Articles By Bhisma Kukreti - श्री भीष्म कुकरेती जी के लेख

[Bhishma Kukreti]

             Love Emotion in Garhwali Modern Poetry -1             
       Virah Vasant Vilap Sadness by Disunion/Separation; loss of love in Modern Garhwali Poetry

                                    Bhishma Kukreti
[Notes on Sadness by Disunion/Separation; loss of love in Modern Poetry; Sadness by Disunion/Separation; loss of love in Modern Garhwali Poetry; Sadness by Disunion/Separation; loss of love in Modern Uttarakhandi Poetry; Sadness by Disunion/Separation; loss of love in Modern Mid Himalayan Poetry; Sadness by Disunion/Separation; loss of love in Modern Himalayan Poetry; Sadness by Disunion/Separation; loss of love in Modern North Indian Poetry; Sadness by Disunion/Separation; loss of love in Modern Indian Poetry; Sadness by Disunion/Separation; loss of love in Modern South Asian Poetry; Sadness by Disunion/Separation; loss of love in Modern Asian Poetry; Sadness by Disunion/Separation; loss of love in Modern Oriental Poetry]
In every language, there are poems about love- happiness due to union and sorrow/sad poems due to disunion or loss of love.
  Modern Garhwali poetry is fortunate to have both types of love poems that is happy love poems and sorrowful poems about to loss of love
                   People or readers like sad poems about pain due to separation of lovers; sorrowfulness because of parting of lovers; grief because of disunion of lovers. The basic point is that the sad poems (disunion love) communicate ones' melancholy feelings and also creates the mirror image of thinking by readers. Usually, effective poets use intense emotions or felling and thus attract the inner feelings of readers. The intense poems regarding loss of love also create tranquility in the mind of readers.
The following poem by great Garhwali poet Chandra Mohan Raturi of early age (1906) is a sad poem due to loss of love/sorrow due to separation. The great Garhwali poet of early age (1906) uses images to describe his sorrow due to loss of love or due to separation from lovers
गढ़वाली कविताओं म प्रेम -1


विरह वसंत विलाप
(कवि- चन्द्र मोहन रतूड़ी, 1906)


- सुन प्रिया ! परतीत करी ज तू
जब बिटी बिछड्यूं तब से मन कु
न दिन चैन छ रात न निंद मी
दुःख क देन बस्तु सुख की सभी।
जब आकाश खिल्युं नक्षेत्रुं से
न मिल्दो कखि आइक नेत्रुं से
वराह हा! मरिजा तू कि मार मै
इन समौ पर जो तू जळौन्दु मैं
बण कि पाणि कि धाणि कि रुम्कि दौं
सबहि मैक दुन्या बणिगै अहो
निरवधी जब को छ वियोग यो
O! My love! Listen from the day, I am separated from you neither I am happy in day nor I get sleep in the night.
The objectives those provide happiness provide me sorrow too.
The sky is full of marvelous stars but for me there is nobody to see.
Oh! Disunion! Either you die or may I die.
Oh! Disunion! Why are you burning me /providing pain to me in this charming/beautiful/attractive season.
I am looking /waiting unnecessarily for my love on the path of forest, the path of water source, path of work place.
The waiting, for my love for so long, created acute sadness, grief; sorrow; unhappiness; misery; depression; wretchedness; melancholy; gloom; in my life.


Copyright@ Bhishma Kukreti 20/2/2013

Notes on Sadness by Disunion/Separation; loss of love in Modern Poetry; Sadness by Disunion/Separation; loss of love in Modern Garhwali Poetry; Sadness by Disunion/Separation; loss of love in Modern Uttarakhandi Poetry; Sadness by Disunion/Separation; loss of love in Modern Mid Himalayan Poetry; Sadness by Disunion/Separation; loss of love in Modern Himalayan Poetry; Sadness by Disunion/Separation; loss of love in Modern North Indian Poetry; Sadness by Disunion/Separation; loss of love in Modern Indian Poetry; Sadness by Disunion/Separation; loss of love in Modern South Asian Poetry; Sadness by Disunion/Separation; loss of love in Modern Asian Poetry; Sadness by Disunion/Separation; loss of love in Modern Oriental Poetry to be continued...

[Bhishma Kukreti]

गढ़वाली हास्य व्यंग्य

हौंस इ हौंस मा, चबोड़ इ चबोड़ मा


                                      आण वळ राजनैतिक मौसम


                                           चबोड़्या-चखन्यौर्या: भीष्म कुकरेती

(s =आधी अ )


   आण वळ मौसम की भविष्यवाणी सरल नि होंदि किलैकि बल स्त्री चरित्रंम , पुरुषस्य भाग्यम अर वातावरणम बदलावs बाराम  दिवता बि नि बथै सकदन त मनिखौ क्या बिसात! पण अचकाल  हम भारत को राजनैतिक मौसम की जानकारी अग्रिम जानकारी दीण लैक ह्वे गेवां।

अब द्याखो ना चुनाव आण इ वाळ च त बजट का जरिया गरीब नामक पहाड़ियोंम कनसेसन अर स्कीमों  का बादळ जरूर दिख्याला।

गरीबुं नामौ स्कीम गरीबुं ड्यार त क्या बरखलि   ? पण  या स्कीम ट्रांस्फोर्मेसन का जरिया गरीबुं हिमायत्यूं ड्यार जरूर बरखलि ।

  गरीबू आकाशम चुनाव तलक  राजनैतिक पार्टी रुपी बनि बनिक बादळ जरूर रोज दिख्याला। गरीब लोग ये आसरा मा राला बल क्वी ना क्वी बादल यूंखुणि खुशहाली लालो पण सबि बादल 'काले बादल जी डरावे' जन सिद्ध ह्वाला।

   राजनैतिक   आश्वासनोंम  अणु -परमाणु बम कृतिरिम ढंग से इंजेक्ट ह्वाला।हरेक पार्टी हेड क्वार्टर बिटेन  आश्वासनों बम्ब लेकि हरेक राजनीतिग्य आश्वासनों बमब्याट कारल अर हरेकौ बमब्याट को हल्ला मा इन पता इ नि चौलल कि यी आश्वासन रूपी बम सन बावनो आश्वासन छन अर इथगा सालोंम खालि 'मेड बाइ ' को लेबल ही बदल्याणु रौंद।  आश्वासनों बम से वातावरणमाँ एक अजीब सि बेहोशिक गंध फैललि जां से  जनता बेहोश ह्वे सकदी। कुछ लोगुं पर आश्वासनों बम फटण से दिनम बि सुपिन दिखणो रोग लगि जालो  अर पूरो वातवरणम एक दिव्य भरम की चकाचौंध रालि या दिव्य भरम की चकाचौंध बि जनता तै अति काल्पनिक आनन्द दीणि रालि।

       

राजनैतिक आरोप प्रत्यारोपुं बादल रोज फटणा राला अर यांसे वातवरणम गंदगी, सड्याण, चिराण पैदा होलि अर  जनताम गुस्सा, चिंता, आशाहीनता नामक  बीमारी अवश्य सौरलि  (फ़ैललि).चूंकि हकीम लुकमानम बि गुस्सा, चिंता, आशाहीनता नामक बिमार्युं दवा नी होलि त जनता तै नया किस्मौ कैंसर की लाइलाज बिमारी भुगतण इ पोड़ल। लोगुं समजमा यो नि आलो बल यूं आरोप-प्रत्यारोपु बादळुम गाळी जन विषैलो पदार्थ कखन ऐ गे।


  राजनैतिक गहमा गहमी से  वातवरणम भयंकर गर्मी पैदा हवे जालि अर आचार -विचार-सही सची बातों -सुलक्षणी व्यवहार  की कमी से  सूखा पोडि जालो। सब जगा झूट, लम्पटगिरी, लफंगागिरि, लुच्चागिरि ,अनाचार को राज  ह्वे जालो। 

चुनावी मौसमम जन कि हर दै हूंद चुनाव टिकट पाणों बान पार्ट्यु दफ्तरम दंगऴयाट-भंगऴयाट-भिभड़ाट को वातावरण त अवश्यम्भावी च।

चंदा वसूली का बादल बिचौलियों ड्यार धना सेठुं से जादा  दिख्याला।   

चुनाव जितणो मनोकांक्षा से कुछ स्थाई वाइरल वीमारी बि फैल्दन जन कि परिवारवाद।  कौंग्रेस, लालू जीक पार्टी, अकाली दल, शिवसेना, मुलायम सिंग यादव जीक तर्ज पर भारतीय जनता पार्टीमा बि परिवार वाद को वाइरस सौरल ( फैलना )         

    पौलिटिकल  पार्ट्यु द्वारा  अलाइन्स पार्टनरो खोज से वातावरणम गलतफहमी,भरम अव्यवस्था, गडबड, क्या बुन्या-क्या कन्या स्थिति , भैर कुछ हौर-भितर कुछ हौर, अस्थिरता को डरs  बबंडर चुनाव ही ना चुनावुं पैथर बि रालो अर ये गलतफहमी,भरम अव्यवस्था, गडबड, क्या बुन्या-क्या कन्या स्थिति , भैर कुछ हौर-भितर कुछ हौर, अस्थिरता को डरs बबंडर से प्रजातंत्र की पौ/नींव खपचाणो खतरा सद्यानि बण्यु रालो।

    राजनैतिक  भाषणोंम जातीय विषैली गैस भर्यालि अर वोटर्स भारतीय हिसाब से नि गणे जाला बल्कण धर्म , जाती, उप जाती का हिसाब से खंडित होला। क्वी बि वोटर भारतीय ह्वेक वोट नि द्यालो बल्कणम धरम अर जातिक हिसाब से वोट द्यालो।

     प्रधान मंत्री कु बौणल को गुबारा हरेक जगा लटक्यां राला अर यां से राजनैतिक पार्टी चुनावी गणत लगाणा राला।               

     में सरीखा चबोड्या लिख्वारो कुण त मजा रालो कि रोज एक नयो विषय अफिक मीलि जालो।                   

           

Copyright@ Bhishma Kukreti 21/2/2013 

[Bhishma Kukreti]

Nanda Jat Jagar: Awareness, wakeful Rituals about Goddess Nanda Devi -12
          Nanda Jat Jagar/Folk songs about Preparation by Marriage Party of Shivaji in Kailas 
                             Internet Presentation: Bhishma Kukreti
[Notes on Nanda Jat Jagar/Folk songs about Preparation by Marriage Party of Shiva Ji in Kailas; Nanda Jat Jagar/Folk songs from Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Chamoli Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Rudraprayag Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Pauri Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Tihri Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Uttarkashi Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Dehradun Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Pithoragarh Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Almora Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Bageshwar Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Champavat Kumaun  about Preparation by Marriage Party of Shiva Ji in Kailas; Nanda Jat Jagar/Folk songs fromNainital  Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Ranikhet Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Udham Singh Nagar Kumaun  about Preparation by Marriage Party of Shiva Ji in Kailas]
           नंदा जात जागर -फड़कि (भाग-)12
(s = आधी अ )
मूल संकलन - डा नन्द किशोर हटवाल , देहरादून

                    कैलाशम ब्यौ त्यारि

कविलाश बाजिग्ये बारा बढ़ाई
द्यब्तों का सजी गे आसमानी रथ
इंदरको संजि गे ऐरावत हाथी
नारैण कु सजी गरुड़ी को रथ
बर्मा जीको सजी ग्ये हंसवां रथ
शिवजीको सजी ग्ये नंदीगण रथ
पंचनाम द्यब्तों का रथ सौजीग्ये
कबिलास बाजी गे बारा बाजणी
कबिलाश ह्वे गे पात पिठाई
कबिलाश बरात तयार ह्वेइ ग्येयी
कबिलाश बरात बाटा उठी लगी

कैलाश में विवाह तैयारी


कैलाश में औजियों ने बारह किस्म के तालों से ढोल बजा क्र बधाई/प्रशंशा (बड़ें दीण) दे दी है
देवताओं का आकाशीय रथ सज गये हैं
देव राज इंद्र का ऐरावत हाथी सज गया है
भगवान विष्णु का गरुड़ रथ सज गया है
ब्रह्मा जी का हंस रथ सज गया है
शिवजी का नंदी रथ सज गया है
पंचनाम देवताओं के रथ सज गये हैं
कैलाश में सभी को शुभ तिलक लग चुका है
कैलाश में बरात तैयार हो गयी है
कैलाश में बरात रास्ते के लिए उठने लगी है

Preparation by Marriage Party in Kailsh

The drum players (Aujee) played twelve types of Dhol-Damau tone as Badai Denn
The decorated sky chariot for deities is ready
The decorated Airavt elephant for lord Indra is ready
The decorated Garud chariot for lord Vishnu is ready
The decorated Nandi gan rath for lord Shiv ji is ready
The decorated Hans chariot for Brahma ji is ready
The decorated chariots for five deities are ready
The pundit put red spot on forehead of all in Kailash
The marriage procession is ready in Kailash
  The marriage party is ready to leave


Copyright@ Bhishma Kukreti, for interpretation, 21/2/2013
नंदा जात जागर -फड़कि भाग-13म बाँचो कैलाशम पौणों सजण
नंदा जात जागर के १३ वें भाग में पढिये मेहमानों का सजना
Read about the dressing of deities and marriage party in Kailsh in coming Nanda Jat Jagar part -13
Notes on Nanda Jat Jagar/Folk songs about Preparation by Marriage Party of Shiva Ji in Kailas; Nanda Jat Jagar/Folk songs from Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Chamoli Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Rudraprayag Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Pauri Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Tihri Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Uttarkashi Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Dehradun Garhwal about Preparation by Marriage Party of Shiva Ji in Kailas; Nanda Jat Jagar/Folk songs from Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Pithoragarh Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Almora Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Bageshwar Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Champavat Kumaun  about Preparation by Marriage Party of Shiva Ji in Kailas; Nanda Jat Jagar/Folk songs fromNainital  Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Ranikhet Kumaun  about Preparation by Marriage Party of Shiva Ji in Kailas; Nanda Jat Jagar/Folk songs from Udham Singh Nagar Kumaun  about Preparation by Marriage Party of Shiva Ji in Kailas to be continued....

[Bhishma Kukreti]

       Rami Baurani: Sadness by separation with Husband in Modern Garhwali Poetry 
              [Love Emotion in Garhwali Modern Poetry -2]             

                                    Bhishma Kukreti
[Notes on Sadness by separation with Husband in Modern Poetry; Sadness by separation with Husband in Modern Garhwali Poetry; Sadness by separation with Husband in Modern Uttarakhandi Poetry; Sadness by separation with Husband in Modern Mid Himalayan Poetry; Sadness by separation with Husband in Modern Himalayan Poetry; Sadness by separation with Husband in Modern North Indian Poetry; Sadness by separation with Husband in Modern Indian regional language Poetry; Sadness by separation with Husband in Modern Asian Poetry; Sadness by separation with Husband in Modern Oriental Poetry]         
            Sad love poetry is not new and is not limited to any territory. Sad love poem attracts the heart of readers. That is why great poets as E.E. Cummings (1894-1962), Edgar Allen Poe, Elizabeth Barrett Browning, Ella Wilcox, Sir George Etherege, Pablo Neruda, Carl Sandberg or Yeats became famous by their sad love poems.
As far as Modern Garhwali poetry is concerned it started around 1875 but the publication started when Garhwali newsletter started to publish from 1906.
   Baldev Prasad Sharma'Deen' had been a most prolific poet of his time. His famous lyric 'Rami Baurani' became folk song and this lyric is still most sung lyric in modern time. The lyric 'Rami Baurani caught attention of Garhwalis and Kumaunis. 
There are two stanzas for showing love in lyric 'Rami Baurani' The love scenes are with propriety in love, the love is shown eternal love and full of devotion. There is sacrifice in showing the love of wife whose husband is away from house for twelve years.
The lyric is in story form.
In the makeup of sage the husband of Rami returns after twelve years and took test of his wife about her physical and mental devotion towards her husband. She narrates her sadness for her husband leaving her and going to foreign country for employment.
गढ़वाली कविताओं में प्रेम-2
रामी (बाटागोड़ाई)
रचयिता: बलदेव प्रसाद शर्मा 'दीन' (1918AD)

स्वामी विरह की कविता
मेरा स्वामिन मै छोड्यु घर, निर्दयी ह्वे गै मई पर,
ज्युंरा का घर नी जगा मैंकू, स्वामी बिछोह हुयुंच जैं कू।
My cruel husband left me alone
I don't have place in the house of death god.
It is better the wife dies after her husband leaves her.
पतिव्रता के रूप में प्रेम अभिव्यक्ति
When her husband finds intact and intense devotion of Rami , he comes to her house and asks her to provide meal on the same plate of her husband. She refuses bluntly

स्वामी की थाळी पर मैन केकू, साग अर भात क्यों देण तेकू
खौंदो छे जोगी त खाई लेदि , नी खांदी जोगी ता जाई लेदी।
Rami says- I shall never provide meals to other on the plate of my husband. O sage! If you want to take meal on other's plat I shall offer you. If you insist to take meal on my husband's plat it is just impossible and you may find other house.
Reference:
1-Abodh Bandhu Bahuguna: Shailvani
2-Dr. Jagdamba Prasad Kotnala, Gadhwali Kavy ka Udhbhav evam Vikas
3-Bhishma Kukreti on Garhwali poetry -Sankalp
Copyright@ Bhishma Kukreti 21/2/2013
Notes on Sadness by separation with Husband in Modern Poetry; Sadness by separation with Husband in Modern Garhwali Poetry; Sadness by separation with Husband in Modern Uttarakhandi Poetry; Sadness by separation with Husband in Modern Mid Himalayan Poetry; Sadness by separation with Husband in Modern Himalayan Poetry; Sadness by separation with Husband in Modern North Indian Poetry; Sadness by separation with Husband in Modern Indian regional language Poetry; Sadness by separation with Husband in Modern Asian Poetry; Sadness by separation with Husband in Modern Oriental Poetry to be continued...

[Bhishma Kukreti]

गढ़वाली हास्य व्यंग्य

सौज  सौजम मजाक-मसखरी 

हौंस इ हौंस मा, चबोड़ इ चबोड़ मा



                     बुड्या मरणु बि नी!: याने एक अभिनव आन्दोलनs जड़नाश   



                                 चबोड़्या-चखन्यौर्या: भीष्म कुकरेती



(s =आधी अ )



म्यार ख़ास दगड़्यान ब्वाल," बल रे भीषम त्यार दगुड़ कौरिक मै कुछ नि मिलि।"

मीन बोलि," अबे दगुड़म लिए नि जांद दिये जांद।"

वैन जबाबम बोलि,' मि द्वापरो  दगड़्या नि छौं। कळजुगि दगड़्या छौं जैक बोल हून्दन बल मि त्यार इख औंलु त तु  क्या देलि अर तु म्यार इख ऐलि त मेखुण क्या लेकि ऐलि?"

मीन ब्वाल," अछा बोल आज क्या ह्वे जु तु म्यार दगड़न परेशान छे."

ख़ास दगड़्यान बोलि," यार तु अरविन्द केजरीवाल जन होंदु त म्यार कथगा मजा हूंदा!"

मीन पूछ,"कनो क्या ह्वे जांदो?"

वो बुलण  लगि राय," तू पैल सरकारी अधिकारी बणदु अर उख त्वे तैं कम करण पोड़द त त्वै  तैं मजा नि आंदो। तेरि जिंदगी फलसफा होंदो बल दुसरो पीठम सत्तू छोळण।"

मीन बीचम बोलि,"  पण हरेक सरकारी  अधिकारि त यी चांदो काम क्वी कारो अर प्रमोसन म्यार इ ह्वावो।"

वो बुलदो गे," हां जब तु दिखदि बल सबि अधिकारि दूसरो  मौणिम बंदूक चलांदन त तेरि उख कतै नि चलदि अर तु सरकारी नौकरि छोडी दींदु।"

मीन बीचम बोलि," अबे म्यार परिवार बि त होंदु बगैर नौकरि मि परिवार कनै पाळदो?"

वो बुलणु छौ," तू एक एन. जी. ओ खोलि दींदो अर इन मा दान दक्षिणा से तेरि सामाजिक कार्यकर्ताs चमकीली दुकान बि चलणि रौन्दि अर परिवार बि पळणु रौंद।"

मीन पूछ," अबे इन माँ क्या च? उत्तराखंडम उथगा गां नि छन जथगा  एन. जी. ओ छ्न. त एन. जी. ओ चलाण वळा अपणि सामजिक  कार्यकर्ताs दुकान बि चलाणा छन अर  परिवार पळणा छन।"

वो बुल्दो गे,' तू हौर एन. जी. ओ चलाण वळो से जादा  महत्वाकांक्षी होंदु अर तेरी नजर कै बड़ो पद पर होंदो पर क्वी नेता तेरो कब्जा मा नि आंदो जु त्वै तै क्वी संवैधानिक पद दे द्याओ।"

  मीन बोल," हूँ !"

  ख़ास दगड़्यान बुलण चालु रख," फिर त्वै तै एक सरीफ गांधीवादी अन्ना हजारे जन बूढों मनिख मील जांदो, वै गांधीवादीs  समाजम बड़ी इज्जत होंदी। वै गांधीवादी तै म अखबारों से ना वैको काम  से पछ्याणे जांदो।"

मीन पूछ," फिर?"

दोस्तन अग्वाड़ी ब्वाल " फिर क्या ? त्वै तै लग जांदो कि यो गांधीवादी बुड्या का कंधा तेरि महत्वाकांक्षा पूरि कौर सकदन अर तु गांधीवादी बुड्या तैं पटांदि बल भारतीय भ्रष्टाचार से त्रस्त छ्न. अर आज एक भ्रष्टाचार उन्मूलन आन्दोलन की बड़ी जरूरात च। बिचारो अछेकि गांधीवादी, सीधो साधो मनिख तेरि भकलौणि मा ऐ जांदो।"

मीन ब्वाल," इखम  बुरु क्या च ?भ्रष्टाचार उन्मूलन आन्दोलन त भारतम खाणो खाण जन एक बड़ी जरोरात च।  "   

वैन बोलि," फिर एक बहुत जोरs  भ्रष्टाचार विरोधी आन्दोलन चलदो अर ये आन्दोलन तै जनता अर मीडिया को पूरो समर्थन होंदु। जनता भ्रष्टाचार से त्रस्त छे त वा एक गांधीवादी नेता की जग्वाळम छे अर आन्दोलन की तैंची-गरमी राजनैतिक नेताओं तै बि लगदी फिर संसद मा भ्रष्टाचार खतम करणों फोकटो स्वांग रचे जांदा।"

मीन बोलि," सत्ता को सासत्व नियम च बल  सत्तासीन अपण विरोध्युं   तै खतम करणों बान बनि बनि टुटब्याग करदन।" 

वो बुल्दो गे," फिर गांधीवादी भ्रष्टाचार विरोधम उपवास करदो। अर तु भगवान से प्रार्थना करदो कि यी बुड्या उपवास करदो मोरि जावो।"

मीन पूछ," बुड्या मोरण से क्या फैदा हुंदो?"

वैन ब्वाल," तू चान्दि कि बुड्या उपवास करदो मोरि जांदो त भारतम एक आग लगि जांदी अर तू चुनाव लड़िक प्रधानमंत्री बौणि जान्दो।"

मीन पूछ,"अगनै बोल "

वैन ब्वाल," तू खुलेआम एक राजनैतिक पार्टी जन कि  स्वराज्य पार्टी बणाणो तैयारी करी लींदो पण  गांधीवादी बुड्या ये  आन्दोलन तै निखालिस सामजिक आन्दोलन बणानो  बात करदो।"

मीन ब्वाल,"हां आज भारत की एक बड़ी जरूरात सरकार पर सामजिक दबाब की च किलैकि राजनैतिक दबाब उठ्गा प्रभावशाली नि होंदु जथगा सामजिक दबाब।"

वें बोलि," फिर तू अर त्वै  जन राजनैतिक महत्वाकांक्षी दगड़्या वै असली गांधीवादी बुड्या तै छोड़िक एक कॉमन मैन  पोलिटिकल पार्टी खड़ी करी दींदा।"

मीन ब्वाल," अर मी स्वार्थ, अवसरवाद, महत्वाकांक्षी एक अभिनव आन्दोलन को जड़नाश करदो।"

वें ब्वाल," हां तू त राजनैतिक क्षेत्रमा अवश्य चमकी जांदो पण एक आवश्यक अर सही आन्दोलन एक स्वार्थि मनिखो महत्वाकांक्षा की भेंट चढ़ी जांदो।'                         

                                         

 




Copyright@ Bhishma Kukreti 22 /2/2013

[Bhishma Kukreti]

गढ़वाली हास्य व्यंग्य

सौज  सौजम मजाक-मसखरी 

हौंस इ हौंस मा, चबोड़ इ चबोड़ मा



                       डौर ना ! हिन्दुस्तान आतंक्युं कुण चारागाह च   



                        चबोड़्या-चखन्यौर्या: भीष्म कुकरेती


(s =आधी अ )



" खाला ! वधाई हो !  अंतर्राष्ट्रीय दहसतगर्दी  संगठनन जावेद तै  आतंक  फैलाणो चुनि अर वै तै नेपालो रस्ता हिन्दुस्तान भिजे जालो ।"

" पण बुबा !म्यार जावेद त मजहब  रक्षा बान जिहादि बौण अर तू दहसत गर्दी संगठन को नाम लीणि छे।"

"ओ खाला इख मजहबी जिहाद्युं तै क्वी घास नि डाऴदो पण दहसत गर्दी संगठन का नाम से खूब रुपया कट्ठा होन्द।"

" ओ होलु क्वी नयो टुटब्याग। ह्यां वैन हिन्दुस्तान जैक करण क्या च?"

" कुछ जादा ना! द्वी चार भीड़ वाळ  जगौंम जिहाद को नाम पर टाइम बम फुड़णन अर क्या?"

" पण बुबा इन मा बेकसूर लोगुं ज्यान नि जालि?"

" वो हो ! खाला! अचकाल  जेहाद को काम दहसत सौराण (फैलाण) च अर इन मा बेकसूर लोगुं ज्यान लीण भौत जरूरी होंद।"

" पण बुबा मि तै भौत डौर  लगणु च बल यु जिहादि जावेद नेपाल  सीमा से हिन्दुस्तानै सीमा पर पकड़े ग्यायि त। उखम हिन्दुस्तानो खुफिया विभाग काम करदो होलो कि ना?"

" खाला त्वी बि ना! उखम हिन्दुस्तानो खुफिया विभाग कारगर होंदु मजाल च नेपालो रस्ता क्वी तस्कर, ड्रग ट्रैफिकर-ट्रांसपोर्टर अर दहसत गर्दी हिन्दुस्तानs धरतीम घुसी सकदा।"

" पण यां! फिर बि कखि पकड़े गे तो ?"

" क्यांक पकड़े गे ! उख सीमा पर इनि जि चौकस धर पकड़ होंदि त  हिन्दुस्तानाम इथगा आतंकवादी हमला होंदा?"

" ह्यां पण पुलिस?"

" ओहो खालाजान! हिन्दुस्तानी पुलिस ले इथगा जि इमानदार होंदि त हिन्दुस्तानम अपराध बढ़दा क्या? याद च त्वै तैं जब मामूजान ड्रग का नाम से इख बिटेन हिन्दुस्तान आर. डी. एक्ष. लीग्या छा अर फिर वापस बि ऐ छया त  याद च वापस ऐक क्या बोलि छौ उन ?"

" हाँ! वूंको बुलण छौ बल हिन्दुस्तानम पुलिस का आँखों पर घूस की पट्टी बांधि द्यावो त पुलिस फिर कुछ नि दिखदि। पण बुबा! वो बात त सन उन्नीस सौ तिराणे की छे तब बिटेन हिन्दुस्तानन कुछ ना कुछ त इंतजाम कौरि आल होला।"

  " हां सन तिराणे बिटेन राजनीतिज्ञोंन  लाखों दें दहसतगर्दी खतम करणै सौं जरूर घटिन पण असलियतम कुछ नि कार। उखाक राजनीतिज्ञों आँख पर हिन्दुस्तान बचाणों चस्मा नि लग्युं बल्कणम वोट खुज्याणो ऐना लग्युं च,आतंक खतम करणों जजबा कें बि राजनैतिक पार्टीम नी च त हम लोगुं कुण हिन्दुस्तानम आतंक सौराण (फैलाना) सरल च।"

" पण मीन सूण बल उख हिंदुस्तानम कथगा इ खुफिया ऐजेंसी छन जो पता लगांदन बल  हिन्दुस्तानक दुश्मन क्या करणा छन।"

" हाँ हिन्दुस्तानम  कथगा इ केन्द्रीय खुफिया ऐजेंसी छन अर इनि राज्यों अपण अपण दुन्या भौरक खुफिया ऐजेंसी छन।"

" जै देसम इथगा तरां खुफिया ऐजेंसी ह्वावन त उख तुम सरीखा दहसतगरदी दहसती काम तै कनै अंजाम दींदा भै?"

" ह्यां! दस तरां खुफिया ऐजेंसी हूण से अपराध खतम नि होंदन। उख हिंदुस्तानम एक खुफिया ऐजेंसी तै पता इ नि चलदो बल हैंकि खुफिया ऐजेंसीम क्या क्या सूचना छ्न. फिर केन्द्रीय खुफिया विभाग अर राज्यों खुफिया विभागों मा आपस मा तालमेल नाम को क्वी ठिकाणो नी च उल्टां वो आपसम अपण अधिकारों अहम का झगड़ा लॆकि जादा चिंतित रौंदन। इनमा अपराध्युं अर  हम  दहसतगर्दयुं सूचना एक विभाग बिटेन दुसर विभाग तलक आन्दि-जान्दि नी च।"

" ह्यां पण मीन सूण बल उख केन्द्रीय गृह मंत्री कुछ दिन पैलि राज्यों तै सूचना दींदु च बल क्वी दहसतगरदी कारनामा हूण वळ च।"

"हां  पण इन सूचना बाद राज्यों पुलिस खानापूरी करणों गस्त बढ़ाई दींदी अर खालाजान जब खाली खानापूर्ति बान  पुलिस गस्त ह्वावो त हम शातिर दहसतगर्दी थोड़ा पकड़े जांदवा, छ्वटा -छ्वटा चोर लपेटामा ऐ जांदन बस।"

" पण मीन सूण उख भीड़ वळ जगौंम  क्लोज सर्किट कैमरा लग्यां रौंदन।"

" खाला तू बि ना भौत इ सीधि मनखिण छे। क्लोज सर्किट कैमरों तै क्वी नि दिखुद, इ  कैमरा  बि खानापूर्ति बान लग्यां छन। छै छै मैना बिटेन क्लोज सर्किट कैमरों तार टुट्यां रौंदन, कैमरों लेंस पर कीच लग्युं रौंद  अर क्वी कैमरों देख भाळ करण वाळ नी हॊन्द।"

"पण बेटा दहसत गर्दी कांड हूणो परांत त पकड़ा-पकड़ी होलि कि ना?"

" हूंदी च पण हम पर कुछ जादा फरक नि पड़दो किलैकि हम लोग उखाकि धर्म की राजनीति का फायदा उठैक भाजिक अपण देस ऐ जांदा।"

  " पण ब्यटा! उखाक संसद आदि छन। सांसद विधायक बि त कुछ कारल कि ना?"

   " हां ! प्रजातंत्र को धरम निभाणों बान विपक्षी सांसद या विपक्षी विधायक सरकारी राजनितिक दल पर बड़ी बड़ी भगार लगांदन अर राजकीय राजनैतिक दल विपक्षी दलों पर उथगा इ जोर से लांछन लगांदन। अर इन मा असली मुद्दा कखि कुण्या जोग ह्वे जांद।"

" पण फिर बि डौर ! द्वी चार दिन अखबार नेताओं बयानों से भर्यान्दन अर फिर सौब बिसरि जान्दन कि क्या ह्वे छौ  "

" ओहो खालाजान ! भारत की धरती दहसतगरदी बान एक नजीलो -उपजाऊ धरती च। हिन्दुस्तानम दहसत से लड़णो रणनीति रिऐक्टिव च ना की प्रोऐक्टिव त इन मा हम टेर्रीरिस्टों तै क्यांक डौर?"

" ब्यटा जु कूड़ इथगा खपचयुं ह्वावो, आज ना भोळ इन कूड़ भ्युं पोड़ल ही। वै पर बमग्वाळा दागणै क्या जरूरत?"

" हां उन त हम तै इन कूड़ पर बमग्वाळा फिंकणै जरूरत नी च पण हम बि अपणि आदत से मजबूर छंवां हमर बि त  दहसतगर्दी नामो नयो धरम च त हम दहसत फैलान्दा।"

" हां त इन कौर वो फरीद, मुरीद आदि खालि छन वन तै बि भर्ती करी दे. "

"ठीक च"     

                       

         

                         



Copyright@ Bhishma Kukreti 23 /2/2013

[Bhishma Kukreti]

नंदा जात जागर -फड़कि (भाग-)13


(s = आधी अ )
मूल संकलन - डा नन्द किशोर हटवाल , देहरादून

इंटरनेट प्रस्तुती : भीष्म कुकरेती



कैलाशम पौणों सजण



सजण बैठिग्या भोले शम्भुनाथ

सजण बैठिग्या नंदीगण

कैलाशी पौणा सजण बैठिग्या

सजण बैठिग्या काणा ड्यबाणा

बांगा त्यबांगा नंगा निर्वाण

नंगा भूखा, लूला लंगड़ा

सजण बैठिग्या बावन द्योउ

ला पौंणि दल सि बर्याती पैटीग्या





भोला मादेव को सजण



अंग्मा रमेली बभूत राख

खार - शैण छराल मालिश ह्वे गे

कानाउन डाळेल्यी मुंड मागी माला

अंगमा लग्येली बागम्बर छाला

अंगमा छयेली भंगोया अंचल

कमरवा बांध्येलि तिपुऴ न्ग्या बाबुलू

कंधा डाळेल्यी खैरुवा झोळी

खुट्युमा लग्येल्या खुट्यु खड़ाउ

हाथोंम पैर्येलि केदारी कंकण

पैर्येल्या शिवजीन अपणों पेर्वार

आगे-आगे चललो बुड्या



मैणावती नारद सम्वाद



क्वो मेरो घिया को जवाईं च नारद लो

जू होलू बैल मा बैठ्युं च मैणावती लो

सू तेरो घिया को जवाईं च मैणावती लो

तेसूं को ग्वेरा नि द्योनु मि नारद लो

क्वो मेरो घिया को जवाईं च नारद लो

जैका चा सेला सा दांत जी मैणावती लो

स्यु तेरो घिया को जवाईं च मैणावती लो

क्वो मेरो घिया को जवाईं च नारद लो

जैकि होलि मैणावती विभूति रवाईं

स्यु तेरो घिया को जवाईं च मैणावती लो

तेसूं को ग्वेरा नि द्योनु मि नारद लो

जैकि होली मैणावती बाग्म्बर छाला

स्यु तेरो घिया को जवाईं च मैणावती लो

तेसूं को ग्वेरा नि द्योनु मि नारद लो





नंदा जात जागर -फड़कि (भाग)-14म बाँचो

[Bhishma Kukreti]

सौज  सौजम मजाक-मसखरी 

हौंस इ हौंस मा, चबोड़ इ चबोड़ मा



                                              रेलबजट पर रेलमंत्री दगड़ मुखाभेंट 

                                     

                                                         चबोड़्या-चखन्यौर्या: भीष्म कुकरेती


(s =आधी अ )



   उन त  अचकाल आम बजट अर  रेल बजट को क्वी ख़ास महत्व नी च किलै अब सरकार जब चाहे टैक्स बढ़ाणि-घटाणि रौन्दि। ममता बैणि तै वापस अलाइंसमा लाण ह्वावो त जनरल  डब्बा का जत्र्यों भाडा बरा नामौ कुण कम करि द्यावो अर माया बैणि तैं दंगऴयाण ह्वावो त फर्स्ट क्लास ए  .सी . कराया बढ़ाई द्यावो। अब वित्तीय निर्णय राजनीति आधारित ह्वे गेन अर राजनैतिक निर्णय वित्त आधारित ह्वे गेन। पण फिर बि कर्मकांड जन बजट संसदमा पास करणों पड़द जन कि रेल बजट। जु मि रेल बजट से सात आठ  दिन पैल रेल मंत्री इंटरव्यू लींदो त मुखाभेंट कुछ इन होंदु।

मि - क्या बात रेल मंत्री जी ! या उठा-पोड़ किलै? इन लगणु जन तुम तैं जोर कि करास लगीं हो पण झाड़ा नि होणि होउ।"

रेल मंत्री -तुम लिख्वारुं ले क्या? अरे इख रेल बजट बणान्द दै ना  दिन को चैन अर ना ही रात की निंद।"

  मि - इखमा क्या च। जन पैलाक मन्त्र्युंन रेल बजट बणै ऊनि बजटम  सैकड़ाक नयी रेलों वायदा दे द्यावो, किराया कम कारो , पॉपुलर बजट पेश कारों  अर फिर कुछ दिनुम संसाधनों कमि बथैक आठ दस पुराणि रेलों तै कैन्सिल करी द्यावो, रेलुं डब्बों से पंखा- ट्वाइलेट  हटै दयावो।"

रेलमंत्री-हां पण मि अलाइंस पार्टनर नि छौं। कौंग्रेस या भाजापा क परेशानी या च पौपुलरिटि त अलाइंस पार्टनर ली जांदन अर अभियोग,अविश्वास,भगार, लांछन, गाळी कौंग्रेस या भाजपा को बांठ आंद। अब द्याखो ना टू जी (2G) घोटालाम माल खै डीमके वळुन अर गाळी कौंग्रेस खाणि च।   

मि- त ये बगत पौपुलर बजट नि आलो? यांक मतबल च बल रेल किरायाम बढ़ोतरी ह्वेलि। 

रेलमंत्री- अरे क्या कुटबाग दीणा छंवां? सि कथगा राज्योंम चुनाव आणा छन अर लोकसभा चुनाव बि नजीक इ छन त मि पौपुलर बजट नि बणौलु त राजीव गांधी जीक नेत्रित्व मा हम चुनाव कनकै जितला?

मि- त याने कि घाटा वळु रेल बजट आलो। किराया नि बढैल्या बल्कणम किराया कम करि देल्या? 

रेलमंत्री- अजी! क्या , लाटो, कालों बेवकूफों, अहमकों जन बात करणा छंवा। घाटा वळु रेल बजट रालो त राहुल गांधी जीक नाम विदेशोंम खराब नि ह्वे जालो।

मि- औ त लालू प्रसाद यादवs  तरां रेलवेक अचल सम्पतिक  कीमत बढैक रेलवे तै लाभकारी संस्थान घोषित करणै मनशा च?

रेलमंत्री- मूर्खों जन बात नि कारो। कुछ ऊंच-नीच ह्वे गे त राहुल गांधी जीक नाम हावर्ड यूनिवर्सिटीम बदनाम नि ह्वे जालो बल एक भावी प्रधानमंत्री आळि-जाळि बजट बणवाणु च।

मि- तो साफ़ च बल ये बजटम रेलवे कु आधुनिकीकरण की बात नि होण।

रेलमंत्री- अजी क्या मुर्खतापूर्ण बात करणा छंवा! जो मि रेलवे को मौडर्नाइजेसन को बजट पेश नि करुल त भैर देसुंम  राहुल गांधी जीक नाम पर बट्टा नि लग जालो बल मोडर्नमैन राजीव गांधी को अल्ट्रा मॉडर्न मैन नौनु इन्डियन रेलवे तै मॉडर्न नि बणाणु च।

मि- तो जरूर आप रेलवेमा विदेसी-निवेश की बात करण वाळ छंवां।

रेलमंत्री- अजी क्या मनमोहन सिंह जीक भाषा बुलणा छंवां। रेलवेमा विदेसी-निवेश की बात होलि त भारत माता समान सोनिया गांधीजी पर लांछन नि लग जालो कि सोनिया जी भारत तै बिचण चाणी छन।

मि- तो आप माल भाड़ाम बढ़ोतरि करण वाळ छंवां।

रेलमंत्री- अजी आप बि चिदम्बर जी जन भाषा बुलणा छंवां। माल भाड़ाम बढ़ोतरि करलु त भाजापा-कम्युनिस्ट -ममता बैणि क त हम तै डौर नी च पण हमारो खैरख्वाह अलाइंस पार्टनर शरद पंवार जी ही हम पर खुले आम , बीच चौकम  भगार लगै द्याला बल डीजल कीमत वृधि अर रेल माल भाडा वृद्धि से कौंग्रेस मंहगाई बढ़ाणि च। अर इन मा विदेशी पत्र-पत्रिकाओं मा राहुल गांधी जी पर भगार -लांछन लगी जालो बल राहुल गांधी जी तैं सहयोगी दलों से सामजंस्य करण नि आंदो। 

मि- त ये सालो रेल बजट नि आलो।

रेलमंत्री- अजी इन क्या बात च। ल्या यि द्याखो सन १९४७म जो बजट जौन  मथाई जीन रेल बजट पेश करी छौ मि वो ही बजट पेश करण वाळ छौ बस फिगर इ बदल्याल बकै बयानबाजी, रलवे मा सुधार , लोगुं तै आशा दिलाण वळ वाक्य सन १९४७ का रेल बजट का ही राला। अर यां पर विदेशी पत्र पत्रिकाओंम   राहुल गांधी जी को बयान छपल कि भारतम पैलि बार इथगा कल्पनाशील, भविष्योनमुखि  रेल बजट आयि           

मि -जी नेहरु -गांधी कुल नीति-रीति सदा चल आयि जनता तै झूठा वायदों क्वाथ पिलायि।   

                                       

                 



Copyright@ Bhishma Kukreti 24 /2/2013

[Bhishma Kukreti]

सन १४१३  मा प्रवासी की पीड़ा



                                 मि तैं अबि बि  म्येरू गौं याद औणु च


                                  चबोड़्या-चखन्यौर्या: भीष्म कुकरेती


(s =आधी अ )

                                 सन १४१३  जसपुर, ढांगू , सलाण, पौड़ी गढ़वाळ

 

भाना शिल्पकार- क्या गुरुप्रसाद कुकरेती जी! आज तुम द्वी झण इन लगणा छंवां जन बुल्यां भौत दुख्यर छंवां। क्या बात च ? क्वी बड़ी बिथा-बीमारि?

गुरुप्रसाद कुकरेती- नै बिमारि सुमारि त कुछ नी पण बस सुदि?

स्यमुड़ शिल्पकार- नाति नतणा त ठीक छन बामण जी?जू तुम द्वी झण  इथगा गमगीन दिखेणा छंवां?

गुरुप्रसाद कुकरेती- ओहो त्वि बि अपण ठुल्ला भैइ जनों एकि सवाल पुछणु छे बल हम द्वी झण उदास किलै छंवां  । जन बुल्यां त्वै नि पता बल हमर नाति तुम दुयुंक  नात्युं तैं लेकि भद्वाड़ खणणो भटिंडो डांड जयुं च।

भाना शिल्पकार- अजि हम ह्वै खसिया अर तुम ह्वे बामण त हम तै क्या पता तुम द्वी झण इथगा उदास किलै छंवां/ उन त तुमर नौनु मूर्ति जी म्यार नौनु तै लेकि कठूड़s सारी दिखणो जयां छन तो वो बि ठीकि छन फिर तुम आज ..?

गुरुप्रसाद कुकरेती- आज इ वो दिन च जब हम द्वि झण इना जन आणो  अपण मातृ-भूमि छोड़िक पैटी छा।

स्यमुड़ शिल्पकार- बामण जी! या  मातृ-भूमि क्या होंदि? अर तुमर मातृ-भूमि कख छे?

गुरुप्रसाद कुकरेती- वो खस्या! त्वे तैं पिछ्ला चालीस पचास सालों से मीन कथगा दें बथै आल धौं कि मेरि मातृभूमि विन्ध्याचल पर्वत से तौळ दक्खण जिना च अर मातृभूमि वांखण बुलदन जख जनम ह्वावो-जख बचपन गुजरो।

स्यमुड़ शिल्पकार- अब हम तै क्या पता कि क्या क्या हूंद। तुमि इ हम तैं बथौदा बल हम त इखाक बासिन्दा छंवां अर हम खसिया छंवां। ये ल्यावो सि शेर सिंग नेगी जी बि ऐ गेन। नेगी जी! आज बामण जी उदास छन।

शेर सिंह नेगी- तुम खस्योंक त यादगार इ नि रौंदी। मि तबि त बामण जीम औ।

भाना शिल्पकार- तुम बि त खस्या छंवां 

शेर सिंह नेगी -हाँ पण हम राजपूत छंवां। बामण जी यु मौसम आंद अर तुम पर मुर्दानि छाण बिसे जांद?

गुरुप्रसाद कुकरेती- हां शेर सिंह ! कुज्याण किलै धौं ? यु मौसम आंदो अर  हम दुयुं तैं अपण दक्खण  देस की खुद लगण मिसे जांद।

  स्यमुड़ शिल्पकार- मेरि समज मा नि आंद बल तुमन इखि हम शिल्पकारों से इथगा  बड़ी जमीन कृषि लैक बणवाइ। तुमर इखि बच्चा ह्वेन, नाति -नतणा ह्वेन अर अब त नात्युं बि बच्चा हूण वळ छन फिर बि तुम अपण बचपनै धरती बाबत खुद्यान्दा?

शेर सिंह नेगी - ओहो! तुम तै क्या पता मातृभूमि विछोह क्या हूंद? मि तै पूछो ना कि मातृभूमि बिछोह क्या हूंद। राजाको आदेस से मी बि श्रीनगर छोड़िक गुरु प्रसाद जीक सेवा करणों दगड़मा औं , इख म्यार बि झड़नाति ह्वे गेन पण आज तलक मि श्रीनगरो अलकनंदा छाल  नि बिसरूं। अहा अलकनंदा छालो याद आंदो !   

गुरुप्रसाद कुकरेती- हां हम द्वि पति-पत्नीन   पलायन सुख पाणों करि छौ . श्रीनगरो राजा बदौलत मि तै सरा ढांगू की या जमान मील, शेर सिंह नेगी मील, तुम द्वी भै भाना अर स्यमुड़ शिल्पकार मिलेन। एक तरां से मि इखाक राजा इ छौं। पण सोना का सिंघासन मिलणो पश्चात बि कम नजीलो रूखी सूखी मातृभूमि बिसरण से बि नि बिसर्यांद। मातृभूमि याद हर समौ हृदय मा इ रौंदी। उख मेरो देसम हम सबि भायों कुण इथगा जमीन अर मान्त्रिकी-तांत्रिकी की जजमानी  नि छे कि हम सब्युंकुण   एक मैना को खाणों ह्वे जावो। यांक बान मि तैं मय पत्नी  पलायन कौरिक गढ़वाळ देस आण पोड़  इख ढांगू को मि एकमात्र कब्जादार छौं। ढांगू को मि एकमात्र मालिक छौं। मीन कुळै-तूण- बांजौ लकड़ी  से मकान बणवैन पण अबि बि नारियल-सुपारी  को वृक्ष तै मि सर्वश्रेष्ठ वृक्ष माणदो किलैकि मीन बचपन मा यी वृक्ष देखि छौ।

शेर सिंह नेगी- हाँ कुकरेती जी या बात सही च मि अबि बि श्रीनगर नि बिसरि सकुद।

गुरु प्रसाद कुकरेती - मेरि चार बीसी से बिंडी उमर ह्वे गे पण इच्छा अबि बि च बल उख देस जौं।

स्यमुड़ शिल्पकार- त जावो ना अपणी इच्छा पूरी करि द्यावो। हम ढांगू का आठ दस खस्या ड्वाला-पालकीम तुम तै बिठैक पौन्चे औंला।

शेर सिंह नेगी -पलायन को  एक रूणों या बि च प्रवासी मातृभूमि की यादम रोइ त सकुद च पण घरबौडै नि कर सकुद। प्रवासी भविष्य को सुपिन अवस्य दिखुद पण भूतकाल वैको पीछा नि छोड़दु।  प्रवासी सुखद भविष्य को  बान  वर्तमान मा  भूतकाल मा ही जीणु रौंदु।   

गुर प्रसाद कुकरेती - पलायन की आग ही इन होंदि। पलायन की  आग भोजन बि दींदी अर याहि आग तड़फ बि देंदी।                                         

           .


   

Copyright@ Bhishma Kukreti 25 /2/2013

[Bhishma Kukreti]

नंदा जात जागर -फड़कि (भाग)-14म बाँचो







नंदा जात जागर -फड़कि (भाग)-14



गीत एकत्रीकरण  -नन्द किशोर हटवाल


इंटरनेट प्रस्तुती: भीष्म कुकरेती


मैणा को नंदा तैं रूप छुपाने कहना

वोदु आवो न्योड़ू म्येरी लाडली

सुण मेरि लाड़ी बल तू म्यरी बारता

तुवू मेरी लाड़ी बल रूप की अग्याळी

त्येरू जंवै ह्वोलो बल अद्भुत जोगी

जाऊ मेरी लाडली तू रूप लुकाऊ

तेइ जोगी ग्वोरा ग्वोरा नि द्योलू

तब गैया ग्वोरा डिपाला कनाला

डिपाला कंनाला रूप छुपैली

गौरान का रूप को फ्यूंळी फूल ह्वैग्ये

गौराउ ह्वेग्येयि  अब्येनि भब्येनि

अब्येनिउ भब्येनि रिषाषौउ ऐग्ये             





नंदा जात जागर का बाकी भाः -फड़कि (भाग)-15 म बाँचो