भिगै दयाव
अब पाणि निथारिक एक कपड़ा म फैलाकि सुखाय ल्याव सुखण क बाद मिक्सर म पीस ल्याव
कढ़ै म घी गरम कैरिक चौंल डालिक भून ल्याव
भुनद दा हि काजू ,बदाम ,कटयू नरयूल डालिक भून ल्याव
एक बर्तन म द्वी कटवर पाणि म गुढ डालिक पकाव, ये थैं गरम गरम भुनया चौंल म मिलाव और पकाव जब तक घी न छोड़ दयाव किशमिश भी डालिक उतार ल्याव हवै गै तैयार गर्म गर्म परोसा।

[Bhishma Kukreti]

बोक चोई रेसिपी
-
थाई भोजन रैसिपी-१
। उषा बिज्लवाण- देहरादून।
-
सामग्री- बोक चौई( चाईनीज पत्ता गोभि) छोटी वाली ४से ५ या बड़ी वाली २ ,१ चम्मच नारियल तेल या कुई भी तेल,४ लसण कली बरीक कटीं, २ चम्मच सीप सौस, २ चम्मच सोया सौस, २ चम्मच फिश सौस या ११/२ चम्मच सोया सौस,२ चम्मच मीठी मिर्ची सौस, २ चम्मच भूरी चीनी( ब्राउन सुगर),२ चम्मच कागजी निम्बू  कु रस।

विधी- बौक चौई कु निस कु हिस्सा काट द्या ताकि पता अलग अलग ह्वै जाउं अगर सफेद हिस्सा मोटू छ त और काट द्या अब एक भांडा पर लसण, सीप सौस, मीठी मिर्ची सौस, फिश सौस ,नींबू कू रस, चीनी अर सोया सौस मिलै द्या गैस मा पैन रखा तेल डाला बौक चौई डाला २ चम्मच मिक्स सौस डाला थोड़ा फ्राई करा सौस डालदी रा फ्राई करदी रा जबतक की बोक चौई गाड़ू हरू ना ह्वै जाऊ अर सफेद हिस्सा मुलायम और कुरकुरू ना ह्वै जाऊ अर जादा खटु चैंदू त और सौस डाला अर मिठु चैंदू त और चिनि डाला तीखू चैंदू त मर्च डाल द्या अब कै प्लेट पर रखीक ऐंच बिटी बच्यूं सौस डाल द्या गरम गरम परोसा

[Bhishma Kukreti]

गाजर के पत्तो की चटणि
-
सरोज शर्मा ( चटणि शोधार्थी )
-
चटणि यात्रा 38
-
1कप गाजर की कोमल पत्तियां ,मुलैम टैणि भी,
1 कप छवट छवट पालक
लासण की कुछ फोलि बरीक कटीं
1/2 कप भुनयू काजू
1/2 चम्मच लूण
1/4 चम्मच काली मर्च
1/2 कप आलिव आयल
हैर मर्च इच्छानुसार
सगोर
अच्छी तरह से धवै क भपै दयाव, मिक्सर म ठंडु कैरिक डाल दयाव ये म हैर लासण, लूण ,पालक का पत्ता, हैर मर्च ,पीस ल्याव, अब लासण कटीं, भुनया काजू कालि मर्च,लूण स्वादानुसार भी पीसिक डाल दयाव अलग निकाल ल्याव राई लाल मर्च क छौंक लगाईक परोसा।

[Bhishma Kukreti]

 छोला भटूरा  रेसिपी
-
सरोज शर्मा सहारनपुर बटिक
-
सामग्री
छोले एक बड़ी कटवर रात म मिट्ठू सोडा डालिक भिगयां
तेल 1 कडछी
तेज पत्ता- 2
बढी ईलैची- 1
लौंग- 3
काली मर्च 6-7 दाण
छणया पौडर 1 चम्मच
हल्दी पौडर 1/2 चम्मच
लूण स्वादानुसार
लाल मर्च पौडर 1 चम्मच
गरम मसला 1/2 छवट चम्मच
चना मसाला 2 चम्मच
प्याज-1 टमाटर -2 अदरक 1इंच ,बरीक काटिक
सबसे पैलि चाणा उबालिक अलग धैर दयाव
अब एक कढ़ै तेल गरम कैरिक तेज पत्ता, बड़ी इलैची कूटिक, लौंग, कालि मर्च क दाण डालिक
1 मिनट तड़काव, अब प्याज भूनिक टमाटर भि डाल दयाव चलांद राव सबया मसला भी डालिक भून ल्याव, गरम मसला छोड़िक,जब तेल छोढ दयाव उबलयां चाणा डालिक लूण स्वादानुसार डालिक पकाव 10 मिनट तक, गरम मसला भि डाल दयाव पनीर भि डाल सकदौ हवै गै तैयार
भटूरा खुण
मैदा हिसाब से ले ल्याव, जतगा बणानी
ये म अजवैण 1/2 चम्मच
लूण थोड़ा-बहुत
चिन्नी 1 चम्मच
दही 3-4 चम्मच
खाण वल सोडा चुटकी भर
1 चम्मच तेल
मिलाव अब पाणि डालिक मुलायम गूंध ल्याव
1/2 घंटा अलग धैर दयाव, अब फिर से गूंध ल्याव, गोल गोल पेड़ि बणाव भटूरा क आकार म बेल ल्याव गरम तेल म तल ल्याव ह्वै गै तैयार। गर्मा गर्म खिलाफ ।

[Bhishma Kukreti]

क्रिस्पी लच्छा पकोड़ी रेसिपी
-
उषा बिज्लवाण - देहरादून।
मन्खी- ३।
समै -१/२ घण्टा।
सामग्री- कच्चा आलू २,३ चम्मच बेसण, ३ चम्मच चौंलौ कु आटू,२ हरीं मर्च, ३ चम्मच धणिया पता, ला मर्च पौडर १ चम्मच, लोण स्वादानुसार, तलनक तेल।
विधी- आलुओं तै साफ ध्वैक कद्दूकस करीक पाणी न खूब ध्वैक द्या ताकि वैकू स्टार्च निकल जाओ अब आलू मा बाकि सारी सामग्री मिलै द्या पाणी बिल्कुल नी पड़्यूं चैणू छ खूब फेंटा तेल गरम करा आंच हल्की रखा छोटा छोटा गोला बणैक तल ल्या गरम गरम मनपसंद सौस गेल खा

[Bhishma Kukreti]

साबुत उड़द दाल रेसिपी
-
गढवाली भोजन शैली रेसिपी
-
प्रदीप का रसवाड़ा बिटिन - देहरादून।
-
मन्खी- ६।
सामग्री- उड़द दाल २५०ग्राम, मख्खन २ चम्मच, २ तेज पता, १ टुकड़ा दाल चीनी , ४ लौंग १ बड़ी ईलाइची, २ हरी ईलाइची, जावित्री१/२ फूल, १ टुकड़ा जायफल, १ चम्मच धणिया पौडर, १/२ चम जीरा पौडर, साबुत लाल मर्च २ लोण स्वादानुसार, २ प्याज, २ टमाटर, २ ईंच आदू, २ हरी मर्च, १० लसण, थोड़ा हरू धणियां
विधी- गैस मा दाल रखा १/२ लीटर पाणी डाला साथ साथ सबी खड़ा मसाला अर १ चम्मच मक्खन डाल द्या खूब गल्न तक पका हैका पैन पर तेल डाला साथ म जीरू अर २ लाल मर्च डाल द्या बरीक कट्यां प्याज डाला पारदर्शी होण तक पका आदा लसण अर हरी मर्च कु पेस्ट डाल द्या २ मिनट पका अब सारा सछखख मसाला डाल द्या अब टमाटर कु पेस्ट डाल द्या तेल छोडण तक पका अब पैन मा उब्ली दाल डाल द्या १ चम्मच मक्खन डाल द्या १० मिनट आऔर पका तैयार छ उड़द दाल

[Bhishma Kukreti]

स्प्राउड कु नाश्ता
-
सरोज शर्मा सहारनपुर बटिक

मूंग दाल रात भर भिजै दयाव
-
सुबेर एक कपड़ा म बांधिक एक बर्तन ढकिक धैर दयाव, अगला दिन खवालो,अंकुरित हुयंआ मिलला, धवै कि एक कटवर म डालिक, कालि मर्च ,कालू लूण, दै (दही ),हैर मर्च बरीक काटिक, टमाटर, अदरक,प्याज ,बरीक काटिक मिक्स कैरिक खावा और खिलावा, इच्छानुसार द्वी बढी चम्मच पाणि डालिक उबालिक भी तैयार कैर सकदो।