Articles By Bhisma Kukreti - श्री भीष्म कुकरेती जी के लेख

[Bhishma Kukreti]

गढ़वळि  बाल कथा -4



                   साग- भुज्युं राजा को च ?- खांडि ( भाग) -1



                     भीष्म कुकरेती

  एक दै साग  -भुज्युंम जुध छिड़ी गे बल भुज्युं राजा को च ? जब वो अपण आपसम झगड़ा नि निबटै सकिन  त वो एक बुडड़िम गेन।

बुडड़िन पुछि बल ," तुम कै हिसाब से राजा की पछ्याणक करण चांदा?"

भुज्युं बिटेन कथगा इ आवाज ऐन

"उमर  को हिसाब से"

"न्है ! विटामिन की मात्राक हिसाब से"

"न्है , न्है मिनरल्स को हिसाब से"

" न्है! न्है प्रोटीन, फैट -वसा, फाइबर  आदि क हिसाब से न्याय हूण चयेंद"



  बुडड़िन बोलि बल ठीक च मि एकैक गुणक  हिसाब से तुमारो झगड़ा निपटारो करे जालो।

सब्युंन बोले बल हां यो ठीक च।



  बुडड़ि- अच्छा चलो उमर को हिसाब से दिखला कि हरेकाक कथगा बड़ी उमर च धौं! एक एक कौरिक अपण बाराम  बथाओ!

 
मर्सू- म्यार बि हरा पत्ता होंदन अर पहाड़ोंम बरसातम मेरो पत्तों सागो बड़ी मांग रौंदी।

पहाड़ी मूळा- म्यरा बि हरा हरा पात होंदन अर बरसातम म्यार पत्तों बड़ी मांग होन्दि।मीमा अर पहाड़ी राइम जादा फर्क नि होंद

पिंडाळु पत्ता - बरसातम मेरो पत्यूड़/गुंडळ बणदन

खीरा पत्ता- म्यार पत्तोंन याने टुकलूंक   भुज्जी बणदि अर फूलुंक पक्वड़                           

पहाड़ी पळिन्गु - जी मि हरो पत्तों वळ पाडि पळिन्गु याने पहाड़ी पालक छौं। मेरि खेति  गढवाल अर कुमाउनी पाख पख्यड़ोंम होंद। हमार पत्तों भुजिs स्वाद  मैदानी पलक से थ्वडा अलग होंद अर पहाड़ी लोक बुल्दन बल पाडि पळिङ्गौ स्वाद मैदानी पालक से जादा सवादि होंद।

पहाड़ी राइ- मी बि हरा पत्तों वळ पहाड़ी राइ छौं। मेरि खेति बि पहाड़ो पाख पख्यड़ोम इ होंद। म्यरो पत्तों स्वाद बि मैदानी राइ याने सरसों से अलग हूंद।

लया- मि बि हरा पत्तों वळ भुज्जि छौं अर मेरो स्वाद मैदानी सरसों जन ही होंद किलैकि मेखुण मैदानोंम सरसों बुल्दन।

ओगळ- मि बि हरो पत्तों वळ साग छौं। मेरो पत्तों बढिया साग बणदो। उन अब पहाड़ी लोग मेरि खेति नि करदन पण कबि बग्वाळ उपरान्त जब भुज्युं अकाळ होंदु छौ   मि बड़ो कामौ साग छौ।

प्याजौ पत्ता - जब गर्म्युंम पहाड़ोम भुज्युं अकाळ ह्वे जांदो छौ त  म्यार पत्तों से साग भुज्जि बणदि छे, अज्युं बि

पापड़ी- मि जंगली छौं, गदनोम पाए जांदु   अर कुछ लोग म्यार पत्तों साग बणान्दन

लिंगड़-खुंतड़ - हम बि डाँडो जंगळोम हूंदा अर पुराणों जमानम गर्म्युंमा काम की भुज्जि होंदा था   

सूंट, लुब्या, छीमि  मूळा आदिक फोळि/ फुळड़- हम जब हरा रौंदा त  हमारो साग बणदो   

 

बुडडि - चलो तुम सौब हरा पत्ता छंवां। इन बथावा तुमर उमर क्या होंदि ?

सौब - जु हम अपण डाऴयूं दगड़ इ सुकि जांदा।

बुडडि- अर जब  डाऴयूं से काटिक भुज्जि बान पत्ता रौंदा त तुमारि उमर कथगा रौन्दि ?

सौब - बस द्वी-तीन दिन। अर तीन चार दिन बाद हम ल्हतम डै जांदा।



  बुडडि- मतबल उमर का हिसाब से पत्ता अर फुळड़ कम उमरि क भुज्जि छन। जावो अपण जगाम बैठि जावो।  अब बारी च बरसाती लगलों वळ भुज्युं



लम्यंड, गुदड़ि, तुमड़ी, करेला, मिठ  करेला  आदि - हम बरसातम लगलों पर लगदां। लगलो सुकण पर हम बि सुकि जांदा अर मनिखों तुड़न पर हम द्वी चार दिनुम खराब ह्वे जांदा।

  बुडडि- मतबल तुमारी उमर बि छ्वटि च।अब जरा फल वाळ भुजि अपण उमरो हिसाब त द्याओ!

बेडू-तिमल, क्याळा, घ्वाघा क कच्चा फल- हम जब कच्चा रौंदा त  लोग हमर भुजि बणान्दन अर हमर कच्चा फल तीन चार दिन बाद खराब हूण बिसे जांदा       

बुडडि- मतबल तुमारो बि उमर कमि च।

बसिंगु,क्याळा फूल   - हम तुड़नो बाद द्वी तीन दिन से जादा ज़िंदा नि रै सकदां 

बुडड़ि -  मतबल तुमारो बि उमर कमि च। कंद मूल वळि भुज्युं बि सुणे जावु।



पहाड़ी मूळा- उन जब मनिख मै तै उपाड़दो त मि पांच छै दिनम कबासले जांदा।  उपाड़नो बाद दुबर  खड्यारण/गब्याण   पर मेरि उमर तीन चार मैना तलक बढ़ी जांद

पिंडाळु, तैडू - हम पांच छै मैना तलक त ठीक रौंदा पण फिर  हम गळण बिसे जांदा 

अलु - जु मि पाड़ी अलु होलु त सालेक तक ठीकि रौंद पण जु मि मैदानि अलु रौलु त नौ मैना तलक ठीक रौंदु

खीरा - हमकुण मैदानोंम कद्दू /घपला बुले जांद। पकीं दशाम मि बारा तेरा मैना तलक खराब नि होंदु 

प्याजक दाण  - म्यार दाण खीरा से जादा दिन तलक ठीक रै जांदु   

   

बुडड़ि - उमरो या ड्यूरेबिलिटी हिसाब से त प्याज भुज्युं महाराजा अर खीरा राजा ह्वाइ।

सबि - न्है ! न्है ! यो न्याय-निसाब  ठीक नी च, कै माँ क्या क्या विटामिन , क्या मिनरल च यांको बारं बि सूत भेद लिये जाण चयेंद।

       

बुडड़ि - ठीक च कैं  भुजिम क्या क्या विटामिन छन,  क्या क्या मिनरल छन पर भोळ बात होलि।

सबि - हम सब भोळ औंला  अर आपक न्याय निसाब सुणला   

         





Copyright@ Bhishma Kukreti 30/1/2013



साग- भुज्युं राजा को च ?- खांडि ( भाग) -2 म जारी

[Bhishma Kukreti]

Bhaun ku Kauthig ar Piply-Chaukhty: Short Story depicting images of regional historical events 
Critical Review of Modern Garhwali Short Stories -161
Modern Garhwali short Story by Dinesh Dhyani -3 
    A critical Review and Analysis of Garhwali short story 'Bhaun ku Kauthig ar Piply-Chaukhty ' (from 'Nyuter' –a Story Collection, 2012) written by Dinesh Dhyani
                            Let Us Celebrate Hundredth Year of Modern Garhwali   Stories!
                           Review by Bhishma Kukreti

[Critical Notes on Short Story depicting images of regional historical events; Garhwali Short Story depicting images of regional historical events; Uttarakhandi Short Story depicting images of regional historical events; Short Story  from Nainidanda region depicting images of regional historical events; Short Story  from Dhumakot area depicting images of regional historical events; Short Story of Border areas of Garhwal and Kumaun depicting images of regional historical events;  Mid Himalayan Short Story depicting images of regional historical events; Himalayan  Short Story depicting images of regional historical events; Indian Short Story depicting images of regional historical events; Asian Short Story depicting images of regional historical events; Oriental Short Story depicting images of regional historical events]

         The modern Garhwali short story writer Dinesh Dhyani depicts images of his birth land Dhumakot, Nainidanda in most of his fiction. In the short story 'Bhaun ku Kauthig ar Piply-Chaukhty', Dinesh depicts the images of villages as Chaukhty, Maira, Padkhndai, Dhangalgan, Pokhaar, Ryo, Tolyundand, Dundera, Badagad, Simtand, Kwee, Chinwadi. Dinesh first arrests the attention of readers that he is talking about the area of famous brave woman Tilu Rauteli and he would talk about fair and festivals of Dhumakot Nainidanda. The story is about the fair of Bhaun Devi temple and the fair of Baisakh. 
             The story is about the fight between the two regions Chaukhty (Chaukhty, Maira, Padkhndai, Dhangalgan, Pokhaar, Ryo, Tolyundand villages) and Piplya (Dundera, Badagad, Simtand, Kwee, Chinwadivilaages) in old time for the supremacy.
The story does have many twists due to infighting depiction. The story writer is successful in illustrating the images of Bhaun temple and its worshiping sequences.  Dinesh touches today's situation of fair in Bhaun temple.  Dhyani shows the temple through photograph and also provides three folk songs related to fair and festival of Bhaun Devi temple.
  The story form is in an old man telling story to his grand children. There are no dialogues and is in descriptive form. The readers get perfect images of the area and its people of old time. The dialects are from Nainidanda block of Pauri Garhwal.   
Copyright@ Bhishma Kukreti 30/1/2013
Critical Review of Modern Garhwali Short Stories to be continued...163
Modern Garhwali short Story by Dinesh Dhyani to be continued...4 
Critical Notes on Short Story depicting images of regional historical events; Garhwali Short Story depicting images of regional historical events; Uttarakhandi Short Story depicting images of regional historical events; Short Story  from Nainidanda region depicting images of regional historical events; Short Story  from Dhumakot area depicting images of regional historical events; Short Story of Border areas of Garhwal and Kumaun depicting images of regional historical events;  Mid Himalayan Short Story depicting images of regional historical events; Himalayan  Short Story depicting images of regional historical events; Indian Short Story depicting images of regional historical events; Asian Short Story depicting images of regional historical events; Oriental Short Story depicting images of regional historical events to be continued...

                     Let Us Celebrate Hundredth Year of Modern Garhwali   Stories!

[Bhishma Kukreti]

गढ़वाली हास्य व्यंग्य
हौंसि हौंस मा, चबोड़ इ चबोड़ मा



                                          देहरादुनs कायापलट 





                                       चबोड्या: भीष्म कुकरेती



(s=-माने आधी अ )




                   जु ड्याराडूण  रौणा छन सि परेशान छन बल अब ड्याराडूणम इथगा परेशानी ह्वे गेन बल यू शहर रौण लैक नी च। जु  ड्याराडूण से भैर छन वो परेशान छन कि वूं तै ड्याराडूणै  परेशानी किलै नसीब नि होणि  च। ड्याराडूण संबंधित जथगा बि छापा -पतड़ा (अखबार-पत्रिका) अर इन्टरनेट्या माध्यम छन वो  ड्याराडूणौ कुव्यवस्थाs बाराम बताणा रौंदन।



                   मि घड़्याणु छौ बल जु मीम क्वी रिमोट कंट्रोल हूंद त मि ड्याराडूणs  कायापलट कौरि दींदु।



                  पैल त मि जगा जगा हरबंश कपूर अर वैक नौन्याळो  जन राजकरण्यौ  बैनर /होर्डिंगों पर बैन लगायि दींदो कि ये भै! जु तुम राजनैतिक  इथगा इ कामगति छंवां त तुम तै पब्लिसिटी जरोरात  इ क्या च ? अर जु तुमन बथाणि आयिब ल तुम अपण ब्वेक पुटुकन   इ जन सेवक ह्वेक आवां त बेशरम, निर्लज , लुच्चा , लफंगा, राजनीतिज्ञों ! होर्डिंग बैनर लगाणि इ आयि त नगरपालिकाs टैक्स भरो अर तब अपण बडै/ प्रशंशाs कर्दारा होर्डिंग लगावो। सरा भारतम लोगुं तै सबसे जादा परेशानी राजनीतिज्ञों बैनरों अर होर्डिंगो से हूंदी।

                      जैक बि ड्याराडूणम नगर -पालिका बगैर टैक्स भर्याँ  वाल पेंटिंग होर्डिंग, बैनर राला वै तै सीधा तीन मैनाखुण बगैर सुणवाइ जेल करे जालो अर उख जेलम रोज यूंक पूठा डामे जावन । यूं बिलंच नियम तोड़ू राजनीतिज्ञों तै सुधारणो बस यो हि तरीका रै  गे कि बिलंचो पूठों पर डाम धरे जाव।

   चकरौता से  परेड ग्राउंड तलक , रिसिकेस से  रेस्पिना अर क्लैमिंटाउन से राजपुर   तक  रैपिड ट्रांसपोर्ट की रेल होली।



               हेरक रिक्शा मीटर से इ चालल। जु रिक्षा वाळ मीटर से नि चौलल वैक लाइसेंस सद्यनो कुणि जब्त ह्वे जालो। पुलिस वाळो तें डंडा ना रोजाना तीन दै फ्रेश कळिक बुट्या बांटे जाला। कळि उत्पादन  गढ़वालम बांज पड्याँ पुंगड़ोम  ह्वालु।       



                     ड्याराडूणम, जनता की अदा जगा त इनक्रोचमेंट जोग हुंयीं च।    इनक्रोचमेंट करीं जगा खालि करैक जनता क वास्ता सड़क चौड़ी करे जालो। जु बि इनक्रोचमेंट करण वाळs बचावम आलो वैका कपाळ घंटाघरs चौकम जनता बीच  ड़ामे जालो।

व्यापार बढ़ाणो पूरो इंतजाम करे जालो पण दुकानदार अर उद्योगपतियों तै साफ़ सफ़ै जुमेवारी  उठाण पोड़लि। दुकान या व्यापारिक कार्यालयों  समणि कचरा  दिख्याइ ना कि  दुकान  या कार्यालयों मालिक तै (नौकर ना ) कचरा साफ़ करण पोड़ल अर दगड़म डंड का दगड़  मालिकौ कपाळ  बि ड़ामे  जाला। इन माँ सफाई आन्दोलन चलाणो अभियान  रुकणो बान जो भि सामाजिक कार्यकर्ता या राजनीतिग्य डिस्ट्रिक्ट कलेक्टर या सरकारी अधिकार्युं तबादला बात कारल वै तै नवम्बर से अप्रैल तलक छै मैनाखुण गंगोत्री, जमनोत्री, केदारनाथ या बद्रीनाथ भिजे  जालो अर वांक खर्चा बि यूं फोकटिया , समाजविरोधी, सफाई विरोधि राजनीतिज्ञों या बुलणो ( तथाकथित) सामजिक कार्यकर्ता से इ उगाये जालो। सफाई अन्दोलब विरोध्युं तै गांधी मैदानम रोज कळि से झपोड़े जालो।



     जो बि कार , रिक्शा या बस का ड्राइवर द्वी दें से जादा ट्रैफिक नियम त्वाड़ल वैक लाइसेंस जिन्दगी भरोकुण निरस्त त करे इ जालो वै से पैल परेड ग्राउंडम यूं ट्रैफिक नियम तोडूं तै  कळि से झपोड़े जालो। 

        जो बि कारों भितर या बगैर परमिटो दुकनिम शराब प्याला /पिलाला वूं  तै सद्यानो कुण ड्याराडूण से भैर खदेड़े जालो अर वां से पैल  कळि से जरूर झपोड़े जाला (हालांकि यां  से सबसे बिंडी नुकसान  म्यार इ हूण किलैकि  म्यार दगड़्या  मी तै  ड्याराडूणम शराब या त कारम या बगैर परमिटो होटलम पिलान्दन)।

     ओ . एन .जी . सी क कार्यालय चकरौता, सर्वे इंडियाक कार्यालय कोटद्वार, सी . डी . ए कार्यलय भोगपुर शिफ्ट करे जालो अर उख विश्व स्तर का स्कूल -कॉलेज, विश्व स्तर की रौणे व्यवस्था बि करे जालि। यूं जगा फर वाल मार्ट का मौल खोले जाला।

      ड्याराडूण म्युनिस्पल  कौरपरेसन भंग किये जालो  अर क्वी बि नगर सेवक नाम का जीव जन्तु ड्याराडूणम नि राला। भै नगर सेवक नाम का जीव जन्तु ही कुछ करदा त मितै ये  लेख लिखणै जर्वत क्या छे?

   

    ड्याराडूणम कुमाउनी अर गढ़वाल्यूं तै कुमाउनी अर गढ़वळि भाषाम इ बचऴयाण पोड़ल। जो अपण भाषाम बात नि कौरल वैक कपाळ डामे जालो अर लिख्युं रालो 'मी अपण भाषा विरोधी छौं।  विजय बहुगुणा सरीखा लोगुं बान अपण भाषा सिखणों बाण विशेष स्कूल खोले जाला।   

              ड्याराडूणम  नया कूड़ बणाणो इजाजत  नि मीललि अर ना ही नया बासिंदों तै देहरादून रौण दिए जालो। 



  उत्तराखंड की राजधानी तुरंत गैरसैण शिफ्ट करे जालि। जो गैरसैण का विरोधी ह्वाला वोँ तै उत्तर प्रदेश भिजे  जालो। गैरसैणो बान  हरिद्वार अर उधम सिंह नगर फिर से उत्तर प्रदेशम मिलाये जावो त क्वी परवा नी च।       

       

     अब मी तै एक रिमोट कंट्रोल की जरूरत च बस! सोनिया गांधी या राष्ट्रीय स्वयं संघक रिमोट कंट्रोल मांगिक क्वी फैदा नी च। यूं दुयूंक रिमोट कंट्रोल जि कामक हूंदा त भारतक इन बुरा हाल हूंद? अब मी तै क्वी इन इंजिनियर चयाणु च जो मेखुण एक कारगर रिमोट कंट्रोल बणै द्यावो कि देहरादूनौ हालत बदले जावो। जापानक  रिमोट कंट्रोल बढ़िया होंदन पण मैंगा भौत हूँदन , चीनक रिमोट कंट्रोल सस्ता हॊन्दन पण क्वालिटी ठीक नि होंदी अर भारतम त रिसर्च एंड डेवलपमेंटो काम इ नि होंद। ठीक च जब तलक रिमोट कंट्रोल नि मिलदो तब तलक मि मुंबईक बाराम इ सोचदु , जन मि मुंबई आणो बाद अपण जन्मस्थली गां जसपुर तै भूलि ग्यों उनि अपणी  शिक्षास्थलि ड्याराडूणक बाराम बिसरण इ ठीक रालो  ।       

   



Copyright@ Bhishma Kukreti 31/01/2013

[Bhishma Kukreti]

Juttu: Satire attacking humorously, satirically on Hocus-Pocus, Black Magic, Mantra-Tantra and Blind faith
Critical review of Garhwali satirical prose- 133
Critical Garhwali review of Satire by Great Garhwali Satirist Harish Juyal -6
'Juttu (Satire collection 'Khubsat', 2012) Garhwali Satire Prose by Great Garhwali satirist Harish Juyal (A review)

                            Review by Bhishma Kukreti


[Critical Review on  Satire attacking humorously, satirically on Hocus-Pocus, Black Magic, Mantra-Tantra and Blind faith; Garhwali Satire attacking humorously, satirically on Hocus-Pocus, Black Magic, Mantra-Tantra and Blind faith; Uttarakhand Satire attacking humorously, satirically on Hocus-Pocus, Black Magic, Mantra-Tantra and Blind faith; Mid Himalayan Satire attacking humorously, satirically on Hocus-Pocus, Black Magic, Mantra-Tantra and Blind faith; Himalayan Satire attacking humorously, satirically on Hocus-Pocus, Black Magic, Mantra-Tantra and Blind faith; North Indian Satire attacking humorously, satirically on Hocus-Pocus, Black Magic, Mantra-Tantra and Blind faith; Indian Satire attacking humorously, satirically on Hocus-Pocus, Black Magic, Mantra-Tantra and Blind faith; South Asian Satire attacking humorously, satirically on Hocus-Pocus, Black Magic, Mantra-Tantra and Blind faith; Asian Satire attacking humorously, satirically on Hocus-Pocus, Black Magic, Mantra-Tantra and Blind faith; Oriental Satire attacking humorously, satirically on Hocus-Pocus, Black Magic, Mantra-Tantra and Blind faith] 

                 The creation and believing on black magic, blind faith, hocus-pocus or Mantra-Tantra was for autosuggestion to mind and protecting from fear when the human society was unable to know the real causes of diseases or other physical difficulties. Now, the human beings could find the difference between uses of auto suggestive mental Mantra and scientific proven aspects. The great Garhwali satirist Harish Juyal attacks on hocus-pocus, black magic, mantra-tantra and blind faith when people are well versed that the problem is not mental problem.
      Great Garhwali Satirist Harish Juyal provides many examples where mantra and tantra are not required by pesticides or fungicides are essentials. When the vegetables on plants are getting rotten the plant medicines are required and not the Mantras or Tantra. Even people hang shoes to protect plants from diseases or hang shoe on door for increasing milk production from caws or buffaloes.
     Great Garhwali satirist is king of using phrases those create satire and humor together. His way of creating humor from real rural Garhwali world is marvelous.
Copyright@ Bhishma Kukreti 25/01/2013
   Critical review of Garhwali satirical prose to be ... 134
Critical Review of Satirical articles by Great Garhwali Harish Juyal to be continued...7
Critical Review on  Satire attacking humorously, satirically on Hocus-Pocus, Black Magic, Mantra-Tantra and Blind faith; Garhwali Satire attacking humorously, satirically on Hocus-Pocus, Black Magic, Mantra-Tantra and Blind faith; Uttarakhand Satire attacking humorously, satirically on Hocus-Pocus, Black Magic, Mantra-Tantra and Blind faith; Mid Himalayan Satire attacking humorously, satirically on Hocus-Pocus, Black Magic, Mantra-Tantra and Blind faith; Himalayan Satire attacking humorously, satirically on Hocus-Pocus, Black Magic, Mantra-Tantra and Blind faith; North Indian Satire attacking humorously, satirically on Hocus-Pocus, Black Magic, Mantra-Tantra and Blind faith; Indian Satire attacking humorously, satirically on Hocus-Pocus, Black Magic, Mantra-Tantra and Blind faith; South Asian Satire attacking humorously, satirically on Hocus-Pocus, Black Magic, Mantra-Tantra and Blind faith; Asian Satire attacking humorously, satirically on Hocus-Pocus, Black Magic, Mantra-Tantra and Blind faith; Oriental Satire attacking humorously, satirically on Hocus-Pocus, Black Magic, Mantra-Tantra and Blind faith to be continued...

[Bhishma Kukreti]

गढ़वाली बाल साहित्य                                 

                डंफु कख हर्चि गेन?





भीष्म कुकरेती


(s=-माने आधी अ )



ब्याळि नौनु बुलण मिस्यायि बल पिताजी जी अचकाल मातबरोँ नौनि - नौन्याळ हिमाचली पीली बेरीs छ्वीं लगाणा रौंदन अर बुल्दन बल या बेरी मॉल अर बड़ा फलों दुकान्युंम बिचेणि छन। वैन आखिरैं पूछ," बल जब पीलि बेरी जु अपण पेटल्स कु पुटुक रौंदि वा गढ़वाळ कुमाऊंम नि होंदि?"

मीन जबाब दे," बेरी से कन्फ्यूजन होंद। जु तू अचकाल ह्यूंदम पाये जाण वळी पीलि बेरी ज्वा पत्ता जन पेटल्स पुटुक रौण वळो फल क बात करणी छे तो वो भि गढ़वाळम होंद च। वैकुण डंफु बुल्दन  "

नौनन पूछ," डंफु डाळ बड़ा बड़ा होंदन क्या?"

मीन जबाबम बोलि,"नै नै डंफु क डाळि एक घुंड तक उच्चो पौधा होंद , जों बरसातम उगद अर नवेम्बर दिसम्बर बिटेन येक फल पकण बिसे जांदन।जो फरवरी तलक बि पकणा रौंदन पण पीक मैना पन्दरा दिसम्बर बिटेन  तीस जनवरी तलक इ मानी ले "

नौनौ सवाल छौ," क्या डंफूं एकि जात होंदि ?"

मीन बथै," यि पौधा द्वी तरां होंदन एक जों ढाई हजार फिट से तौळ कखिम बि खासकर रस्तोंम ह्वे जान्दन अर यूंक दाण (फल ) गोळ अर एक मिलीमीटर तक हि हूंद अर ये तै खांद नि छन या तो यो विषैला होलु या बेसवादि होंद ह्वाल। ये तै हम जंगळी डंफु बोल्दा छा "

नौनाक सवाल छौ," त क्या हैंको डंफु जंगळम नि होंद?"

म्यरो उत्तर छौ,नै नै खाण वळ डंफु बि जंगळम इ होंद पण वर्गीकरण को हिसाबन जों खाए जाण वळ डंफु होंद वै तैं बस डंफु बोले जांद अर जो खाए नि जंद वो व्हाइ जंगळी डंफु ."

"त खाण वळो डंफु बि जंगळी डंफु  दगड़ होंद ?" नौनौs  प्रश्न छौ

मीन बथाइ,"  ना! खाण वळो डंफु ढाई हजार फीट  से अळगौ  उच्चि जगोंम डांडोंम हि होंद। मीन अनुभव कार बल तैलि जगाम उळिण्ड ( घास) अर संतराजौ फूल  होंदन उख खाण वळो डंफुक पैदावार जादा होंदी।"

नौनोन  उत्सुक ह्वेक पूछ,"  खाण वळो डंफुक दाण कना अर कथगा बड़ा होंदन।"

मीन उत्तरमा ब्वाल,"  खाण वळो डंफुक दाण जब हौर हूंद त खाणम कड़ो अर कसैला होंद। पक्युं डंफुक दाण पेटल्स कु पुटुक रौंद। जब जब हौरु रंगौ पेटल्स सुफेद या थ्वडा थ्वडा पीलो हवे जावो त समजी ल्यावो   डंफु पकि गे। पक्युं  डंफु पीलो होंद अर सिलिंडर आकार को या गोळ होंद गोलाईम द्वी मिलीमीटर  व्यास  आर  लंबै माँ द्वी से चार मिलीमीटर तलक ह्वे सकदो।"

"डंफुक दाण आर भितर कनो    हूंद?" नौनौ सवाल छौ

" डंफुक  भितर टमाटर जन रसदार गूदो अर टमाटर जन इ छ्वटा छ्वटा बीज होंदन . गोदा रंग थ्वडा बहुत पीलु ही होंद " मीन खुलासा कार 

नौनौs हैंको सवाल छौ," स्वाद कन होंद ?"

'  सवादम खटो अर मिठो होंद। मिठो ह्वावो तो बि  सवादम  खटास  होंद अर खटास बि स्वादि अर मजेदार होंद ." मीन विवरण दे   

नौनान पूछ," जब हिमाचल प्रदेश बिटेन डंफु बिकणs कुण मुंबई ऐ सकदन त कुमाऊं अर गढ़वाळ से किलै नि ऐ सकदन?"

मीन बोलि," चूंकि बौण्या फलों कट्ठाकरण अर वितरण (कलेक्सन/ एकत्रीकरण  और मार्केटिंग) तबि ह्वे सकद जब कुमाऊं अर गढ़वाळम व्यापारिक खेती प्रचलन ह्वावो। हिमाचलम व्यापारिक खेतिक प्रचलन च त उख डंफुक  कट्ठाकरण अर वितरण बि होंद।कुमाऊं अर गढ़वाळम व्यापारिक खेती प्रचलन नी च त कट्ठाकरण अर वितरण बि नी च  "

नौनौ सवाल छौ," होंद।कुमाऊं अर गढ़वाळम व्यापारिक खेती प्रचलन किलै नी च?"

"कुज्याण", म्यार जबाब छौ               

        .





Copyright@ Bhishma Kukreti 1/02/2013

[Bhishma Kukreti]

गढ़वाली हास्य व्यंग्य
हौंसि हौंस मा, चबोड़ इ चबोड़ मा



                                                  नंदु कौंक छांच खाल कि ना ?

     

                                                         चबोड्या: भीष्म कुकरेती


(s=-माने आधी अ )



          सरा उत्तराखंडम बबाल मचि गे, सामाजिक, राजनैतिक, सास्कृतिक उड्यारों, पुंगड़ों, गदनों, डाडों, डंडऴयोँ, तिबार्युंम, चौकुम जंगळुम भ्युंचळ ऐ गे। सत्ता अर विपक्षी पार्ट्यूं अकळाकंठी लग गे , दुयुं तै औसन्दन पस्यौ (पसीना) आण बंद इ नि हूणु छौ। भूतपूर्व मुख्यमंत्र्युं भूत,भूतपूर्व मुख्यमंत्री, भूत पूर्व विरोधी दलों नेता, भूत पूर्व सास्कृतिक मंत्री, भूत पूर्व सचिव अर  वर्तमान मुख्य मंत्री, विरोधी दलों नेता , सांस्कृतिक मंत्री आर सचिव सब्युं निंद  हर्चि गे, सब्युं सरैल  पर   खाइ बाण ह्वे,गे,डौरन कमणा छा।


  बात सिरफ इन ह्वाइ कि ग्राम बड़ेथ, ढांगू बिटेन ग्रामीण पत्रकार नंदा दत्त बडथ्वालन एक खबर पोस्ट कार्डम भेजि छे अर वै दिन 'अमर प्रकाशम' क्वी घोटाला, बलात्कारया  केजरिवालो ब्यान नि छा त संपादकन टॉप न्यूज बणैक छापि दे बल नंदु कौंन छांच खाण बंद करि दे। अर यां पर एक विरोधी राजनेता फंड धुऴयां जीन जो अपण दलों वर्तमान नेता तै धकेलिक खुद  विधान सभाम विरोधी दलों नेता बणन चाणो छौ। वैन बयान दे बल मुख्यमंत्री तै गढ़वाळै संस्कृतिक बाराम   पोड़ि इ नी च। राजनेतौ बयान छौ बल जु नंदु कौंक सैकड़ो साल बिटेन नौ मण छांच खांदा छा अर अब नि खाणा छन त समझो कि गढ़वाळै संस्कृति नरक जोग  ह्वे गे।फंड धुऴयां जीन बोलि दे बल मुख्य मंत्री दक्षिण अफ्रीका का भारतीयों बाराम त खूब चिंता जताणा छन पण नंदु कौंन छांच नि खाण पर मुख्यमंत्री तैं क्वी फिकर नी च।


  या बात  एकाध घंटाम सोसल मीडियाम पौंचि गे अर उख मुजीब नैथाणी, देवी सिंह रावत, भारत रावत, सुनील नेगी, चन्द्र शेखर कारगती सरीखा पत्रकारोंन  घ्याळ मचै दे बल गढ़वाळै संस्कृति बचाणों बान कुछ करे जावो अर इख पर हजारों प्रवास्युंन नेट पर सैकड़ो सामजिक संस्था खड़ी करी दिने अर मांग कौर कि तुरंत गढ़वाळै संस्कृति बचाणों बान मुख्य मंत्री त्याग पत्र दयावान। सोसल मीडिया क अन्धादुन्द बहस से गढ़वाल का पत्रकार बि सचेत ह्वे गेन अर दुसर दिन सबि अखबारोंम एकि मुख्य खबर छे बल नंदु कौंक छांच नि खाण से गढ़वाळो सामाजिक ढांचा इ खपचै जालो। कुमाऊं वाळुन बि ब्वाल बल कुमाऊंम बि त सैकड़ो साल से नंदु गढ़वाळ जनि छांच खांदो छौ अर अब जब नंदु कौंक छांच नि खालो त कुमाउनी संस्कृति रसातल को चलि जालि।  मीडिया नंदुमय ह्वे गे। पहाड़ो से लेकि राजनैतिक गलियारोंम एकि बात छे बल नंदु कौंन छांच खाण बंद किलै कोर ? इख पर मुख्यमंत्री , विधान सभाम विरोधी दलों नेता, सांस्कृतिक मंत्रीन इक दगड़ि (संयुक्त) बयान दे बल नंदु तै मनाये जाणु च बल वो छांच खाण बंद नि कारो। इख तक कि भूतपूर्व मुख्यमंत्र्युं अर भूतपूर्व सांस्कृतिक मंत्र्युं बि ब्यान ऐन बल नंदु कौंका जरूर छांच प्याला। सरकार पर पहाड़ों से जादा दबाब प्रवास्युं छौ कि नंदु तै छांच पीणि चयांद अर प्रवास्युं चिंता छे कि कखि नंदु बि प्रवास्युं तरां छांच छोड़ि दारु पीण गीजि जालों त पहाड़ोम भूचाल ऐ जालो।

    कुछ पत्रकारोंन बात उड़ै दे बल नंदुन अपण  साक्षात्कारम बोलि बल अब वैन कतै छांच नि खाण।

    अब घबरायां मुख्यमंत्री, विरोधी दलों नेता अर सांस्कृतिक मंत्री मध्य एक गुप्त बैठक ह्वे अर निर्णय ह्वे कि नंदु तै छांच खाणों मनाये जावो।

     असलम ह्वे क्या छौ जब उत्तराखंड राज्य बौणि छौ त दिल्लि बिटेन एक कागज आइ छौ बल अपणि एक सांस्कृतिक धरोहर क नाम बथाओ जैं धरोहर तैं  बचाण जरूरी ह्वावो अर यांको पूरो खर्चा यूनेस्को दयाल। चूंकि सैकड़ो धरोहर खतरा माँ छे अर यो बताण कठण छौ कि को धरोहर महत्वपूर्ण च त जल्दिबाजी ना होशियारी से  सांस्कृतिक सचिवन प्रूफ/ सबूतs दगड़ नोट दिल्लि भेजि दे बल चूँकि नंदु कौंक रोज  नौ मण छांच खान्दन पण  नंदु  भौत इ गरीब च अर वैको छांच खाण बि जरूरी च त नंदु वास्ता रोज नौ मण छांच को इंतजाम करे जावो। सबूत मा सचिवन गढ़वाली कहावत ''नौ मण नंदु कौंक खावन अर नंदु कौम छांचि जावन'' को पूरो बिरतांत टिप्पणी दगड़ भेजि दे। दिल्लि वाळुन उत्तराखंड सरकारों कुण हर रोज  नंदु बान छांच खाणों बजट पास करि दे। सचिव,  उत्तर प्रदेश को प्रवीण सचिव छौ त वैन मुख्यमंत्री , सांस्कृतिक मंत्री अर विरोधी दलों नेता मध्य एक मीटिंग करायी अर नंदु कौंक छांचक  बजटs बाराम बथाई।बस तब बिटेन एक अघोषित नियमो तहत हर मैना नंदु क बान छांचौ बजट सांस्कृतिक सचिव, सांस्कृतिक मंत्री, मुख्य मंत्री अर विरोधी दलों नेताs पास पौंछि जांद।

  अब जब नंदु क छांच नि खाणौ बात समिण आयि त भूतपूर्व मुख्यमंत्र्युं भूत,भूतपूर्व मुख्यमंत्री, भूत पूर्व विरोधी दलों नेता, भूत पूर्व सास्कृतिक मंत्री, भूत पूर्व सचिव अर वर्तमान मुख्य मंत्री, विरोधी दलों नेता , सांस्कृतिक मंत्री आर सचिव सब्युं निंद हर्चि गे।


    पण गढवाल अर कुमाऊं की संस्कृति बचि गे . चौथो दिन मुख्यमंत्री, विधान सभाम विरोधी दलों नेता , सांस्कृतिक मंत्रींन एक पत्रकार सम्मेलन कार उखम नंदु तै बिठाये गे अर नंदुन खुलेआम घोषित  कार कि वो अर वैको परिवार रोज नौ मण  छांच खालो।     अर जब नंदुन घोषित कार बल वो छांच खाणो तैयार च त सबि पहाड़ी खुस ह्वे गेन बल पहाड़ी संस्कृति बचि गे।                                                                                                                           



Copyright@ Bhishma Kukreti 2/02/2013

(उन त यु लेख काल्पनिक च पण जु सही ह्वावो त वांक जुम्मेवारी मेरि नी च)

[Bhishma Kukreti]

Nanda Jat Jagar: Awareness Rituals about Goddess Nanda Devi -1

          Internet Presentation: Bhishma Kukreti

  [Notes on Cultural rituals (Nanda Jat Jagar); Garhwali Cultural rituals(Nanda Jat Jagar); Kumauni Cultural rituals(Nanda Jat Jagar); Uttarakhandi Cultural rituals(Nanda Jat Jagar); Mid Himalayan Cultural rituals; Himalayan Cultural rituals(Nanda Jat Jagar);  North Indian Cultural ritual(Nanda Jat Jagar) s; Indian Cultural rituals(Nanda Jat Jagar); Indian subcontinent Cultural rituals(Nanda Jat Jagar); SAARC Countries Cultural ritual(Nanda Jat Jagar) s; South Asian Cultural ritual(Nanda Jat Jagar) s; Asian Cultural rituals(Nanda Jat Jagar); Oriental Cultural rituals(Nanda Jat Jagar)]
     The Garhwali folk literature expert, great Himalayan drawing artist Dr. Nand Kishor Hatwal provides us many versions of folk songs/Jagar in his book, film and in various write ups.   
  Nanda Jagar are famous in Kumaun, Upper Garhwal (Chamoli, Rudra Prayag and upper Pauri Garhwal). Therefore, there are variations in Nanda Devi goddess folk stories and Jagar as well. The following Jagar is familiar in Chamoli and Rudra Prayag regions.

  The story of Nanda Devi goddess begins with the emergence of galaxy (sristhi) called as Jugbaddh, Jugbandhan, Jalakar, jalokar etc. The same version of emerging of galaxy is also seen in Dhol Sagar but different story.
                      नंदा जात जागर -1
(s = आधी अ)
मूल संकलन - डा नन्द किशोर हटवाल , देहरादून

                  सृष्टिs रच्याण (सृष्टि की रचना )

जनमी गाया पंखी-पंखीण
पंखी-पंखीण नल -नलीण
तनारा ह्वेग्या तीन आंडूर
ख्यलैल्या मायान हथकऴयुं मा
तीन अंडूरा छैयी फंड्येला
तुम अंडूरा आंयाँ -बाँयां न जाया
यौक फंड्येली ऊपर धोळि
जनमी गये ऐंच आगास
हाकि फण्येटि धरतीमा ड्वोऴये (धोळे)
जनमी गये तौळ धरति
यौक फण्येटि पूरब धोळि
जनमि गैयि पूर्बो राज
यौक फण्येटि पश्चिम धोळि
जनमि गैयि पश्चिम राज

यौक फण्येटि दक्षिण धोळि
जनमि गैयि दक्षिण राज
यौक फण्येटि उत्तर धोळि
जनमि गैयि उत्तर राज

                              Translation of Jagar Nanda Devi -1:
At fist bird came in existence and then Nal and Nalin
They delivered eggs. The creator took them on the palm
The eggs started to roam here and there.
Then the God threw one to up and sky was born; He threw another to below and earth was born; He threw another to east and east direction was born; he threw another to west and west was born; He threw another to south and south direction was born; he threw another to north and north direction was born.
                                     Following Story
The following story is that the Creator became happy to see his creation. However, the Creator felt sorry that without male the earth will not develop. The original Creator fell down and he divided his body into two parts. One part became Shiva and other part as Nanda.   
Copyright@ Bhishma Kukreti, for interpretation, 2/2/2013
Notes on Cultural rituals (Nanda Jat Jagar); Garhwali Cultural rituals(Nanda Jat Jagar); Kumauni Cultural rituals(Nanda Jat Jagar); Uttarakhandi Cultural rituals(Nanda Jat Jagar); Mid Himalayan Cultural rituals; Himalayan Cultural rituals(Nanda Jat Jagar);  North Indian Cultural ritual(Nanda Jat Jagar) s; Indian Cultural rituals(Nanda Jat Jagar); Indian subcontinent Cultural rituals(Nanda Jat Jagar); SAARC Countries Cultural ritual(Nanda Jat Jagar) s; South Asian Cultural ritual(Nanda Jat Jagar) s; Asian Cultural rituals(Nanda Jat Jagar); Oriental Cultural rituals(Nanda Jat Jagar to be continued..

[Bhishma Kukreti]

गढ़वाली हास्य व्यंग्य
हौंसि हौंस मा, चबोड़ इ चबोड़ मा

?



                                         मुज्जफर नगर कांड का पुलिस बलात्कार्युं बाराम किलै हल्ला नि होणु च? 

                                                                    कुज्याण किलै म्यार दिलमा यि विचार आंदन  धौं ?







                                                      चबोड्या: भीष्म कुकरेती


(s=-माने आधी अ )



     म्यार बडा जि मेखुण  बुल्दा छा बल रे भीष्म जु तू विचार करण छोड़ि देलि त तीन बडो नेता ह्वे जाण। मीन विचार करण बंद नि कार अर इख तलक कि नामौ राजनैतिक पार्टी जन कि उत्तराखंड परिवर्तन पार्टी या  उत्तराखंड सेना पार्टी बि चुनावों टिकेट त छवाड़ो चुनावी प्रचारों वास्ता बि नि बुलांदन अर ना हि अपण बुलणो  (तथाकथित ) मुखपत्रोंम म्यार लेक नि छापदन। राजनैतिक  पार्ट्यूं बुलण च बल विचारों से या आचार -विचार से राजनीति नि  चलदि।


            खैर मि बुलणु छौं बल म्यार दिलम बचपन से इ विचार आणा रौंदन।


                 ब्याळि उत्ताराखंडौ ब्याळौ मुख्यमंत्री डा.रमेश पोखरियालs बयान सूण बल विजय बहुगुणा की सरकारम उत्तराखंड विकास का बाराम ना त दिशा च ना हि क्वी निर्देश। कुज्याण दिलम विचार किलै आंदन धौं बल कौन सा भाजापाइ मुख्यमंत्रीन उत्तराखंड विकास का बाराम क्वी ठोस दिशा दे होलु? यो त इनि च जन सैकड़ो दुंळ वळि छणि चंळु दुंळुक दोष गणनि ह्वावो।


                  विचार आँदन बल पिथौरा गढ़ को मुनस्यारीम बि अंतर्राष्ट्रीय स्तर पर स्कीइंग खेल ह्वे सकदन अर पर्यटन तै बढ़ावा मिल सकद। पण यांकुण राजनीतिज्ञों अर अधिकार्युंम पर्यटन अकल अर आत्म बल हूण जरूरी च।



                                 विचार आंदन बल बलात्कार पर इथगा बुल्याणु च त मुज्जफर नगर कांड का पुलिस बलात्कार्युं बाराम किलै हल्ला नि होणु च?



                         अब जन कि विचार आंदन  बल भौत सि पार्टी जन कि डी . ऐम .के या तृणमूल पार्टी या क्वी बि जख्या भंगुल पार्टी जब तलक भाजापा वळो दगड़ सत्ता का डवालाम खुट पसारिक रौंस लीणा रौंदन तब तलक यूं धर्म निपरेक्ष पार्ट्यु तै पता इ नि चलदो बल सत्ता रुपी ड्वालाs  डुलेर धर्मांध छन अर जनि यी सत्ता रुपी ड्वाला छुड़दन यूं तै पता चलदो बल डुलेर याने भारतीय जनता पार्टी धर्म निरप्रेक्ष पार्टी नी च। कथगा दै बहुजन समाज पार्टीक नेत्याणि भाजापा  डुलेरूं बदौलत सत्ता रुपी ड्वालाम बैठि तब तलक बहुजन समाज पार्टीक नेत्याणि तै पता इ नि चौल बल डुलेर  धर्म निरपरेक्ष  नि छन अर अब वा नेत्याणि कौंग्रेस तै इलै समर्थन दीणि च कि नौन सेक्युलर पार्टी सत्ता से भैर रावो। म्यार दिलम विचार आंद बल धर्म निरपरेक्ष की असली परिभाषा क्या च ?

   

                श्रीमती गांधीन ब्याळि मनरेगाक बैठकम ब्वाल बल मनरेगाम भ्रष्टाचार खतम हूण चयेंद। इनि भग्यान राजीव गांधीन बि बोलि थौ बल भारत से भ्रष्टाचार खतम हूण चयेंद। म्यार दिलम कुज्याण किलै विचार आंदन धौं बल जब सोनिया गांधी सरीखी शक्ति शाली नेत्याणि या नेता भारत बिटेन भ्रष्टाचार खतम नि कौर सकदन त अमेरिका या चीन बिटेन कै तै बुलाण जो  भारत बिटेन भ्रष्टाचार खतम कौरल?

             फिर कुज्याण दिलम विचार किलै  आंदन धौं बल जब कौंग्रेस की सरकार ही डी . ऐम . के, शरद पवार , लालू प्रसाद यादव , मुलायम सिंह यादव , मायावती  या इनि हौरुंक  समर्थन से चलणि ह्वावो त सोनिया गाँधिक भ्रष्टाचार खत्म करणै बात लोगुं तै बौगाणै बात ही त होलि?                                 

                 

Copyright@ Bhishma Kukreti 3/02/2013

[Bhishma Kukreti]

Nanda Jat Jagar: Awareness, wakeful Rituals about Goddess Nanda Devi -2

          Internet Presentation: Bhishma Kukreti
[Notes on customs, culture, folk songs, folk rituals; Garhwali customs, customs, culture, folk songs, folk rituals of Chamoli Garhwal; customs, culture, folk songs, folk rituals of Rudraprayag Garhwal; customs, culture, folk songs, folk rituals of Tihri Garhwal ; customs, culture, folk songs, folk rituals of Uttarkashi Garhwal; customs, culture, folk songs, folk rituals Pauri Garhwal ; customs, culture, folk songs, folk rituals of Dehradun, Garhwal ;culture, folk songs, folk rituals; Kumauni customs, culture, folk songs, folk rituals; Mid Himalayan customs, culture, folk songs, folk rituals; Himalayan customs, culture, folk songs, folk rituals; North Indian customs, culture, folk songs, folk rituals; Indian customs, culture, folk songs, folk rituals; Asian customs, culture, folk songs, folk rituals; Oriental  customs, culture, folk songs, folk rituals]           

Nanda Devi is popular and effective goddess of North Garhwal (upper Paudi, Chamoli, and Rudrprayag districts of Uttarakhand). There are various regional folk stories, folk songs related to Goddess Nanda Devi.
The following folk story around Chamoli and Kedar valley speaks about the generation/family tree of Goddess Nanda Devi.
                   नंदा जात जागर -2
s = आधी अ )
मूल संकलन - डा नन्द किशोर हटवाल , देहरादून

                    हेमंतs ब्यौ
सात पांच ऋषि वै बाटा पंथ लौ
कवड़यों का देश वै ठाकुर जी को राज
ठाकुर जी होलि सात कन्या
ठाकुरे की होलि , वै झुमकैलो
सात लाड़ी कन्या, वै झुमकैलो
अणब्यवा अणमांगी, वै झुमकैलो
कि होलि अमूस्या, वै झुमकैलो
कि होलि चौदस्या, वै झुमकैलो
कि होलि मूल्या, वै झुमकैलो
कि सतमंगळि, वै झुमकैलो
सात भाई ऋषि वै ठाकुर जी का पास
सबसे बडो होलो ये हेमंत ऋषि
सबसे कणसि होलि वै रैणा दि मैणा
बडो हिमंत ऋषि वै ? घरजंवाई रयो
छैइ भाइ ऋषि वै ऋषि वै रिषासौऊ ऐग्या

There used to be six sage brothers in Rishasauma.
Hemant sage was the eldest one among them.
No brother was married.
All go for search of brides.
In their path, they meet Thakur jee the king of Kavdyo , the father of seven daughters.
Six brothers meet Thakur jee for Hemant marrying his youngest daughter Maina.
Thakur jee agreed that Hemant had to be Gharjavain( When the son in law lives in the in law's house).
All agreed and Hemant weds with Maina.

Copyright@ Bhishma Kukreti, for interpretation, 3/2/2013
Notes on customs, culture, folk songs, folk rituals; Garhwali customs, customs, culture, folk songs, folk rituals of Chamoli Garhwal; customs, culture, folk songs, folk rituals of Rudraprayag Garhwal; customs, culture, folk songs, folk rituals of Tihri Garhwal ; customs, culture, folk songs, folk rituals of Uttarkashi Garhwal; customs, culture, folk songs, folk rituals Pauri Garhwal ; customs, culture, folk songs, folk rituals of Dehradun, Garhwal ;culture, folk songs, folk rituals; Kumauni customs, culture, folk songs, folk rituals; Mid Himalayan customs, culture, folk songs, folk rituals; Himalayan customs, culture, folk songs, folk rituals; North Indian customs, culture, folk songs, folk rituals; Indian customs, culture, folk songs, folk rituals; Asian customs, culture, folk songs, folk rituals; Oriental  customs, culture, folk songs, folk rituals to be continued ...
Nanda Jat Jagar: Awareness, wakeful Rituals about Goddess Nanda Devi to be continued...3

[Bhishma Kukreti]

Nanda Jat Jagar: Awareness, wakeful Rituals about Goddess Nanda Devi -3

          Internet Presentation: Bhishma Kukreti
[Notes on folk songs about birth of Nanda Devi Goddess; Garhwali folk songs about birth of Nanda Devi Goddess; Kumauni folk songs about birth of Nanda Devi Goddess; folk songs about birth of Nanda Devi Goddess from Chamoli, Garhwal; folk songs about birth of Nanda Devi Goddess from Rudraprayag, Garhwal; folk songs about birth of Nanda Devi Goddess from Pauri Garhwal; folk songs about birth of Nanda Devi Goddess from Pithoragarh; folk songs about birth of Nanda Devi Goddess from Uttarkashi; folk songs about birth of Nanda Devi Goddess from Almoda region; folk songs about birth of Nanda Devi Goddess from Mid Himalayan region; folk songs about birth of Nanda Devi Goddess from Himalayan region]
          There are many versions of Nanda Devi folk stories in Garhwal and Kumaun. This folk story about Nanda Devi version is popular in Chamoli and Rudraprayag districts of Garhwal. 
नंदा जात जागर -3
(s = आधी अ )
मूल संकलन - डा नन्द किशोर हटवाल , देहरादून
हेमंतs भाजण और नंदा जन्म

बड़ू नारद हेमंत का पास
सूण ह्यूँदा टक लगई बात
पंछियों मा कुपंछी घौरs कुखुड़
मनख्यों मा कुमनखि घरजवाईं
बड़ो हिमंत ऋषि ठाण मनसूबा
हिमंत ऋषि वै ऋषासौ भाजि गे
राणी मैणावती वै पिछा पिछा लैगी
योगयि सोगयि वै मामला बुग्याऴ।
xxx
नंदू का बैराट वै भोलड़ो बियायो।
कुर -कुर्या जोंको छौ सुर-सुर्या जौर।।
xx
बाटा मांग होली वै नन्दू की मटखाणा
मैणावतीन यो खाड धोळि दे
आफु मैणावती वै ऋषासॊउ ऐ ग्याई
बाकी नंदा जात जागर ... 4 में पढ़िये
Narad ji comes to Thakur jee's house and meets Hemant. Narad ji states that the domestic Cicken/hen/cock is the lowest kind of bird in birds' world and the lowest kind of man is that lives with his in laws. Listening hard words of Narad ji, Hemant (husband of Mainvati) runs away from his in law's house. The queen Mainavati follows her husband Hemant. She comes to the area of Nandu and the pregnant Mainavati delivers a child. Mainavati dumps the child into pit of Red soil Mines (matkhandi). Mainavati returns to her parental palace.
Copyright@ Bhishma Kukreti, for interpretation, 4/2/2013
Notes on folk songs about birth of Nanda Devi Goddess; Garhwali folk songs about birth of Nanda Devi Goddess; Kumauni folk songs about birth of Nanda Devi Goddess; folk songs about birth of Nanda Devi Goddess from Chamoli, Garhwal; folk songs about birth of Nanda Devi Goddess from Rudraprayag, Garhwal; folk songs about birth of Nanda Devi Goddess from Pauri Garhwal; folk songs about birth of Nanda Devi Goddess from Pithoragarh; folk songs about birth of Nanda Devi Goddess from Uttarkashi; folk songs about birth of Nanda Devi Goddess from Almoda region; folk songs about birth of Nanda Devi Goddess from Mid Himalayan region; folk songs about birth of Nanda Devi Goddess from Himalayan region to be continued...
Nanda Jat Jagar: Awareness, wakeful Rituals about Goddess Nanda Devi to be continued...4