Delicious Recepies Of Uttarakhand - उत्तराखंड के पकवान

[Bhishma Kukreti]

भोजन कु थाई सिद्धांत/ परम्परा/रिवाज/सँस्कृति।
-
उषा बिज्लवाण- देहरादून।
-
थाई व्यजनों की सबसे बड़ी विशेषता यु छ की वू व्यजनों तै कभी साफ नी करदा ईतना तक की पेशवर रसोइया अकसर आंखों न खाणू बणैद्यान।थिस कु मानणू छ कि स्वादिष्ट पकवानों कू मुख्य रहस्य पांच स्वादों का बीच सही सन्तुलन छ: खट्टू, कड़ू, नमकीन,मसालादार और मिठु। पकवान तै एक निश्चित छाया देणा तै भौत प्रकार का सीजनिंग अर सौसों कु इस्तेमाल किए जान्दू उदाहरण का तौर पर मर्च करी पकवान तै अविश्वसनीय रूप से मसालेदार बणै देंदन ,एक कड़ी काखड़ी खाणा का स्वाद तैं कड़ू कर देन्दी , गन्ना या अनानास खाणा का स्वाद तै मिठू कर देंदी निंबू अर चछना कु इस्तेमाल खाणा तै खट्टा करना किए जांदू। थाई लोग बहुत कम खाणू पसंद कर दन यां तै कभी आश्चर्य नि होंयू चैंदू की बैरा थाली पर बहुत कम खाणू लाई।थाईलैंड मा चकु कू इस्तेमाल आम नी छ। थायस छोटा टुकड़ौं मा कट्यूं भोजन खाणू पसंद करदन भोजन का बाद मीठा की बारी थाईलैण्ड मा पेय त भौत छन पर सबसे आम छा येन यानी की सादू पाणी। खाणा पकौणा कू मूल सिद्धांत छा खाणा तै ताजू रखणू थाई लोग खुली आग मा खाणू बणौणू पसन्द करदन एक डिश बणौणा कु समै जादा से जादा २० मिनट रैं दू खाणा बणौणा की गती भोजन की विशेषता छ। थाई वोक खूली आग मा पकण वालू एक विशेष पकवान छा जू खूब प्रसिद्ध छा। मोटी दिवाल एक विशेष आकार का फ्राईग पैन का तुलना मा काफी तेज छ भुजियों तै बणौणक रसोईया तै ५ मिनट से जादा नी लगदा।। अक्सर भुजी तलीं या सलाद का रूप मा होंदिन परोसणा कु ढंग- कुई भी रसोईया हो खाणा परोसणा कु अंदाज निरालू ही होलू । दिलचस्प प्रस्तुती ,भुजियों की मूर्ति, साग की सजावट न केवल स्वाद कू आनंद देंदी साथ मा सौन्दर्यीकरण भी बढौंदी। थाई व्यजनों का एक व्यजंन। एक सलाद हमेशा आप तैं भुजियों के एक सावधान ले आउट और अतिरिक्त सेवारत त्वों का साथ एक मांस पकवान आशचर्यचकित कर दू।

[Bhishma Kukreti]

घी बणान।
-
गढवाली भोजन रेसिपी
-
-
Girish dhoundiyal
-
आवश्यक सामग्री-
2 किलो मलाई/मक्खन
गैस, बड़ी कढ़ाई, कड़छी, छन्नी, एक साफ डब्बा।
विधि- गैस जला कि कढ़ाई चढ़ा दीण। जब कढ़ाई गरम ह्वे जाली तब कड़छी से धीरे धीरे गलीं मलाई या गलयूं मक्खन गरम कढ़ाई मां डाल दीण। लगातार चलाणु रैण जै से घी कढ़ाई पर नि लग अर नि जल जा।
एक घन्टा का अंदर ही घी बण जालू। ठंडा हूणा पर छाणीक कै साफ डब्बा मां निकाल लीण।
घी तैयार च।

[Bhishma Kukreti]

लौकी की भुज्जी क रेसिपी
-
गढवाली भोजन रेसिपी
-
गिरिश ढौंडियाल
-
आवश्यक सामग्री, ४ लोगू का वास्ता -
अद्धा किलो लौकी, ४ बड़ा टमाटर, १मध्यम अल्लु, हारु धनिया, अद्धा कड़छी तेल/घी (जो भी खांदा छौ), १ हैरी मर्चा, जीरा, , हल्दी, धनिया, लाल मर्चा (ये सब पिस्यां मसाला)।
२मध्यम प्याज़, १.५ इंच कु अदरक, ५-६ कली लसन (अगर ये खांदा छौ तो डलयां)।
कुकर, कढ़ाई, कड़छी, चाकू पीलर अर पाणी।
विधि-
लौकी अर अल्लु थैं धवेइ कर अच्छी तरह से पीलर से छिल लीण। तब दुयूँ का अंदाज से अद्धा अद्धा इंच का टुकड़ा कैरिक कुकर मां २-३ सीटी बजणा तक चढ़ा दीण। जब तक सीटी बजदिन अर कुकर ठन्दु हूंद तबर तक प्याजअर टमाटर का बारीक टुकड़ा कैर दीण अर अदरक लसन थैं छीलक दुयों कु पेस्ट बणा दीण ( अगर ये तिनया खांदा छौ तब ही)।
अब गैस जला की कढ़ाई चढ़ा दीण। गरम हूणा पर अद्धा कड़छी तेल/घी डाल दीण। गर्म हूणा पर एक छोटी चम्मच जीरु डाल दीण। जब जीरु तड़क जालु तब बारीक कटयूं प्याज डालिक सुनहरा हूणा तक भुजणु रैण तब बारीके कट्यां टमाटर-अदरक लसन कु पेस्ट एक बारीक कटिं हैरी मर्चा दगड डाल दीण। एक कड़छी पाणी डाल दीण जै से यो मसाला कढ़ाई पर नी लग। नमक स्वादानुसार डलण। जब मसाला तेल छोड़ण लग मतलब तैयार च। ये बीच मां कुकर मां उजिं लौकी अर अल्लु थैं कड़छी से थोड़ा थोड़ा मीन दीण। अब मिनीं लौकी अर अल्लु थैं मसाला दगड कढ़ाई मां डाल दीण।
५-६ मिनट तक थड़कण दीण। पाणी अपड़ा हिसाब से डलण कि भुज्जी बणाणे या साग । ये साग/भुज्जी मां उज्या दली चाणा की थोड़ा १०० ग्राम करीब दाल भी डले जा सकद (इच्छा व्हाह तभी)।
बारीक कटयूं हारु धनिया बुबराणा का बाद लौकी की स्वादिष्ट आयुर्वेदिक साग/भुज्जी खाणा खुण तैयार च। रोटी/ भात दगड या खाली खये सकद।

[Bhishma Kukreti]

बचीं  खिचड़ी क पकोड़ा
-
भीष्म कुकरेती

समान-
खिचड़ी
नमक
बेसन
उबले हुए आलू
हरी मिर्च
गरम मसाला
धनिया पत्ता
लाल मिर्च पाउडर
हल्दी
अजवाइन
तेल
विधि –
बचीं खिचडी ,
एक बर्तन म खिचड़ी, बेसन, आलू, अर  धनिया पत्ता डाळइक ठीक से मिलै दयावो I
अब सब मैण मसलो मिलैक सब तै  फेंट दयावो , मस्यट तैयार हवे गे I
अब कडै म तेल गरम कारो अर मस्यट से गोळी बनैक तेल म भूनो.
खिचड़ी पकोड़ा तैयार . चटणी दही दगड खावो

[Bhishma Kukreti]

स्वादिष्ट स्वास्थ्यवर्धक  सोया चाप
-
सरोज शर्मा सहारनपुर बटिक
-
सोयाचाप बणबणई स्टिक लगीं मंगा ल्याव
अब ये म चक्कू ल छवट छवट चीरा लगा दयाव
पैन म गरम पाणि म लूण डालिक
उबाल आण पर सोयाचाप डालिक थोड़ा-बहुत देर उबालण दयाव, अलग निकाल ल्याव
एक पैन म एक चम्मच तेल गरम कैरिक वै म जीरा, लौंग, कालि मर्च,,बढी इलैची एक,काजू,
भून ल्याव थोड़ा-बहुत पाणि डालिक उबालिक ठंड हुण दयाव मिक्सर म पीस ल्याव
अब द्वी प्याज, टमाटर,लासण अदरक काटिक मिक्सर म पीस ल्याव, पैन म तेल गरम कैरिक हींग जीरा क छौंक लगाईक प्याज लासण अदरक टमाटर कु पेस्ट तब तक भूना जब तक तेल न छोड दयाव, अब यै म काजू गरम मसलों वल पेस्ट डालिक पांच मिनट चलाइक आवश्यकतानुसार लूण पाणि मिलाव थढकण दयाव सोयाचाप भी डालिक दस मिनट तक पकण दयाव गैस बंद कैर दयाव ह्वै गै तैयार रवटि दगड़ खावा खिलावा।

[Bhishma Kukreti]

अमचूर की झटपट मीठी चटणि
-
चटणि यात्रा- 41
-
सरोज शर्मा ( चटणि शोधार्थी )
-
सामग्री
गुड़ 200 ग्राम
7-8 खजूर
लाल मर्च पौडर 1/2 छवट चम्मच
अदरक पौडर 1 छवट चम्मच
गर्म मसला 1 छवट चम्मच
कालू लूण 1 छवट चम्मच
सगोर
एक भगवना म अमचूर पौडर, एक कप पाणि,गुड़, डालिक धीमि आंच पर चढाव, खजूर लम्बाई म काटिक धैर दयाव
गुड़ घुलण क बाद ये मा कालू लूण, गर्म मसला अदरक पौडर, लाल मर्च पौडर भी मिलाव पांच मिनट और पकाव
अब खजूर भि डाल दयाव पांच मिनट तक पकण दयाव गैस बंद कैर दयाव, ठंड हुणक बाद कांच क मर्तबान म फ्रिज धैर दयाव छै मैना तक खराब नि हूंद।

[Bhishma Kukreti]

ककड़ी/ खीरा चटणि

चटणि यात्रा- 43
सरोज शर्मा ( चटणि शोधार्थी )
सामग्री
2 छिलयां खीरा
2 बड़ चम्मच तेल
1/4 चम्मच राई
1/4 चम्मच जीरा
1 छवट चम्मच चाणो कि दाल
1 चम्मच उड़द दाल सफेद
5-6 लासण क फोलि
थोड़ा-बहुत कढ़ी पत्ता
1/4 चम्मच हींग
2 सुखीं लाल मर्च टुकडा कैरिक
लूण स्वादानुसार
हैर मर्च द्वी 1 1/2 चम्मच इमली क पेस्ट
सगोर
एक नान स्टिक पैन म तेल गरम कैरिक वै म राई, जीरा,चाणो कि दाल, उड़द दाल, लासण, कढ़ी पत्ता हींग, लाल मर्च खुशबू आण तक भून ल्याव
अब ककड़ी मवाट मवाट काटिक पैन म एक मिनट तक भून ल्याव लूण, हैर मर्च डालिक मिलाव
अब मिक्सर म चलाव इमलि क पेस्ट भि डाल दयाव बस ह्वै गै तैयार।

[Bhishma Kukreti]

बैगन भर्ता रेसिपी
-
प्रदीप बडोनी- देहरादून।
सामग्री- ७०० ग्राम बीज रहित भटा,४ बड़ा टमाटर,२ बड़ा प्याज, ४ हरीं मर्च, १ शिमला मर्च, १०० ग्राम मटर, २ईंच आदू, १५ लसण, २ तेज पता, जीरा १ चम्मच, ३ चम्मच सरसों, १ चम्मच धणिया, १/२ चम्मच लाल मर्च पौडर, लोण स्वादानुसार, १/२ चम्मच गरम मसाला, हरा धणिया थोड़ा, आदू कस्यूं सजौणक।
विधी- भट्टौं पर तेल लगैक आंच पर सेकण रख द्या गैस मा पैन रखा तेल डाला गरम होण पर जीरू अर तेज पता डाला प्याज डालीक पारदर्शी होण तक भूना अब लसण,आदा और हरी मर्च कु पेस्ट डाल द्या २ मिनट भूना अबगरम मसाला छोड़ीक सारा सूखा मसाला डाल द्या टमाटर अर लोण डाला तेल छोडण तक भूना अब मटर और बरीक कटीं शिमला मर्च डाला २ मिनट तै पका अब बरीक मैश कर्यां भटा डाल द्या ५ से ७ मिनट पका गरम मसाला डाला मिक्स करा धणिया अर आदा न सजा

[Bhishma Kukreti]

मूंग की चुनाणी भात। मूंग की चुनाणी। मूंग को चैंसू 

उषा बिज्लवाण देहरादून।

समै- १/२ घण्टा।
सामग्री- मूंग १५० ग्राम , १ प्याज, १ टमाटर, लसण आदा कु पेस्ट १ चम्मच, जख्या१/२ चम्मच, जीरु १/२ चम्मच, तेल १/२ कटोरी, धणिया पौडर १ चम्मच, हल्दी१/२ चम्मच, लोण स्वादानुसार।

विधी- मूंग पीस ल्या गैस मा लोहा की कढै रखा तेल डाला गरम होण पर जख्या अर जीरु डाला फिर प्याज डाला सुनहरा होण तक भूना अब दाल डाल द्या खूब भूना जब खूश्बू औण लग जाली तब मसाला डाल द्या थोड़ी देर भुनणा का बाद टमाटर डाल द्या तेल छोडण तक भुना अब पाणी डाल द्या २० मिनट पका तैयार छा मूंग कू चैंसू

[Bhishma Kukreti]

भिन्डी कि चटणि रेसिपी
-
सरोज शर्मा (चटणि शोधार्थी )
-
चटणि यात्रा- 44
-
सामग्री
12-15 भिन्डी
3-4 हैर मर्च
7-8 लासण क फोलि
2 टुकड़ इमली
लूण स्वादानुसार
2-3 चम्मच तेल
सगोर
भिन्डी ध्वै क काट ल्याव
कढ़ै म तेल गरम कैरिक हैर मर्च डाल दयाव अब भिन्डी भी डालिक मुलायम कैर ल्याव, मिक्सर म हैर मर्च, भिन्डी, लासण, इमली लूण डालिक पीस ल्याव चटपटी चटणि तैयार च।