Kumauni & Garhwali Poems by Various Poet-कुमाऊंनी-गढ़वाली कविताएं

[एम.एस. मेहता /M S Mehta 9910532720]

"चिठ्ठी वींका नौं"
(जगमोहन सिंह जयाड़ा "जिज्ञासु")
मैं यख राजि ख़ुशी छौं,
तू तख होलि,
मेरा नौना नौनी का दगड़ा,
यानि प्यारा बाल बच्चों दगड़ि...

तू लिखणी छैं, सैडा गौं की ब्वारी,
बाल बच्चों समेत प्रदेश चलिग्यन,
गौं छोड़िक, अपणा ऊं दगड़ि,
अबरी दां जब मैं घौर औलु,
त्वे भी ल्ह्यौलु अपणा दगड़ा,
तू जग्वाळ मा रै, निराश न ह्वै....

प्यारी ब्वै कू क्या होलु?
ब्वैन त बोन्न,
मैं नि औन्दु तुमारा दगड़ा,
मेरु त ज्यू नि लगदु,
परदेश मा, भक्कु भी भौत लगदु,
अपणा ज्युन्दा ज्यू,
नि छोड़ी सकदु घर बार,
प्यारू मुल्क, प्यारा मैत जनु....

तू निराश न ह्वै, जग्वाळ मा रै,
मेरु भी मन नि लगदु यख,
अब घर गौं त छोडण ही पड़लु,
या बग्त की बात छ......
(सर्वाधिकार सुरक्षित एवं प्रकाशित २३.१२.२०११)

[एम.एस. मेहता /M S Mehta 9910532720]

"कथगा दिनु मा मिल्यौं आज"
(जगमोहन सिंह जयाड़ा "जिज्ञासु")
मेरु बचपन कू एक दगड्या,
अपणा प्यारा मुल्क पहाड़ मा,
चन्द्रबदनी मंदिर का मेळा मा,
ऊँचि धार ऐंच मैकु मिलि.

ऊ अर मैं,
शहर की जिंदगी सी दूर,
बेखबर खड़ा था होयां था,
ओडा का डांडा बिटि,
ठण्डु बथौं फर फर औणु थौ,
कखि दूर हैन्स्दु हिमालय,
दूध जनु सफ़ेद अर प्यारू,
बांज बुरांश कू मुल्क हमारू,
हमारा मन मा ऊलार पैदा कन्नु थौ.

बचपन की छ्वीं बात लगिन,
कख कख छन दगड्या प्यारा,
घर अर परिवार की बात,
कुतग्याळि सी लग्यन मन मा,
बित्याँ दिनु की बात याद करिक,
समय कू पता नि लगि,
कथगा देर बैठ्याँ रैग्यौं,
समय सामणि खड़ु थौ,
वैन बोलि, जवा अब घौर जवा,
मिन्न कू अब बगत ख़त्म ह्वैगी,
दगड्या अर मैं अपणा बाटा हिट्यौं,
हमारा मुख सी छुटि,
"कथगा दिनु मा मिल्यौं आज".
(सर्वाधिकार सुरक्षित एवं प्रकाशित २१.१२.२०११)
www.pahariforum.net
http://jagmohansinghjayarajigyansu.blogspot.com/

[एम.एस. मेहता /M S Mehta 9910532720]

क्याजि देखी होलू विन इन्न मैमा
बंद कमरा मा ऐना देखी सरमाणु
हवेगी हाल इन्ना वि छोरा का बाना
भरी ज्वानी मा घैल हवेगी तनबदन
विकी चोर नजरन लुछयाली मेरु चैन
क्या देखी होलू विन इन्न मैमा
कन्नी कन्नी रंगली पिंगली
घुमणी फैसनमा सज धजी
विन मैमा क्याजी देखी होलू इन्न
पलंग मा निंद नि रातयो मा
दिन मा कामधाण हाथ नि लगणु
कन्नू बोल्या हवेगी पराण वि छोरा का बाना
क्याजि देखी होलू विन इन्न मैमा
कन्नू मुंडारु करि वि छोरन
सुधि मुधि को रोग लगेयाली मैमम
द्वै वि छोरे माया मा खोजु
या बिसरी जौ दुंडू इलाज विकू
हे जी क्या करू मेरी हैसदी खेलदी
गैल गैल्यानी जिंदगी का बिच
कखन ऐ स्या छट्यु बदमास
बेमान छोरा ज्यू लिगी मेरु चोरी चित्त
क्याजि देखी होलू विन इन्न मैमा
बंद कमरा मा ऐना देखी सरमाणु
हवेगी हाल इन्ना वि छोरा का बाना......................शैलेन्द्र जोशी

[एम.एस. मेहता /M S Mehta 9910532720]

बहुत दिन बाद एक सृंगार रस मा पिरोयी रचना लिखी है जिसका शीर्षक है ....बांद दीपुली
"गैनो का बिच दमकणी
जून यखुली सी बांद दिपुली
वी देख बजदी दिल मा
मेरा छुणमुण थकुली सि''
''निंद मा सुपन्यो सि बांद दिपुली
वि देख मन हवे जांदू बौल्या सी
आसमान मा उड़दू पराण चखुली सी
दे दे अपणु माया कु घोल बांद दिपुली''
'' बाला लायी पैरायी झगुली सि बांद दिपुली
फूलमा चित्तचनचल तितली सि बांद दिपुली
वि देख मन नचदु चांठो चांठो घ्वीड सि
'' आंखी क्या बुन नैनकौंल छन
सुरै सि सांकी दमकदी मुखड़ी क्या बुन
इन्न च बांद स्वाणी बांद दिपुली "
कु भगी बत्लू होलू ज्यू बटी
जगलू गात संग बांद दिपुली.....................शैलेन्द्र जोशी

[एम.एस. मेहता /M S Mehta 9910532720]

अगर व्यंगकार नरेन्द्र कठैत मायादारो और माया क्वी रचना रच्दा स्या इन्न होंदी
परिकल्पना ...................शैलेन्द्र जोशी
तुमरी उ मसल सुणी च भैजी
कु मसल भै कि माया कु मुंडारु
कोरी कोरी खांदू
अब तुमबता भै अब कोरी खौ
या चाट पूछी
पर कु च इन्न
बिना माया छाया रै पांदू
बिलकुल बिलकुल
पर यि छुची लोली माया
बड़ी नखरी चीज च भैजी
बड़ा बड़ा जोगी संत यि माया बौल
कखी का नि रैया
पर पिरेम माया दुनी टिकी च
जब दुनिया माया मा मायादार जोड़ा ऐ होला
तभी दुनिया बड़ी होली
निथर ब्रह्मानंद औलाद सब्बी छिना
पर माया और मायादारो कु भि रोल च
दुनिया तै झपन्याला करना मा
बिलकुल बिलकुल भैजी...............................शैलेन्द्र जोशी

[एम.एस. मेहता /M S Mehta 9910532720]

यु गढ़ कु गौरव होलू एक दिन
स्यु गढ़ रत्न होलू
उत्तराखण्ड मा एक दिन
ये स्वाणु इस्कुलल्या नोनू
पढ़ी लिखी एगी घौर
स्यु आँखा दिखाणु चा
उथे जौ का बाना गौका हुया
इन्न हाल
पर युकी तरंग उमंग क्वी कमी न
पर स्यु मन मा गीत गुनगुणानु होलू
इखि खत्यु च बचपन मेरु
पर मिल भि उकरि
एक दिन देस चल जाण।.........शैलेन्द्र जोशी

[एम.एस. मेहता /M S Mehta 9910532720]

जनवरी सी नई नई नवेली वो हसीना
चलती है वो फ़रवरी सी फरफराती
मार्च रंगीली होली जैसी वो
अप्रैल का बसंत फुल वो हसीना
मई जून सी गरमी उसमे
जुलाई अगस्त सी भीगी बरसात वो
सितम्बर अक्टूबर की खिली धुप वो
नवंबर दिसम्बर की सर्दी ठण्ड वो हसीना...................शैलेन्द्र जोशी

[एम.एस. मेहता /M S Mehta 9910532720]

यैजा दीदों दौडी दौडी
त्याडों की रौडी मा
पुरणी याद आली तुमतै
त्याडों की रौडी मा
जलेब्युं की दुकनी
सरा सजीं रैली
चुडी कांडी चुंटी बिंदी
मेरी दीदी भुली मुलेली
कखी रस्साकसी की
खिंचमखींच मचीं राल
चुगलेर बगोट जी हैंसै हैंसै की
अंदड पलटांणा राल
बडु दा बी कबी ना कबी
बौ तै लेकी आल
पंजाब बिटी दा न बौ कुन
फोन भी कैर्याल
ख्याल म्यालों क पुरण दिन
फिर बौडी क यै जाल
जब दगड्या ब्योंली दिखंण
ख्याल म्यालों मा जाल
मेरी कबेलदारी की भी
राड घलीं दिन रात मा
पापा हमें भी जाना है
त्याडों गिंदी क म्याल मा
यैजा दीदों दौडी दौडी
त्याडों की रौडी मा
पुरणी याद......
सर्वाधिकार@सुदेश भटट(दगडया)

[एम.एस. मेहता /M S Mehta 9910532720]

Dharampal Rawat 
December 31, 2015 at 1:39pm ·
_/\_ शुभ दोफरा जी..
त ल्या भै प्रस्तुत च आप सबका समिणी 2015 कि मेरी अंतिम रचना...
भै आप लोगों कि दुआ अर् आशीर्वाद से जन-तन्न कै, मोरदा-मोरदा फ़िफ़्टी भि ह्वै हि ग्याई तभा....
आशा करदु कि आप अग्नै भि मिथैं इन्नी झेलणा रैला....
_/\_धन्यखाल अर् आभार आप सबकु भकार भोर के...
आप सब्बथैं सपरिवार नैं साल की भौत-2 बधै हो जी...

[एम.एस. मेहता /M S Mehta 9910532720]

हपार स्यु गौं बस्युं
दीदों द्याखो धार मा
लोग चलीगेन द्वार ढकी
सडक यैग्या चौक मा
देवी द्ययवता भीतर उगडयां
सुनिंद छन परदेश मा
कुछ दिल्ली बंबई बसगेन
कुछ हपार बिदेश मा
बंठों पर सी जंक लग्या
बिसलरी धरीं सिरंण्यु मा
फ्रिजु की तिबासी भुजी
सवदी हुंणी परदेश मा
मेरी दीदी भुली दीदों
हिटी नी सकदन गांव मा
घस्यर लखड्यल बी जमा अलगसी
ह्वेगेन जैकी परदेश मा
धै लगांण मा हुयीं शरम
रैबार जंदिन फोन मा
गांणा सुणदन अंगरेजी भग्यान
लीड कुचीं च कान मा
हपार स्यु गांव बस्युं
दीदों द्याखो......
सर्वाधिकार सुरक्षित@सुदेश भटट(दगडया)