Kumauni & Garhwali Poems by Various Poet-कुमाऊंनी-गढ़वाली कविताएं

[एम.एस. मेहता /M S Mehta 9910532720]

कै गौ कि छे
कै मौ की छे
हे बाटा चलदी बाँद
जरा इन्न सुण दौ
बात बिराणी नि
तेरी अपणी छे
सुंप्नयो मा ज्यु
गाणी स्याणी गठेनी
वू निंद मा देख्या
भला सुप्नयू की सौ
वू बांद तू ही छे
कन्न बात करना छौ
बाटा लगा अपणा घौर का
निथर चप्पल पड़ला
कपाल मा गिनगिन कर
ज्वानि का चिफ्ला बाटो
नि चिफल्या तुम
क्या जवान हुयां तुम
तुम जी बतवा दी हे बांद
फूल सि खिल्या
अर कै मवारन नि दगया
क्या खिलया तुम हे बांद ।........शैलेन्द्र जोशी

[एम.एस. मेहता /M S Mehta 9910532720]

हरक न फरक
पहाड़ क बान
अर
गडमण्डी गडमण्डी
लमडां लमडी
कुर्सी क बान?
ध्यानी। २२/४/१६

[एम.एस. मेहता /M S Mehta 9910532720]

निरभै दरोल्या
दुन्या छोडि की आज चली गे निरभै दरोल्या रै।
जब तक दुन्या मा छाई दरोल्या रैई घपरोल्या रै।
।
चल भलु ह्वैगे आज चली गे निरभै दरोल्या रै।
जब तक दुन्या मा छाई दरोल्या रैई घपरोल्या रै।
।
निरभै दरोल्या त्वैकु कतै भी शरम नि आई रै।
घटकांद घटकांद तेरि दरोल्या कनि मति मरी रै।।
।
जौं ब्वै बाबुल जलम त्वै द्याई उंथै धमकाणु रै।
नना तिन नौंना सैणि अपणि कनु चटकाणु रै।।
।
छै भै भैणा त्यारा दरोल्या यकुलु तू मतगुणु रै।
दारु नशा मा निरभै दरोल्या उंथै तू बिटमणु रै।।
।
ब्यो कारिज मा आंखा दरोल्या चाड़ लगाणू रै।
पतळकु खाणु छोडि दरोल्या माटु बुखाणू रै।।
।
कुकर्या बरांड ग्वर्ख्या बरांड कनु कनु तू पीणू रै।
सिविल बटेक आर्मी वळों का खुटौं मा प्वडणू रै।
।
फुंगडी पटळि बेचि दरोल्या करज मा तू डुबणू रै
दारु पेकी भगवान दुन्या कु अफू थैं समझणु रै।।
।
द्वी सौकि बोतल निरभै दरोल्या सात मा ल्याणू रै
काकि बोडि्यूं का द्वार दरोल्या तू कनु भटकाणु रै।।
।
मवसी अपणि फूक दरोल्या तमशु तू द्यखणू रै।
भै बंधौं अर गौं कु नौं भि बदनाम तु करणू रै।।
।
जैं दारू का बान दरोल्या दिन-रात्यूं भटकणू रै।
पला मा पैंसा हाथ जोड़िकि भीख सि मंगणू रै।।
।
वीं दारू घतोलि दरोल्या लमसठ अब पोडि गै।
ननतिना सैंणी ब्वै बाब अपणा रूंदा यख छोडि गै।।
।
चल भलु ह्वैगे आज चली गे निरभै दरोल्या रै।
जब तक दुन्या मा छाई दरोल्या रैई घपरोल्या रै।
।
निरभगि छाई भग्यान ह्वै गे तू आज दरोल्या रै।
सदनि का आंसू आज ब्वगै गे भग्यान दरोल्या रै।।
सर्वाधिकारसुरक्षित@:-
दर्शनसिंह रावत "पडखंडाई" दिनांक:-18/04/2016

[एम.एस. मेहता /M S Mehta 9910532720]

बलबीर राणा 'अडिग'
April 19 at 5:39pm ·
नै मौल्यार कु रैबार काब्य गोष्ठी हेतु आमंत्रण
आवा बोड़ी आवा
कुछ सुणा कुछ सुणावा
तुमारु यु पाड़
सुलगणु छ या सिस्कणु छ
खिलक्वारी हैसणु या
भंगर्या ह्वे भट्कणु च
कुछ बींगा कुछ बिंगावा
आवा बोड़ी आवा ।
नै मोल्यार कु रैबार, काब्य और मंथन संगोष्ठी में आप सभी मित्र सादर आमंत्रित हैं । 24 अप्रैल अपराह्न 2 बजे से सांय 7 बजे तक हिंदी भवन सभागार देहरादून में जरूर अपनी गरिमामयी उपस्थिति देना न भूलना क्योंकि कार्यक्रम माटी के मर्म को मिटाने के संकल्पधारी पुत्रों/ टीम चकबंदी गरीब क्रांति अभियान उत्तराखंड द्वारा आयोजित किया जा रहा है।
www.garinkranti.in

[एम.एस. मेहता /M S Mehta 9910532720]

चिपको आंदोलन की 42वीं वर्षगांठ पर सपर्पित च चिपको प्रेणता "गौर दीदी की धै" 26 मार्च 1974 मा मैं पैदा त नि ह्वे छायी लेकिन मेरी अंतरात्मा बुनी च इनि बोळी ह्वोलु बन देवी गौर दीदीन। कोट्स श्रद्धासुमन दीदी आपको आपकी प्रेरणा " अतुल्य" अतुल्य , अतुल्य......
******गौरा दीदी की धै********
कुल्याडु आरी ल्येकी कख जाणु रे
कै मुल्क कु तु कसाई रे।
अपणा त क्वे नि इन निर्दयी
तु जरूर सरकार को पाल्यों रे।
हाथ लगे देख जरा अजमाईस कर
हाथ टंगडा तोड़ी द्योला तेरा रे।
भाज अपणी डोफलि टोफुलि ल्येकी
पिछने मुडिक ना द्येख रे।
यु डाला मेरा आस छन
औलाद भी यु ही रे।
हाथ लगे दिखो जरा
तेरी फिर खैरी नि रे ।
मेरी अंग्वाल मेरा भोल पर
धरती की यु धरोहर रे ।
चिपका छोरों दीदी भुल्यों
चिपका बैख नमाण रे ।
डाला कटला या हम कटला
देखदु तुमारी हिम्मत रे।
रचना: बलबीर राणा अडिग"
© सर्वाधिकार सुरक्षित उदंकार पर
www.ranabalbir.blogspot.in

[एम.एस. मेहता /M S Mehta 9910532720]

शांत है
शांत है
मेरा पहाड़ बिलकुल शांत
अपने में मस्त
दूर दूर तक मेरा पहाड़
शांत है शांत
एक ओर से दूजी ओर
जाती हुई बस हवा का शोर
कल कल करती हुयी
नदी का वो छोर
पेड़ों की पत्तों की वो सर सर
फूलों पर भौंरों की गुंजन
दूर बहते झरनों की झर झर
चिड़ियों की चह चह से भर भर
शांत है
मेरा पहाड़ बिलकुल शांत
अपने में मस्त
दूर दूर तक मेरा पहाड़
शांत है शांत
उल्ट पलट तो सिर्फ दून में है
शोर शराबा बस दून में है
राजनीती और
नीतियों से दूर है मेरा पहाड़
ना सोचना की कमजोर है मेरा पहाड़
कुछ बईमान लोगों
का रचा खेल है ये
अपनों को छोड़ १६ साल
बस गैरों के साथ मेल है ये
इसलिये पहाड़ों में ना पहुंची
अभी तक रेल है ये
फिर भी अपने में चूर मेरा पहाड़
शांत है
मेरा पहाड़ बिलकुल शांत
अपने में मस्त
दूर दूर तक मेरा पहाड़
शांत है शांत
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार

[एम.एस. मेहता /M S Mehta 9910532720]

गढ़वाली भाषा च मेरी बोली नि च

गढ़वाली भाषा च मेरी बोली नि च
ये भुल्हा मेरो भूली मेरी ईंथे घौर घौर सिंच
गढ़वाली भाषा च मेरी बोली नि च

कदगा रसैलि च ये कदगा मयली बांद
बडुली लगदा तिस बुझि खुठों लागि कुदग्लि परज
गढ़वाली भाषा च मेरी बोली नि च

मुखमा मिसरी घुलै जनवहैल पिंगली जलैबि
राग स्वर व्यंजन अलकरों दगडी वा च नटेलि
गढ़वाली भाषा च मेरी बोली नि च

गढ़ को ऊ स्वास च मेरो वा मेर जियु परण
विंका बिना दीदी भुल्यूँ हमरी कया पछाण
गढ़वाली भाषा च मेरी बोली नि च

हिमाल का हिंवाल च वा मेरी शीर्ष को मान
मेरा उत्तराखंड भूमि मा मेरा इष्टों का वा समान
गढ़वाली भाषा च मेरी बोली नि च

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार
बालकृष्ण डी ध्यानी
You might also like:

[एम.एस. मेहता /M S Mehta 9910532720]

ये बारी छुट्टी मा बोई

ये बारी छुट्टी मा बोई मिल दून जणा
भौत खैल मिल तेरा हात को रुवाट भात झौल बोई
अब मिल वख जैकी चऔ मियों पिजा बरगर खाण
ये बारी छुट्टी मा बोई मिल देरादून जोंलो ....

भैर लियुंल मिल बी आँखि मा दूँन की रंगमत
कन कन कैन होली रति मा वख दिप दिप की चकमक
सबी धणी घूमी अोंलो अपरि मा मि झूमी की अोंलो
ये बारी छुट्टी मा बोई मिल देरादून जोंलो ......

अपरा भै भैना च क्या वख पता कैरी की अोंलो
शिष्टाचार अव भगत भी मि उंका तपसी की अोलों
कदग प्रित उंकी हम बाण मि आच बोई देकि अोंलो
ये बारी छुट्टी मा बोई मिल देरादून जोंलो ......

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार
बालकृष्ण डी ध्यानी

[एम.एस. मेहता /M S Mehta 9910532720]

मन मेरो हिंडदू रे

हिंडदू रे .... २ मन मेरो हिंडदू रे
मन मेरो हिंडदू रे तू कैथे
खोजी दे खोली दे
वो मन का गेड़ा ये मेरा (बौल्या मन) .... २
हिंडदू रे .... २ मन मेरो हिंडदू रे .... २

ये अकास को मन अल्झी कभी तू
चखुला बणी कि उडी कबी तू
म्यारा कलम का आखर बणी की ऐजा
अब त मेर पास ऐकि मिथे भेंटि जा
हिंडदू रे.... २ मन मेरो हिंडदू रे .... २

आँखियुं का वा मेरा सुपनिया
रात मां ना देकि मिन देकि दिन मां वो सुपनिया
साकार तू ऐकि वैथे कैरी जा
म्यारो चित्र नि रंगी तू वैथे अब रंगी जा
हिंडदू रे.... २ मन मेरो हिंडदू रे .... २

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार

[एम.एस. मेहता /M S Mehta 9910532720]

मथि मथि चलूं ह्युं पड़णु

हुं म ...... अ .....
मथि मथि चलूं ह्युं पड़णु
टुक टुक जियू मेरु किलै करणु
मिठी मिठी पीड़ा तब उठनि
ये आँखि मेर तू कैथे हैरनि
मथि मथि चलूं ह्युं पड़णु ......

देके दे रोज मिथे ऐ सुपन्या
भिगे दे मिथे तू रोज अब वैमा
भीजि ज्यूँ मि सदनि वै खोल मा
रोलों सड़कों का वै घोल मा
मथि मथि चलूं ह्युं पड़णु ......

अपरा अपरि मा मि लग्दी रयुं
ब्याल भौल परबत बल ये सोच्दैरों
ये डांडियों कण्ठ्यों जब ह्यूं जम जौल
ये बारी मि नक्की पहाङ परती औुल
मथि मथि चलूं ह्युं पड़णु ......

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार
बालकृष्ण डी ध्यानी