MeraPahad Community Of Uttarakhand Lovers

ऐकु दिल मेरोँ चा

जिन्दगी यु मेरी
त्वैमा धरि चा
ऐजा दी घडि
भल कै जी लैणु
कै तु मैते कौलि
कै मि त्वैते कौला
चार दिनु कि हुछि
मुलारी जवानी
मुलारी जवानी
चाँद सी मुखुडि
रण-मणि सँभाव
ऐकु दिल मेरोँ चा
उले बसि…
त्वै-मा चा
उले बसि…
त्वै-मा चा

लेख-सुन्दर कबडोला
21/5/2012

ठिठुरि जात

कलम कु स्याहि निमडि गै
विषय हमारु यु बदलि गै
“गीत कु र्गज – रित कु र्तज
छीटा काँसी – मिठा भाषा”
डबलु मा हैगिण यु ले र्दज
पहाड मा देखि यु ब्यार
सबै हैगिण ठिठुरि जात
हल बान कु हलिया लाख
सैणि हैगिण विकु जाग
गौ मा ऐगोँ निठुरि आग
पुराण सँस्कृति लागि डाम
अणरि-उजलि सबै घाम
रिर्वाज ले गिण चारोँ धाम
देवभुमि तै यु परत
कैल रचि…?
अगडि-पगडि सबै भाग
अयाण-सयाण ले हैगिण पात
बीरबल कु खिचडि जै यु पाक

लेख-सुन्दर कबडोला
15/09/2012

यकलु बानर "यु भैर भदैरु समाज कदम
 अत्याचारि पुरुष समाज"
 
 नव जीवन कु सूँचक छै
 माँ बैणि अर चेली तूँ
 ना गर्ब मा सुरक्षित
 ना भैर ऐई यु दुनि मा
 “यु भैर भदैरु समाज कदम
 अत्याचारि पुरुष समाज”
 जबै हैई तूँ गर्ब मा ठैरि
 भेद भाव कू बलि चढि
 तूँ चेलि छै…
 यैक कारण त्यर हत्या है
 “यु भैर भदैरु समाज कदम
 अत्याचारि पुरुष समाज”
 भैर ऐई तूँ फिर ले तूँ
 भेदभाव मा बहती धारा
 जवान हैई तू फिर लेतूँ
 अत्याचारि समाज निगाह बैडि तै
 प्रताड़ित छै तूँ चेलि छै
 “यु भैर भदैरु समाज कदम
 अत्याचारि पुरुष समाज”
 ब्याह करबै ले तूँ
 सुखि नही तूँ चेलि छै
 दहेज कु ताने बाँट मा त्यर
 बिछै हुई यु काटु छण
 पैद हुण तै मरण तलक
 त्यर यौनि बस तूँ चेलि छै
 त्यर यौनि बस तूँ चेलि छै
 
 हे नारि तूँ थम जा अब
 ना चेलि जात कूँ अँकुर दे
 ई पापी दुनिया मा
 कै छू त्यर मान सम्मान
 हे नारि तूँ थम जा अब
 हे नारि तूँ थम जा अब
 “यु भैर भदैरु समाज कदम
 अत्याचारि पुरुष समाज”
 
 लेख-सुन्दर कबडोला
 गलेई- बागेश्वर- उत्तराँखण्ड

"मुर्गि टाँग देशी दाँर
मिल बैठि यु चारो यार"

मुर्गि टाँग देशी दाँर
मिल बैठि यु चारो यार
परुँवा- खिमदा- चनुँवा- शेरदा
जेठ फुँकि कु गर्मि-घाम
दयाल-दा कु सुखि-राम
अजब-गजब कु दगडु थाम
चार पियकड़ काम बियकड़

"बिन पानी कु सडकै देशी
इँग्लिश मा तै फुकनी लेजी"

दयाल-दा वेटर इन दा ग्रेट
मूलि- टाँग, मुर्गि- प्याज
और कै छू रे इन दा डेट

अ से ब भल हैरो कौ
"देशी नँश- पहाडि मँस्त
इँग्लिश फँस्ट- दयाल-दा पँस्त"

जथै जानी यु चार पियकड़
सफल हैजा ऊ काम बियकड़

मुर्गि टाँग देशी दाँर
मिल बैठि यु चारो यार
रुँड भिकाँणु जण टिटाँटु
"अनँपढ कु यु देशी गम
पढी लिखी कु इग्लिँश रम"
अ से ब भल हैरो कौ
परुँवा- खिमदा- चनुँवा- शेरदा
कस पहाड कस हैगो हाल
अ से ब भल हैरो कौ

लेख-सुन्दर कबडोला
गलेई- बागेश्वर- उत्तराँखण्ड

By Sunder Kabdola
ईजा बौज्यु हाँट बाँट तोड
 जूँ क्याँरि कै सिँचै त्वै
 कौप किताब कलम दँवात
 भल अकँक्षर कु ज्ञान दिला
 पढे लिखे यु डिग्ररि ले
 काम नि लागि ईजा बौज्यु
 बाँगश्रेर आँल्माड हँल्दानि दूँन
 नि लागि यु शिक्षा काम
 बस डबलु मा तुलगै डिग्ररि
 चुर चुर हे सुपनियु रे
 
 पढे लिखाई हे बौज्यु त्वील
 काम नै लागि त्यर मुँया
 डबलु मा तुलगै
 तुमर मुँया कु मेहनत आज
 रुवै रुवै म्यर डिग्ररि आज
 हारी ग्युँ हारी गै
 ओ ईजा-बौज्यु रे
 क्षमा करे यु चेला कै
 जूँ उठे नि पाई सुपनियो जाग
 त्यर सुपनियो बदलु कै दु आज
 तुलगै नौकरि हैशियत मा आज
 तुलगै बौज्यु तेरी मेहनत
 तुलगै ईजा तेरी आश
 तुलगै सुपनियो मेरो आज
 गरीब मुँया कि डिग्ररि यारोँ
 गरीब मुँया कि डिग्ररि यारोँ
 
 हे सरकारी बाबु
 कै मोल छू मेरो डिग्ररि आज
 ले म्यर डिग्ररि थाँम
 ईज बौज्यु कु दे दै दाँम
 ईज बौज्यु कु दे दै दाँम
 ईज बौज्यु कु दे दै दाँम
 http://phadikavitablog.wordpress.com/
 लेख-सुन्दर कबडोला
 गलेई- बागेश्वर- उत्तराँखण्ड