Delicious Recepies Of Uttarakhand - उत्तराखंड के पकवान

[Bhishma Kukreti]

अफगानी कचौड़ी/ स्वाला

उषा बिजल्वाण
-
सामग्री- आटू, तेल, आलू, हरू प्याज,अजमोदा( एक तरह की अजवैन)सूमैक (एक प्रकार का पौधा )पिसीं मर्च, जैतून का तेल।
-
विधी- आलूओं तै ध्वैक छोटा छोटा छेद कर ल्या अब माईक्रोवेव पर १० मिनट तै पकै ल्या निकालिक छील ल्या अब एक भांडा पर आलू मा लोण काली मर्च,सूमैक, लाल मर्च और हरू प्याज मिलै द्या एक अलग भांडा पर आटू एक चुटकी लोण गरम पाणी और जैतून कु तेल मिलैक खूब गूंदा ३० मिनट तै छोड़ द्याअब आटा की ६ गोली बणैद्या अब एक गोली लीक बेल ल्या अब आधा रोटी पर आलू कु तैयार मिस्रण फैले द्या बच्यूं आधा हिस्सा न ये तै अच्छा से चारों तरफ बटी दबै दबैक आधा चंद्रमा कु आकार दी द्या सब तै यनी तैयार करीक तल ल्या तैयार छ अफगानी कचौड़ी/ स्वांला

[Bhishma Kukreti]

  गंवार की सब्जी रेसिपी
-
गिरिश ढौंडियाल
-
आवश्यक सामग्री अर भांडा
4 लोगु खुण
अद्धा किलो गवार, 2 मध्यम अल्लु (अगर डलने तभी), पिस्यां मसाला नमक, हल्दी, धनिया, लाल मर्चा, एक मध्यम चम्मच राई, अद्धा कड़छी तेल(जो खांदा छौ) अर थोड़ा पाणी।
एक मध्यम कढ़ाई, गैस अर थाली/प्लेट, झरना।
विधि- गवार कु मुंड अर पूंछ काटिक वे थैं नल का ताल तेज बहाव में अच्छी तरह से मीनिक धवेइ लीण अच्छी तरह से पाणी निथारिक धैर दीण। दुइया अल्लु छीलिक धवेइ की ग्वार मां मिला दिणी।
अब गैस जला कि कढाई गरम कैर दीण तब द्वी बड़ा चम्मच तेल गरम करण, ये का बाद वे मां एक मध्यम चम्मच राई डालिक तड़कण दीण। अद्धा चम्मच हींग डालिक एक मिनट बाद गवार अर अल्लु डालिक झरना से खूब चला दीण। अब प्लेट/थाली से कम आंच पर पकण दीण। पांच मिनट बाद ये मां अपड़ा अपड़ा हिसाब से सब मसाला स्वादानुसार डाल दिणी। अर खूब चला दीण। वापस मां प्लेट से ढक दीण। यो सबाजी अपड़ीं भाप अर गैस की गर्मी से पकणी रैली। हर द्वी मिनट मां प्लेट हटा क़े चलानु रैन ताकि सब्जी कढ़ाई पर नई लग। 12-15 मिनट मां गवार की सब्जी खाणा खुण तैयार च।

[Bhishma Kukreti]

बैंगण चटणि रेसिपी
-
चटणि यात्रा-45
सरोज शर्मा- (चटणि शोधार्थी )
-
बैंगण की चटणि कि सामग्री
4कप चकोर पीस म कटयां बैंगण 3 चम्मच ऑयल
2 चम्मच कलौंजी
2 चम्मच जीरू
1/4 चम्मच कढी पत्ता
1 1/2 कप टमाटर
2 चम्मच लाल मर्च पौडर
2 चम्मच हल्दी ( टी स्पून)
स्वादानुसार लूण
3/4 कप चिन्नी
1 कप सिरका
सगोर /विधि
तेल गरम कैरिक कलौंजी और जीरू चटकाव ,कढ़ी पत्ता टमाटर भि डाल दयाव 1 मिनट भूनिक लाल मर्च, हल्दी, लूण, चिन्नी डालिक पकाव, अब ये म
बैंगण डालिक 3-4 मिनट पकाण, सिरका डालिक धीमि आंच म ढकिक 2-3 मिनट पकण दयाव अब देख ल्याव आंच से हटा दयाव ठंड हुण पर
परोसा।

[Bhishma Kukreti]

किनगोड़ा कि फूलों कि चटणि

सरोज शर्मा चटणि (शोधार्थी)
चटणि यात्रा- 47
सामग्री
100 ग्राम किनगोड़ा कि कलियां 100 ग्राम पोदीना पत्ती
50 ग्राम अनारदाण और अमचूर
5-6 हैर मर्च
20 ग्राम धणिया पत्ती
2-3 प्याज
1 चम्मच घिसयू अदरक
सबयूं थैं एक साथ मिलैकि मिक्सर म पीस ल्याव लूण स्वादानुसार डाल दयाव स्वादिष्ट चटणि तैयार च

[Bhishma Kukreti]

तुरई चटणि

चटणि यात्रा-46

सरोज शर्मा ( चटणि शोधार्थी )
तैयार क समय 10 -15 मिनट
पकाण क बगत 15-20 मिनट
सामग्री
2 तोरी,
2 चम्मच तेल
1/2 चम्मच राई 7-8 कढी पत्ता
1 प्याज
2 हैर मर्च
लूण स्वादानुसार
भुनयू दलिया 2 बढ़ा चम्मच
इमली क गूदा 1 छवट चम्मच
सगोर
नान स्टिक पैन म तेल गरम कैरिक एक तुरई छीलिक काटिक धैर दयाव
दुसर तुरई बिना छिलया काटिक पैन म राई कढी पत्ता तड़काव वै म डाल दयाव प्याज मवाट मवाट काटिक पैन म डाल दयाव दगड़ मा हैर मर्च तुरई का छिलका भी भून ल्याव, लूण और दलिया भि डालिक भून ल्याव
अब छिली तुरई क टुकड भी डालिक भून ल्याव, नर्म हूण दयाव ,गैस बंद कैर दयाव, ठंड हुण दयाव, मिक्सर म डालिक चलाव इमली पेस्ट भि मिलाव। कांच क बर्तन म निकालिक सर्व कारो ।

[Bhishma Kukreti]

अफगान मटन बिरयानी
-
उषा बिज्लवाण
-
सामग्री- १ किलो मेमना कि मीट,११ लसण कि कली, १ बड़ा टुकड़ा दालचीनी, २ चम्मच लोण, २ चम्मच लसण आदा कु पेस्ट, ८ प्याली पाणी, ३ प्याली बासमती चौंल, ३/४ प्याली तेल,१ प्याज पतला पतला टुकड़ौं म, ८ छोटि ईलायची,१ चम्मच जीरु, ४ गाजर घिसीं, १/२प्याली हरी किशमिश, १/२ प्याली चिलगोजा।
विधी- मीट तै अच्छे से ध्वैक बड़ा बड़ा टुकड़ौं मा काट ल्या अब मीट, दालचीनी, लौंग, लोण, लसण आदा का पेस्ट और तै कै भी बड़ा भांडा पर उबाल ल्या और उबालदी वक्त जू गन्दगी ऐंच
आली वै हटै द्या आंच कम करीक ४० से ४५ मिनट उबाल ल्या चौंलौं तै साफ ध्वैक ११/२ घण्टा तै भिगौंण रख द्या अब पाणी निकाल द्या अब चिलगोजा, किशमिश और गाजर तैऐ अलग अलग तल ल्या अब एक बड़ा भांडा तेल डाला गरम होण पर प्याज डाल द्या ३,४मिनट भुना अब वैम दालचीनी, लौंग, छोटि ईलाईची, जीरा, मीट अर ६ प्याली सब्जी कु स्टौक और पाणी डाल द्या उबाल ल्या वांका बाद चौंल डाल द्या ७- ९० मिनट उबाल ल्या चौंलौं तै हल्का हाथौं न घुमा ताकि चौंल टुटो ना अब चौंलौ ऐंच किशमिश, चिलगोजा अर गाजर तै फैलै द्या ७- १० मिनट पका अब कै प्लेट पर पलट द्या रैता दगड़ी परोसा

[Bhishma Kukreti]

गट्टा की भुजी।

उषा बिज्लवाण - देहरादून। मन्खी- ३।
समै- १घण्टा।
सामग्री- बेसण १ कटोरी,टमाटर २बड़ा ,प्याज१ बड़ु, अजवैन१/२चम्मच, तेल १/२ कटोरी, धणियां पौडर १ चम्मच, हल्दी १/२ चम्मच ,कश्मीरी लाल मर्च १/२ चम्मच, लोण१ चम्मच, आदा लसण कु पेस्ट १ चम्मच, जीरा १/२ चम्मच, हींग चुटकी भर
विधी- बेसण,अजवैन और १चम्मच तेल तै डौंगा पर डाली खूब मांड ल्या अब थोड़ा थोड़ा पाणी डालीक गूंद ल्या अब छोटि छोटि गोली बणैक लम्बा लम्बा बट ल्या एक भांडा पर पाणी गरम करा उबाल औण पर अर गट्टा वैम डाल द्या जब गट्टा हल्का सा ऐंच औण लगला समझ जा तैयार छन उतार ल्या पाणी हटै द्या अबटमाटर और प्याज कु पेस्ट बणा कढै रखा तेल डाला गरम होण पर जीरू डाला हींग डाला ५ मिनट बाद टमाटर प्याज कु पेस्ट डालीक भुना तेल छोडण लगलू त मसाला डाल द्या ५ मिनट बाद लसण,आदा कु पेस्ट डाल द्या लोण भी डाल द्या खूब भुना तेल छोडण लगलू त गट्टा डाल द्या थोड़ी देर और भुना अब पाणी डाल द्या १५ मिनट बाद बन्द कर द्या हरा धणिया न सजा गरम गरम परोसा

[Bhishma Kukreti]

क्याला क तना  तणा से बणी चटणि

केले के तने से चटनी
-
चटणि यात्रा-48
-
सरोज शर्मा ( चटणि शोधार्थी )
-
सामग्री
1/2 कप कुंगलू क्याला क तथा
3/4 कप घिसयूं नरयूल
4 सुखीं लाल मर्च
1/2 चम्मच इमली पेस्ट
लूण स्वादानुसार
1/4 चम्मच सरसों क दाण
1/4 चम्मच हींग
1/4 चम्मच उड़द दाल
कढी पत्ता इच्छानुसार
तेल आवश्यकतानुसार
1- क्याला क तणा छवट छवट पीस बणाव पाणि क कटवर मा लूण डालिक कुछ देर भिगै दयाव कड़वाहट निकल जालि
2- अब मर्च, इमलि ,लूण, सरसो हींग कसयू नरयूल थोड़ा-बहुत पाणि म भिगै दयाव कम से कम पाणि क उपयोग करण
3- अब क्याला क तणा समेत सबया सामग्री मिक्सर म दरदरू पेस्ट बणा ल्याव
4- अब एक बर्तन म निकालिक तड़का पैन म तेल गरम कैरिक राई, उड़द दाल कढ़ी पत्ता,सुखीं लाल मर्च हींग डालिक तड़काव चटणि म डालिक मिलाव, सवदि चटणि तैयार च रोज क भोजन मा इस्तेमाल कारो।

[Bhishma Kukreti]

डम्फू / रसभरी कि चटणि  रेसिपी
-
चटणि यात्रा- 49
-
सरोज शर्मा ( चटणि शोधार्थी )

सामग्री
2 लोगु खुण
300 ग्राम रसभरी
50 ग्राम चिन्नी
1 चम्मच सरसों क तेल
2 लौंग
जीरा तड़का खुण
लूण स्वादानुसार
एक एक चम्मच लाल मर्च, गरम मसल,हल्दी, धणया पौडर
1 बड़ चम्मच तेल
रसभरी थै ध्वै क कपड़ा से पोंछिक सुखा ल्याव छिलका उतारिक द्वि टुकड़ कैरिक धैर ल्याव
पैन म तेल गरम कैरिक सरसों क दाण लौंग जीरा तड़काव अब रसभरी डालिक सबया मसला डाल दयाव चिन्नी भि डाल दयाव 1/4 कप पाणि डालिक गलण तक पकाव ह्वै गै तैयार परोसा रसभरी चटणि

[Bhishma Kukreti]

झारखंड की प्रसिद्ध लाल चींटी क चटणि

Red Ant Chutney
-
चटणि यात्रा- 50
सरोज शर्मा ( चटणि शोधार्थी )
-
चींटी चटनी रेसिपी
बणाण क सगोर
प्राय आम,अमरूद, साल और भी पेड़ो मा हुनदिन जौं पेडुं म मिठास हूंद,अपणु घरौंदा भि यखी बणदिन, आदिवासि लोग एक कटवर म चींटियो थैं एकत्र कैरिक पीस लिंदिन लूण मर्च मिलै क रवटटि दगड़ खनदिन चींटि मा फार्मिंक एसिड हूण कारण चटपटी और प्रोटीन युक्त हूंद।