MeraPahad Community Of Uttarakhand Lovers

आंखुं  दोष दूर करणो अंजन व्याख्या

चरक संहितौ सर्व प्रथम  गढ़वळि  अनुवाद 

  (महर्षि अग्निवेश व दृढ़बल प्रणीत )
 खंड - १  सूत्रस्थानम , पंचौं  अध्याय ,  १३  बिटेन  - तक
  अनुवाद भाग -  ४१   
अनुवादक - भीष्म कुकरेती
  ( अनुवादम ईरानी , इराकी अरबी शब्दों  वर्जणो  पुठ्याजोर )   
-
      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!!
--
(आँख अग्नि रूप च इलै आंख्युं तै सरैलौ  दोष  वात , पित्त अर कफ से भय बण्युं  रौंद।  विशेषकर कफ से )
सौवीरांजन प्रतिदिन आंख्युं  पर लगाण  चयेंद किलैकि यु आंख्युं कुण  हितकारी च ।   ये से आंख्युं तेजौ रक्छा  हूंदी ,येसे  आंखुं  दोष दूर नि हूंद।  आंख्युं  दोष दूर करणो अर आंखुं पाणी  दोष दूर करणो कुण  पांच अठौं  राति बलबल की अपेक्षा से रसांजन रातम प्रयोग करण  चयेंद।  १३ । 
आँख तेजोमय छन वूं  तैं  कफ से भय हूंद। इलै दिनम  तीक्ष्ण अंजन प्रयोग नि करण  चयेंद। तीक्ष्णांजन से दृष्टि दुर्बल ह्वे जांद। इलै सूरज तै नि सुहांदी
श्लेष्मा क निकळणो उपरान्त श्लेष्मा घटाण वळ  अर आंखुं  तै स्वच्छ करण वळ प्रयोग करण  चयेंद। जै प्रकार से धूळ  आदि ह्यूयं स्वर्ण मैलो हूंद तो तेल , वस्त्र आदि घुसण  से स्वर्ण  स्वच्छ  ह्वे जांद ऊनि मनिखौं आँख स्रोतांजन से निर्म्मल (वात  आदि से दूर ) आँख अगास तरां  चमकण लग जांद। १४ से १७ ।

 
*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य
संदर्भ: कविराज अत्रिदेवजी गुप्त , भार्गव पुस्तकालय बनारस
सर्वाधिकार@ भीष्म कुकरेती (जसपुर गढ़वाल ) 2021
शेष अग्वाड़ी  फाड़ीम

चरक संहिता कु  एकमात्र  विश्वसनीय गढ़वाली अनुवाद; चरक संहिता कु सर्वपर्थम गढ़वाली अनुवाद; ढांगू वळक चरक सहिता  क गढवाली अनुवाद , चरक संहिता म   रोग निदान , आयुर्वेदम   रोग निदान  , चरक संहिता क्वाथ निर्माण गढवाली
 Fist-ever authentic Garhwali Translation of Charka  Samhita,  First-Ever Garhwali Translation of Charak Samhita by Agnivesh and Dridhbal,  First ever  Garhwali Translation of Charka Samhita. First-Ever Himalayan Language Translation of  Charak Samhita

धूम्रपानौ आठ काल , लक्षण

चरक संहितौ सर्व प्रथम  गढ़वळि  अनुवाद 

  (महर्षि अग्निवेश व दृढ़बल प्रणीत )
 खंड - १  सूत्रस्थानम , पंचौं  अध्याय , ३१   बिटेन  - ३६  तक
  अनुवाद भाग -   ४३
गढ़वाली म सर्वाधिक  अनुवाद करण  वळ अनुवादक - भीष्म कुकरेती
  ( अनुवादम ईरानी , इराकी अरबी शब्दों  वर्जणो  पुठ्याजोर )   
-
      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!!
--
मुख से धुंवापान  का समय  ब्रह्मा  श्रीन  बुल्यां  छन किलैकि यूं समौ  वात  अर  कफ प्रकोप दिखे जांद।  हौर समौ इथगा प्रकोप नि  दिखे जांद -
नयाणो उपरान्त, भोजन करणो उपरान्त , छिंकणो उपरान्त नाक , जीब साफ़ करणो परान्त, नस्य नसावर ) लेका , अंजन लीणो उपरान्त , मन जब पुळ्याणु हो , बिजण पर धूम्र पान लीण चयेंद।  ये प्रकार से  गौळ  से मथि वातजन्य अर कफजन्य रोग नि हूंदन। 
शीत गुणो कारण वायु कुपित हो त वातजन्य व्याधि  हूंदन।  इन अवस्था म स्नेहिक (घी जन मुलैम  ) धुंवा लीण  चयेंद  . जब सरैल रखो हो तो  रुखो हर्ता    स्नेहिक धुंवा लीण  चयेंद।  कफ तब हूंद जब सरैल म रुखा का आभाव हूंद।  इलै कफ नाशौ  बान वैरेचनिक  धुंवा लीण  चयेंद।  तीन प्रकारौ  धूम्रपान म नौ   घूँट सीमित करे गेन  अर्थात धूम्रपान म  नौ घूंट  से अधिक घूंट  नि  लीण  चयेंद। ३१-३३ । 
 उन त  धूम्र पान समय आठ बताये  गेन, तथापि बुद्धिमान तै अपण स्राईलो दोष वृद्धि, क्षय आदि विचार कौरिक  द्वी समय ही धूम्र पान लीण चयेंद।  स्नेहिक धुंवा दिनम एक समय, वैरेचिक धूम्रपान  तीन या चार दैं  इ लीण चयेंद बिंदी ना।  ३४। 
  सम्य धूम्रपाना  लक्छ्ण   -
हृदय /छाती , गौळ ,गौळौ मथ्या भाग , इन्द्रियां (आंख , नाक , कंदूड़ ) म स्वछता कु आभास हूण , मुंड हळको लगण , , दोष- वात , पित्त , कफ जनित दोषों शान्ति कुण यी सम्यक प्रकार से पियों धुंवा का लक्षण छन।  ३५। 
 बिंडी धूम्रपानौ लक्छण -
बैरो हूण , काणों या हीन दिखेण , गूंगापन , स्वर भेद वृद्धि या जीब से नि बुलेण , रक्तपित्त  विकार ,भरम ,  रिंग उठण  , यी उचित समय पर धूम्रपान नि करण  या बिंडी मात्रा म धूम्रपान लीण से हूंदन।  ३६। 


*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य
संदर्भ: कविराज अत्रिदेवजी गुप्त , भार्गव पुस्तकालय बनारस
सर्वाधिकार@ भीष्म कुकरेती (जसपुर गढ़वाल ) 2021
शेष अग्वाड़ी  फाड़ीम

चरक संहिता कु  एकमात्र  विश्वसनीय गढ़वाली अनुवाद; चरक संहिता कु सर्वपर्थम गढ़वाली अनुवाद; ढांगू वळक चरक सहिता  क गढवाली अनुवाद , चरक संहिता म   रोग निदान , आयुर्वेदम   रोग निदान  , चरक संहिता क्वाथ निर्माण गढवाली
 Fist-ever authentic Garhwali Translation of Charka  Samhita,  First-Ever Garhwali Translation of Charak Samhita by Agnivesh and Dridhbal,  First ever  Garhwali Translation of Charka Samhita. First-Ever Himalayan Language Translation of  Charak Samhita   

धूम्रपान विधि व चिलम नळिका लम्बाई विधान 
चरक संहितौ सर्व प्रथम  गढ़वळि  अनुवाद 

  (महर्षि अग्निवेश व दृढ़बल प्रणीत)
 खंड - १  सूत्रस्थानम , पंचौं  अध्याय ,  ४४   बिटेन  - ५०  तक
  अनुवाद भाग -   ४५
गढ़वाली म सर्वाधिक  अनुवाद करण  वळ अनुवादक - भीष्म कुकरेती
  ( अनुवादम ईरानी , इराकी अरबी शब्दों  वर्जणो  पुठ्याजोर )   
-
      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!!
--
धूम /धुंवां कन पीण  चयेंद -
विरक्तादि से भिन्न, बारा वर्ष से उब, नयाणो समय आदि म नासिका दोष वळ या आँख म आश्रित हूण पर नासिका /नाक से धूम्रपान कारो।  कंठ या गौळ  दोष म मुख से धूम्रपान करण  चयेंद। जु धुंवा नाक से लिए गे हो वै तै मुख से भैर गडण  चयेंद अर नाक से ना।  किन्तु मुख से धुंवा पीण पर धुंवा नाक से भैर  नि गडण।  मुख से लियुं  धुंवा मुख से ही भैर  गडण  किलैकि  नाक से भैर गडणम आंखों पर हानि हूंद।  ४४ -४५। 
 धूम्रपानौ  आसन -
अकुटिल सरैल  आंख , हथ पाँव सर, पीठ , ग्रीवा , सीध रखिक , धूम्रपानम मनोयोग  करि  भल प्रकार से , शांत बैठिक तीन तीन सुट्टा /दम  एक दगड़ी मरण  चयेंद।  कुल नौ समय  पीण  चयेंद , पींद समय नाकौ एक दुंळ बंद कर लीण , ये प्रकार से द्वी नासिकौं  से  हीन  से हीन  समय  धुंवा लीण  चयेंद।४६।   
धूम्रपान नळिका / नळी -
वैरेचनिक  धूम्रपान म  नेत्र नळी  २४ अंगुळ  हूण  चयेंद।   स्नेहिक धूम्रपान  कुण  नळी  ३२ अंगुळ की हूण  चयेंद।  प्रायोगिक धूम्रपान की नळी ३६ अंगुळ की हूण  चयेंद।  ४७। 
नळिका  की संरचना -
पर्व गाँठ गिरह सीधे तीन सीधी गिरह वळि गिरहों  पर ठीक प्रकार से मिलीं हो , अर अगनै   मुख पर बेर सामान नळिका हूण  चयेंद।  नळिका  बणाण  वळो  द्रव्य बि वस्ति की नळिका  जन ही हो।  ४८
चौबीस या छतीस अंगुळ लम्बी नळिका  म दूर से आणौ कारण तीन गिरह गांठ  हूणौ  कारण धूम्र को तीक्ष्णता /कटास  हीन  ह्वे जांद अर  बेर जन मुख से धुंवा एकदम वेग से नि आंदो।  अर उचित समय व मात्रा म लियुं  धुंवा इन्द्रियों तै हानि नि पंहुचांदो। 
उत्तम प्रकार  का धूम्रपान का लक्षण -
जब उरस्थल (छाती ), गौळ म ,सरम हळ्को पन  आयी जावो व कफ पतळु  ह्वे जावो तो धामंडपाण तै उचित समजण  चयेंद।  ४९, ५०।   
*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य
संदर्भ: कविराज अत्रिदेवजी गुप्त , भार्गव पुस्तकालय बनारस
सर्वाधिकार@ भीष्म कुकरेती (जसपुर गढ़वाल ) 2021
शेष अग्वाड़ी  फाड़ीम

चरक संहिता कु  एकमात्र  विश्वसनीय गढ़वाली अनुवाद; चरक संहिता कु सर्वपर्थम गढ़वाली अनुवाद; ढांगू वळक चरक सहिता  क गढवाली अनुवाद , चरक संहिता म   रोग निदान , आयुर्वेदम   रोग निदान  , चरक संहिता क्वाथ निर्माण गढवाली
 Fist-ever authentic Garhwali Translation of Charka  Samhita,  First-Ever Garhwali Translation of Charak Samhita by Agnivesh and Dridhbal,  First ever  Garhwali Translation of Charka Samhita. First-Ever Himalayan Language Translation of  Charak Samhita   

 

    अणु तैल निर्माण व नस्य कर्म विधान

चरक संहितौ सर्व प्रथम  गढ़वळि  अनुवाद 

  (महर्षि अग्निवेश व दृढ़बल प्रणीत )
 खंड - १  सूत्रस्थानम , पंचौं  अध्याय ,  ६१  बिटेन  -  ६८ तक
  अनुवाद भाग -   ४७
गढ़वाली म सर्वाधिक  अनुवाद करण  वळ अनुवादक - भीष्म कुकरेती
  ( अनुवादम ईरानी , इराकी अरबी शब्दों  वर्जणो  पुठ्याजोर )   
-
      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!!
--
अणु  तैल  निर्माण विधि -
चंदन , अगर , तेजपत्ता, वायविडिंग,  बेल  वृक्ष  -जड़ , नीलकमल, पुण्डरीक,श्वेत कमल , छुटि इलैची, किनग्वड़ौ  बक्क्ल,  मुलेठी,बलाखरैटी, नेत्रबाला,जंगी,हरड़, केवलमुस्ता, दाळचिन्नी,नागरमोथा , अनंतमूल, शालपर्णी, जायन्ती, पीठवर्ण, देवदारु, शतावर,रेणुकाबीज, बड़ी कटेरी, छुटि कटेरी, साल्ल्की, कमल केशर, यूं सब तै  सौ गुणा बरखापाणी म पकाण  चयेंद अर दशांस रौण  पर क्वाथ तै उतार ल्यावो।  अब  छण्ययूं क्वाथ का दस भाग कारो , प्रत्येक तै तैल सिद्ध कारो , फिर वै इ तेल म दुसर भाग , फिर तिसर भाग तैल अर इनि  दसों भाग तै सिद्ध कारो।  ा अंत म  दशवां  भाग क तैल  का बराबर दूध  मा क्वाथ  मिलाई द्यावो।  यु नस्य कर्म हेतु अणु  तैल निर्माण विधि च।  ६१-६५। 
ये तैला द्वी  तोला मात्रा लेकि सिर क तेल लगायिक चिपुळ  कारो , पसीना लेकि , तब रुई फांक से  तीन दैं नस्य करण  चयेंद।  ये द्वी द्वी  त्वाळा से तीन तीन  दिन का अंतर् म नस्य करण चयेंद, अर्थात तीन दिन छोड़ी पंचों दिन।  ये प्रकार प्रत्येक ऋतू म कुल सात बार नस्य लीण  चयेंद।  ये तैल  का नस्य लीण  वळ  मनिख तै वायु झोंका म ,खुली वायु म रौण  चयेंद।  शरीर तै गरम रखण  चयेंद , जितेन्द्रिय /ब्रह्मचारी रौण  चयेंद।  यु तैल वात , पित्त अर कफ तिनि  दोषनाशी च अर सभी इन्द्रियों तै बल दिँदेर च। जु नियमित रूप से ये तेल से नस्य करदो  वै  तैं  उपरोक्त लाभ मिल्दो।  ६६ -६८। 
 
*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य
संदर्भ: कविराज अत्रिदेवजी गुप्त , भार्गव पुस्तकालय बनारस
सर्वाधिकार@ भीष्म कुकरेती (जसपुर गढ़वाल ) 2021
शेष अग्वाड़ी  फाड़ीम

चरक संहिता कु  एकमात्र  विश्वसनीय गढ़वाली अनुवाद; चरक संहिता कु सर्वपर्थम गढ़वाली अनुवाद; ढांगू वळक चरक सहिता  क गढवाली अनुवाद , चरक संहिता म   रोग निदान , आयुर्वेदम   रोग निदान  , चरक संहिता क्वाथ निर्माण गढवाली
 Fist-ever authentic Garhwali Translation of Charka  Samhita,  First-Ever Garhwali Translation of Charak Samhita by Agnivesh and Dridhbal,  First ever  Garhwali Translation of Charka Samhita. First-Ever Himalayan Language Translation of  Charak Samhita

तेल -गरारा , , मुंड -सरैलौ, कंदुड़ुन्द , खुटुं  तेल  मर्दन विधान

चरक संहितौ सर्व प्रथम  गढ़वळि  अनुवाद 

  (महर्षि अग्निवेश व दृढ़बल प्रणीत )
 खंड - १  सूत्रस्थानम , पंचौं  अध्याय ,  ७६  बिटेन  - तक
  अनुवाद भाग -   ४९
गढ़वाली म सर्वाधिक  अनुवाद करण  वळ अनुवादक  - आचार्य  भीष्म कुकरेती
  ( अनुवादम ईरानी , इराकी अरबी शब्दों  वर्जणो  पुठ्याजोर )   
-
      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!!
--
तेल गरारा
तेल गरारा से  जबड़ों  (जिबा ड़ ) तैं  बल मिल्दो, वाणी , स्वर , ध्वनि तैं  शक्ति मिलदी, मुख,  गल्वड़  आदि म चमक /वृद्धि, उन्नति, अर रसों  भली  भांति ज्ञान  हूंद  अर अन्न भक्षण रूचि बढ़दि।  तेल -गरारा करंदेर कु गौळम खुश्की, रुखोपन  नि हूंद , हूंठ फटणो आशंका हीन हूंद।  दांत शीघ्र  हि नि झड़दन  बल्कणम यूंको जलड़ बि बलशाली हूंदन अर दांतोम डाउ नि हूंद , खटै से खट्ट नि हूंद अर कैड़ो वस्तु  बुकाण म बि सक्षम ह्वे जांदन।  ७६-७८।

   मुंड पर तेल मालिसौ   लाभ  -
प्रतिदिन मुंड पर तेल मालिस से मुंड पीड़ा नि हूंद, बाळ नि झड़दन , बाळ कुसमय सफेद नि हूंद  . तेल मालिस से मुंड हड्डी बलशाली  हूंदन अर बाळुं जड़ शक्तिशाली हूंदन, बाळ काळ अर लम्बा रौंदन।  आँख,  कंदूड़  जन इंडिय स्वच्छ हूंदन।  चैन से नींद आंद (अर्थात  तनाव हीन हूंद )  । मुंड पर तेल मालिसौ यी लाभ छन। ७९ -८१। 
कंदूड़ुंद तेल डाळणो लाभ -
प्रतिदिन कंदूड़ुन्द तेल डाळण  से कंदूड़ो रोग , ग्रीवा  (गरदन ) जकड़न नि हूंद, जबड़ाभिंचण नि हूंद,  ऊंचोसुणन नि  हूंद  अर बैरोपन हूणो अवसर नि हूंदन।  ८२।
सरैल पर तेल मालिस विधान -
जै प्रकार से तेल /स्नेह द्रव्य से घौड़  अर  तेल मर्दन से चमड़ा  बलशाली अर  चिपुळ अर  जै प्रकारन तेल चुपड़न से गाड़ी धुरी बलशाली ह्वे जांदन  अर  दुःख  सैण (सहन ) लैक ह्वे जांदन ऊनि सरैल पर तेल मर्दन से सरैल दृढ , बलशाली अर त्वचा /चमड़ी  कोमल ह्वे जांद।  वायु रोग शांत ह्वे जांदन अर सरैल दुःख सैण  लैक ह्वे जांद (इम्मयूनिटी वृद्धि ) अर  व्यायाम व परिश्रम करण लैक  ह्वे जांद  . ८४ -८५। 
अन्य इन्द्रियों बनिस्पत त्वचा /लुतुक म वायु आधिक्य रौंद अर स्पर्श ज्ञान बि त्वचा /लुतुक  से इ हूंद , िलै त्वचा पर तेल मर्दन लाभकारी च , इलै मनिख तै  यि करण इ चयेंद। 
तेल मालिस  कारण त्वचा  की चोट सैणो  शक्ति बढ़द ,किलैकि वायु शांत हुयीं रंदी तो आघात जु  वायु तै कुपित करदो बि कुपित नि कौर  सकद।  इलै अचाणचक आघात अर परिश्रम से बि विकार नि हूंद। 
नित्य तेल मर्दन से लुतकी/त्वचा  कोमल , उत्तम स्पर्श ज्ञान वळि , अर  मनिख सुघटित अंग वळ , बलशाली सुंदर शरीर वळ  ह्वे  जांद।  इन मनिख पर वृद्धावस्था बि शीघ्र नि आंद ।  ८६ -८७। 
खुटुं तेल मर्दन -
खुटुं विशेषरूप से तंतु पर तेल मर्दन से खरखरोपन , शुष्कता/खुश्की, रुखाई, थकान, अर खुटुं  से जाण  जन विकार शीघ्र ठीक ह्वे  जांदन।  खुटुं  म तैल मर्दन से कुंगुळपन आंद अर खुट बलवान व स्थिर (कमण नि हूण ) ह्वे जान्दन।  यांको अतिरिक्त आँख बि निर्मल  ह्वे जांदन अर खुटुं    वायु बि  शांत ह्वे  जांद।  प्रतिदिन खुटुं  तेल मालश करण से मनिखो खूट कुंगळ रौंदन अर पानफ फटणो  रोग नि हूंद , अर शिरा व धमनी (मांश पेशी ) संकुचित बि नि हूंदन।  ८८ - ९०। 
 
*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य
संदर्भ: कविराज अत्रिदेवजी गुप्त , भार्गव पुस्तकालय बनारस
सर्वाधिकार@ भीष्म कुकरेती (जसपुर गढ़वाल ) 2021
शेष अग्वाड़ी  फाड़ीम

चरक संहिता कु  एकमात्र  विश्वसनीय गढ़वाली अनुवाद; चरक संहिता कु सर्वपर्थम गढ़वाली अनुवाद; ढांगू वळक चरक सहिता  क गढवाली अनुवाद , चरक संहिता म   रोग निदान , आयुर्वेदम   रोग निदान  , चरक संहिता क्वाथ निर्माण गढवाली
 Fist-ever authentic Garhwali Translation of Charka Samhita,  First-Ever Garhwali Translation of Charak Samhita by Agnivesh and Dridhbal,  First ever  Garhwali Translation of Charka Samhita. First-Ever Himalayan Language Translation of  Charak Samhita