Delicious Recepies Of Uttarakhand - उत्तराखंड के पकवान

[Bhishma Kukreti]

गुजराती शैली म बेसण चटणी ( फाफरा चटणि )
-
चटणि यात्रा-30
सरोज शर्मा ( चटणि शोधार्थी )
-
सामग्री
बेसण 1/4 कप
खट्टी दै1/4 कप
हैर धणया 3 चम्मच बरीक कटयू
हैर मर्च-2
अदरक 1 इंच
तेल 2 चम्मच
राई 1/2 चम्मच
हींग चुटकी भर
लाल मर्च पौडर 1/4 चम्मच
चिन्नी 1 छवट चम्मच
लूण स्वादानुसार
सगोर
एक भांड म दैऔर बेसण कु घोल बणाव गुठलि खत्म हूण तक चलांद राव अब ये म द्वी कप पाणि और डाल दयाव
अच्छे से मिलाव अब मिक्सर म मर्च ,अदरक ,हैर धणया क पेस्ट बणाकि दै बेसण क घोल मिलाव कढ़ै म तेल गरम कैरिक राई तड़काव अब हींग डाल दयाव अब ये म दैऔर बेसण क घोल डाल दयाव तेज आंच पर चलांद राव अच्छी तरह पकाण अब ये म चिन्नी लूण लाल मर्च पौडर डालिक 6-7 मिनट तक पकण दयाव
चटणि बणिक तैयार च अलग निकालिक ये मा तेल गरम कैरिक राई लाल मर्च पौडर डालिक तड़का लगाव मिक्स कर दयाव, हैर धणया ल सजाव सवदि चटणि तैयार च।

[Bhishma Kukreti]

बेसण क गटटा सब्जी
-
सरोज शर्मा सहारनपुर बटिक
-
सामग्री
एक कटवर बेसण
अध चम्मच लाल मर्च
चौथाई चम्मच हल्दी
हींग चौथाई चम्मच
स्वादानुसार लूण
तेल आवश्यकतानुसार
बेसण म मर्च, हल्दी, हींग ,लूण स्वादानुसार
डालिक थोड़ा थोड़ पाणि डालिक गूंध ल्याव अच्छी तरह से, अब ये क लम्बाई म रोल बणाव न ज्यादा पतल न मवाट, गैस म एक चौढ़ गहरू भांड म पाणि डालिक उबाल आण दयाव छलणि ग्रीस कैरिक वै म धैर दयाव वै मा बेसण क रोल धैर दयाव ढैक दयाव, 20 मिनट बाद चाकू चुभा कि दयाखवा साफ निकलद त उतार ल्याव
ये क छवट छवट पीस बणाव अलग धैर दयाव
अब एक बर्तन म तेल गरम कैरिक जीरा हींग तड़काव, प्याज लासण अदरक टमाटर कु पेस्ट बणै कि भून ल्याव तब तक पकाव जब तक तेल न छोड़ दयाव, मसला हल्दी, लूण ,देगी मर्च धणिया मनमुताबिक मिलाव 2 मिनट तक और भूनिक आवश्यकतानुसार पाणि मिलाव, मतलब जतगा गाढ़ू या पतल खाण खूब थडकन दयाव अब ये मा गट्टा भी डालिक उतार ल्याव गरम मसला डालिक, हैर धणया से या क्रीम से सजाव।
गट्टा आप तलिक भी इस्तेमाल कै सकदो।

[Bhishma Kukreti]

उसयां बुखण / उबाले  दालों का चबेना

गढवाली पारम्परिक भोजन
-
गिरीश ढौंडियाल
-

मुख्य  सामग्री वस्तु- लोबिया, मुंगरी, चना, तोर गहत।
जीरा, प्याज, टमाटर, तेल, अदरक, लहसन, नमक, एक निम्बू, हैरी अर लाल मर्चा अर पाणी।
ये सब व्हाला तब ही बूखणा बण सकदीं।

बणाना का वास्ता गैस।
विधि
सबसे पैलि कुकर में सब बूखणा धवेइ के डाल के, पाणी डालिक अर गैस जला के 3-4 सीटी बजण दिणी।
जब तक सीटी बजली अर कुकर ठन्दू व्हालु तब तक प्याज, टमाटर, अदरक, लहसण, हैरी मर्चा बारीक काट दिणी।
एक कढ़ाई मां तेल गरम कन, जीरा डालिक तड़कना का बाद वे मां प्याज सुनहरा हूणा तक भुजणु रैण। तब अदरक, लसन डाल दिणी। थोड़ी देर बाद टमाटर डाल दिणी। जब सब मसाला भुने जाल तब कुकर मा बटे उजयां बुखाणा ये मसाला मां डाल दिणी। बुखाणा घोटणा नि छीं।नमक, लाल अर हैरी मर्चा स्वादानुसार दलण चंदीं।
परोसणा से पैलि एक निम्बू निचोड़न, काटिक थोड़ा हारु धनिया बुबरा दीण।
समय 20 मिनट।
लयावा बुखाणा खाणा खुण तैयार छीं।

[Bhishma Kukreti]

आंवला कि चटणि
-
गढ़वाली शैली में भोजन

चटणि यात्रा-31
सरोज शर्मा ( चटणि शोधार्थी )
-
4 माबतो खुण
कुल समय 20 मिनट ( बणाण क )
सामग्री
एक चम्मच तेल
एक चम्मच सौंफ
एक कप उबलयू अंवला
एक चम्मच धणया
एक चम्मच लाल मर्च पौडर
एक बढ़ चम्मच घीयू
एक चम्मच ब्राह्मी क पत्ता
लूण स्वादानुसार
सगोर
एक पैन म तेल डालिक गरम कैरिक सौंफ डाल दयाव उबलया अंवला भी डाल दयाव अब धणया पौडर, लाल मर्च पौडर, घी डालिक एक मिनट तक पकण दयाव
अब ये म ब्रह्मी क पत्ता भि डाल दयाव लूण डालिक ठंड हुण दयाव ठंड हुणक बाद मिक्सर म पीस ल्याव, खावा, खिलावा।

[Bhishma Kukreti]

साबुत उड़द की दाल
-
गढ़वाली शैली पारम्परिक भोजन रेसिपी
-
अनिता ढौंडियाल कोटद्वार

चार माबतूं
उड़द दाळ पकाणो समान/सामग्री
द्वि कटोरी दाल,
आधा कटोरी राजमा,
एक इंच आदू,
द्वी लौंग
चुटकी भर हींग,
एक कटोरी प्याज बरीक कट्यूं,
पांच फोली लासण,
एक कटोरी टमाटर कट्यूं,
एक चम्मच धनिया पाउडर,
आधा चम्मच हल्दी,
आधा चम्मच लाल मर्च,
एक चम्मच गरम मसलू,
एक बड़ू चम्मच घी,
एक चम्मच मक्खन
-
उड़द दाळ बणौणू सगोर/ उड़द दाल रेसिपी
-
सबसे पैली दाल ध्वेकी कुकर मा डालिकि पांच कट्वरी पाणी
डाला, अब आदू बरीक कूटिकि अर द्वि लौंग भि डाल द्या
कुकर बन्द कैरी गैस मा धैर द्या, एक सीटी औंण पर झौल कम कर द्यावा आधा घंटा तक पकावा
अब एक पतीला मा घी गरम कैरी प्याज भूटा हींग डाल द्या प्याज लाल होण पर टमाटर लासण कूटिकि अर सब्या मसला भि डाल द्या लोण अन्दाजन डाला एक मिनट तक ढक द्या
झौल कम रखण
जब मसला घी छोणन लग जाव त उसेयीं दाल डाला
द्वि तीन कट्वरी पाणी डालिकि दस मिनट तक तेज झौल मा पकावा हैरू धणिया डाली एक मिनट ढक द्या
परोसदां मक्खन डाला
भात झंगोरा दगड़ी खावा गरम
जब मसला घी छ
-
सर्वाधिकार @ अनीता a नैथानी ढौंडियाल

[Bhishma Kukreti]

शाकाहारी ग्रिल सैण्डविच.
-
विशेश्वर सिल्स्वाल
-
आज आपतैं शाकाहरी ग्रिल सेण्डविच बणान सिखांद।
Ingredients:
Butter
Oil
Ginger Garlic Paste
Chilli flakes
Green Chilli
Onion
Capsicum
Yellow Bell pepper
Red Bell pepper
Tomato
Salt
Carrot
Black Pepper Powder
Mayonnaise
Bread
Butter(To Grill)
"शाकाहारी ग्रिल सेण्डविच"
खास सामग्री.
1. मक्खन- 100gm
2 जैतून/रिफाइंड तेल-एक दो चम्मच
3. लहसुन का पेस्ट- तीन-चार फली लहसुन
4. लाल मिर्च फ्लेकस-एक चम्मच
5.हरी मिर्च-एक /दो
6.प्याज- 200gm(
7. हरी शिमला मिर्च- एक
8. पीली शिमला मिर्च-एक
9. लाल शिमला मिर्च-एक
10.टमाटर-100gm( एक)
11. गाजर- एक
12. नमक- दो चम्मच स्वादानुसार
13. काली मिर्च पाऊडर- आधा चम्मच
14. मियोनिस्- तीन चम्मच
15. ब्रेड/डबलरोटी (आटा ब्रेड).-12 पीस
रेसिपी-:-
सबसे पेलि सब्बि सब्ज्यूं तैं खूब ध्वैक (गाजर, प्याज, टमाटर ,शिमला मिर्च(हरी ,लाल , पीली) लम्बा व बड़ -बड़ टुकड़ों मा काटी दीण । लम्बे रुप में बड़ा -ल्यासण कु पेस्ट तैयार करण।
अब कड़ै तैं हल्की आंच मा चूल्लू/गैस मा गरम करणो रखण। कड़े मा एक द्वी चम्मच जैतून या अन्य क्वी भि रिफाइंड तेल डाऽलण। जब तेल हल्कि गरम ह्वे जालु त ल्यासण क पेस्ट व हरि मिर्च छुट टुकड़ा कड़े मा ध्वालो। सब्बि कटी सब्जियों तैं भी कड़े मा डाऽलण अर स्वादानुसार नमक मिलैंक थ्वड़ा देर तक हल्की आंच राखिक करछिन हिलाणु रैण।
जब सामग्री हल्कु भूरु रंगे ले ल्यालि त सर्रा सामग्री ठण्ड करण एक प्लेट मा उतारी दिण। वैक बाद वे मा काली मिर्च अर मियोनी एवं लाल मिर्च बीज(फ्लेकस) अर मियोनि (Mayonniase) भि मिले दिण।
अब एक ब्रेड पीस पर हल्कु मक्खन लगैक वे मा थ्वड़ा प्लेट मा रखीं सामग्री फैला दिण। वेक मथी हैंक ब्रेड पीस पर मक्खन लगैक ढक्कन सी धेर दिण।
फिर वे तैं सैण्डविच मेकर मा 3 से 5 मिनटत तक ग्रिल करणों राखि दिण। बाद मा चक्कून तिरछा या सीधा बीच मान द्वी हिस्सा कैरिक द्याव। बस ह्वे गै आपकु शाकाहारी ग्रिल सैण्डविच तेयार।
गरम-गरम चाय अर टमाटर क चटनी दगड़ प्लेट पर खाणो खुणि मेज मा रखिक स्वाद ल्यावा जी।

[Bhishma Kukreti]

भात का पकोड़ा
-
उषा बिज्लवाण - देहरादून।
-
मन्खी- ३।
समै- २२ मिनट।
सामग्री-
२ प्याली बच्यूं भात , १ गाजर खोरयूं, १/२ प्याली गोभि कटीं, २ चम्मच हर्यूं धणियां कट्यूं, १ मर्च बरीक कटीं , १ ईंच आदू बरीक कटीं ,१/४ चम्मच जीरा पौडर, १/२ चम्मच चाट मसालू, १/२ चम्मच कशमीरी मर्च, १/२ चम्मच लोण, १/२ चम्मच काली मर्च पिसीं ,१/२ कप बेसण, तेल तलनक
पकौणा की रसाण- भात मा थोड़ पाणी डालीक पेस्ट बणैद्या अब वैम तेल छोड़ीक सब सामग्री मिलै द्या खूब अच्छी तरौं मिला अब गैस मा कढै रखीक तेल डाला अर कै भी आकार का पकोड़ा तल ल्या अर टमाटर सौस दगड़ी खाणा कू आनन्द ल्या

[Bhishma Kukreti]

 कलाकंद रेसिपी
-
सरोज शर्मा सहारनपुर बटिक
-
बस द्वी चीजो ल तैयार
दूध द्वी लीटर
चिन्नी अध कटवर
निंबू क रस या सिरका
सगोर
अधा लीटर दूध अलग धैर दयाव
बाकी दूध गरम कैरिक निंबू क रस ल ,या सिरका से फाड़ ल्याव फटयू दूध मलमल क कपडा छलणि म धैरिक पाणि निथारिक साफ पाणि डालिक ध्वाव अच्छी तरह, मैसर ल खूब मसल ल्याव अब गैस म कढै धैरिक बचयू दूध कडाव चिन्नी स्वादानुसार मिलाव अब
ये म पनीर मिलाव, तेज आंच म तेजी से चलांद राव गाढु ह्वै जाव त डिश ट्रे म निकालिक पिस्ता बदाम सजाव मनमुताबिक पीस काटिक खावा खिलावा।

[Bhishma Kukreti]

साबुत उड़द की दाल
-
गढ़वाली शैली पारम्परिक भोजन रेसिपी
-
अनिता ढौंडियाल कोटद्वार

चार माबतूं
उड़द दाळ पकाणो समान/सामग्री
द्वि कटोरी दाल,
आधा कटोरी राजमा,
एक इंच आदू,
द्वी लौंग
चुटकी भर हींग,
एक कटोरी प्याज बरीक कट्यूं,
पांच फोली लासण,
एक कटोरी टमाटर कट्यूं,
एक चम्मच धनिया पाउडर,
आधा चम्मच हल्दी,
आधा चम्मच लाल मर्च,
एक चम्मच गरम मसलू,
एक बड़ू चम्मच घी,
एक चम्मच मक्खन
-
उड़द दाळ बणौणू सगोर/ उड़द दाल रेसिपी
-
सबसे पैली दाल ध्वेकी कुकर मा डालिकि पांच कट्वरी पाणी
डाला, अब आदू बरीक कूटिकि अर द्वि लौंग भि डाल द्या
कुकर बन्द कैरी गैस मा धैर द्या, एक सीटी औंण पर झौल कम कर द्यावा आधा घंटा तक पकावा
अब एक पतीला मा घी गरम कैरी प्याज भूटा हींग डाल द्या प्याज लाल होण पर टमाटर लासण कूटिकि अर सब्या मसला भि डाल द्या लोण अन्दाजन डाला एक मिनट तक ढक द्या
झौल कम रखण
जब मसला घी छोणन लग जाव त उसेयीं दाल डाला
द्वि तीन कट्वरी पाणी डालिकि दस मिनट तक तेज झौल मा पकावा हैरू धणिया डाली एक मिनट ढक द्या
परोसदां मक्खन डाला
भात झंगोरा दगड़ी खावा गरम
जब मसला घी छ
-
सर्वाधिकार @ अनीता a नैथानी ढौंडियाल

[Bhishma Kukreti]

झंगोरऽकु मिट्ठु पऴ्यौ (छंच्या) अर मिक्स पुलाव
-
विवेका नन्द जखमोला -
 
मैण मसऽलु -
१-अधा लीटर ताजि छांछ । २-एक कट्वरि झंगर्याळ . ३. द्वी बड़ा चम्मच चिन्नी या एक डैळि गुड़ै। ४-घर्या पिस्यूं चटपुटु हैरू लूण स्वादानुसार।
बणाण कनम च- लोखरै भद्वलि गैसऽम धारा। खूब तचण द्या अब तचदि कड़ै उंद छांछ डाळा । 15मिलट तक उमाळ आणि द्या। उमळ्दि छांछ मा अच्छि तरां धुयां झंगर्याल डाळा अर कर्छिल चलांद जावा ।ढिंढा नि होण चयेंद ।15 मिलट हौरि पकण द्यावा ।कर्छिल चलाण नि छुडण, नथर डुबख ह्वै जांदन । बस बणि गे लपलुपू खटु मिठु छंच्या (जै खुणि हमर यनां पळ्यौ ब्वल्दिन)
नोट-थलीसैण या कखि हौरि बि ये खुणि छंच्या हि ब्वल्दिन पर बणाण मा जरा सा अंतर च छांछ अर झंगर्याल पैलि मिलै दीणन भद्वलि मा छौंक लगावा स्वादानुसार लूण मर्च मसलु ध्वाला अर 20 मिलट तक पकावा। ह्वै ग्या नमकीन छंच्या तय्यार। 
पुलाव दगड़ि खावा खलावा ।आनंद ऐ जालु।
पुलाव पकाणौ सामान -
१-स्यारऽक या फिर बजऽरि चौंल एक कट्वरि 2.मौसमी सब्जी अल्लु प्याज़ बीन्स फूल गोभी सब्बि मिलै लगभग एक पाव। 3.तेल मसऽलु लोण। 4-सोयाबीन बड़ी 5-7 टुकड़ा।4-चार पांच दाल चिन्नी पत्ता। 5आदु टुकड़ा बि
तरीका - व्वन त सब्यूं थैं पता च पर फिर बि ।
चौंल ध्वै धैक भिजै दीणन।दगड़ि सोयाबीन बड़ी भि।
सब्बि भुज्यूं बि ध्वै धैक काटि ल्या ।
अब गैस जगा कुकर धारा। एक कर्छि तेल या फिर घ्यू डाला। तड़कण द्यावा जीरु प्याज टमाटर अदरक कु छौंक लगावा मथि बटि सोया बड़ी अर चौंल डाला मर्च मसऽलु लूण डाला। दालचीनी पत्ता बि डाला। जरा देर भूनि ल्या वैका बाद एक बड़ा गिलास पाणि डालि ढक्कन लगै एक सीटि आण तक पकावा। भुयां उतारि द्यावा। ठंडु होण बाद गरमा गरम छंच्या दगड़ि खावा ।   जनी बि होलु खै लियां ।ग्वस्सा न हुयां भारै।