उत्तराखंड पर कवितायें : POEMS ON UTTARAKHAND ~!!!

[एम.एस. मेहता /M S Mehta 9910532720]

अरसी खांणौं जी ब्वनु
गोर चराणौं जी ब्वनु
कखड़ी च्वरणौं जी ब्वनु
बंठा कांध ल्हांणौ जी ब्वनु
गुरू जी की चटगा
खांणौं जी ब्वनु
पुंगणी जोल लगांणौ
जी ब्वनु
डांडा काफल लांणौ जी ब्वनु सारीयूं हिंसर टिपणों
जी ब्वनु
गदनी ढंड नयेणौं जी ब्वनु
होली गीत गांणौ जी ब्वनु
ब्वे थै धै लगांणौ जी ब्वनु
बरती फरड़ा लिजांणौं
जी ब्वनु
स्यारा प्याज उपंणौ जी ब्वनु
दीदी दूंण कंडी पौंछांणौ
जी ब्वनु
गूंणी लमथिर्यांणौ जी ब्वनु
गौं गौं रामलीला जांणौ
जी ब्वनु
गुच्छी ख्यलणों जी ब्वनु
गौड़ा मलसणौं जी ब्वनु
बोड़ थमणों जी ब्वनु
पाटी फर घ्वट्या लगांणौ
जी ब्वनु
इसकूल जांणौ जी ब्वनु
भ्यलि फणांणा कु जी ब्वनु
बधांण पुजांणौ जी ब्वनु
छ्वटौं चिरड़ाणौ दानो सेवा
लगांणौ जी ब्वनु
हे मेरी गांणि
कै मा छुंई नि ल्हाणि ।

हैं रै
तु यख क्य छै बबड़ट कनु
चल निपल्टू हो यख बटै ।
सुनील थपल्याल घंजीर

[एम.एस. मेहता /M S Mehta 9910532720]

लड़ैं लगीं ....

कोल्ड ड्रिंक, चा छांछी मा
घनाघोर हुईं ,
छांछी की साक्यूंमा आखिरी सांस रैईं
चा का घतोला घतोल मा चिन्नी चिन्नी रैईं ,
हैंसदा हैंसदी कुनश्या कोला चा की हडक्यूं थै कचम्वड़णीं ।
सर्या गढवाल अपंणा
कोला- कोला कोल्ड ड्रिंक हुईं ।
सुलार पैनी द्वुय्याद्वी ढैया मा मुंड पखणीं
रपरैट टटगार कोलाकी बजरू मा चमचम जींस तंणी
ब्याल्या बाल बच्चों का अहा ! गिच्ची य कन लगीं
कोल्ड ड्रिंक, चा अर छांछी मा घनाघोर हुईं ।

सुनील थपल्याल घंजीर !

[एम.एस. मेहता /M S Mehta 9910532720]

आज भी पहाड़ मुझे बुलाते हैं
सपनो में मुझे वो साथ ले जाते

पत्थरों के उस देश में मेरे
सीडीनुमा सजे वो खेत में मेरे

गाँव कहते है वो उसे शायद
याद करते हैं वे भी उसे कभी शायद

मुझे वो सब कुछ याद दिलाता
वंहा भूले छुटे भेष की बात सुनाता

आगोश में मुझे वो यूँ भर लेता
माँ की ममता की छाँव कर देता

पिता सा कठोर है वो तन से
सीने से लगा मन में निर्मल गंगा जल भर देता

बचपन गुजारा जिस पगडंडी मैंने
जिस पाठशाला हाथो में पड़ी थी डंडी

जंगलों में मेरे वो मौज भर देता
हौज अपने आनंद की डुबकी भर लेता

पीपल का पेड़ा वो चिड़िया की चहक
गीत मेरे गाये अब भी वो बेधडक

उसको अब भी सब कुछ पता है
बस मै भूला वो याद करता अब भी

बस अश्रु की धारा मेरी आँखों से बहती
पोंछ कर वो कहता है अब तो आ जा तू जल्दी

आज भी पहाड़ मुझे बुलाते हैं
सपनो में मुझे वो साथ ले जाते

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com

[एम.एस. मेहता /M S Mehta 9910532720]

Uma Bhatt‎

तुम लगा पलायन का गीत
मैं अबेर च होणी
तुम बिचारा दिल्ली बम्बे वाळा
ह्वेगी होली खाणि पेणी
तुम लगा पलायन का गीत
मैं अबेर च होणी

सुबेर उठिक साळी जाण
मुण्ड मां गागर पाणी ल्योंण
झट रोट्टि कल्यो की बणाण
नितर नोनूं न भूखि इस्कूल चलि जाण
फोन मां बि बच्याणे बगत नी च होणी
तुमलगा पलायन का गीत
मैं अबेर च होणी

फोटु डाला रांजी बांझी पुंगड़यूँ की
फोटु डाला रीता पाणि पन्देरों की
फोटु डाला खन्द्वार कुड़ीयों की
मि तें त सोंचणे बि कख बगत
अभि हकौण बाँदर गूणी
तुम लगा पलायन का गीत
मैं अबेर च होणी

मि त तब भि यकुली छौ
आज बि यकुली छौं
सुबेर बिटि रात तक सदानि
मैं अबेरे रै होणी
तुम भगयान् बोलला पलायन पलायन
मैं त द्वि रोट्टी चपोणे बि बगत नी च होणी
तुम लगा पलायन का गीत
जों कि कोठि भैर छन चीणी
जु गेन यख बि बोग मारी तों
पलायने पीड़ा च होणी
थूका आँसू लगे सुदी कना रोणी धोणी
तुम लगा पलायन का गीत मैं अबेर च होणी

[एम.एस. मेहता /M S Mehta 9910532720]

बहुत याद आता है वो गांव मेरा

बहुत याद आता है वो गांव मेरा
बहुत याद आता है वो गांव मेरा
अकेले में आ कर मुझे बहुत रुलाता है गाँव मेरा
बहुत याद आता है वो गांव मेरा

वो अपनापन याद दिलाता है वो गांव मेरा
वो अपनों को साथ लेकर पास आता है वो गांव मेरा
इस पराये देश में मुझे अपना बनाता वो गांव मेरा
बहुत याद आता है वो गांव मेरा

वो एक एक कोना वो बिस्तर वो मेरा बिछोना वो गांव मेरा
वो एक साथ हम सबका मिलकर सोना वो गांव मेरा
कहाँ खो गया वो मेरा अँध्यारी रातों का गहना वो गांव मेरा
बहुत याद आता है वो गांव मेरा

बहुत याद आता है वो गांव मेरा
अकेले में आ कर मुझे बहुत रुलाता है गाँव मेरा
बहुत याद आता है वो गांव मेरा

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

[एम.एस. मेहता /M S Mehta 9910532720]

मान्यताप्राप्त ! पलायन
-.--.--.--.--.--.--.-

थमेदीं नि अज्यूं भि लंग्यार, प्रवासीयूं का देश ,
पंक्ति फर पंक्ति
रूंदी पिड़ा जिकुड़ीयूं कि , कवीयूं कि अभिव्यक्ति !

नब्ज चयेंद पाड़ मा सांगल सि चयेंद जीवट इच्छाशक्ति !
यखुलि नि छौं मि बिना पंखूंणो
'पलायन पंछी'
मुंडमा सब्युं की माटै खैरीयूं की फंची ,
अकलकंठ की बात करद कुमति ।
जग्गा बदलि ,बदली त् गे भक्ति !
निरसू पलायन गीत ह्वे त् जालू बंद ....द्वी एक दिनु मा
प्रवासी भैबंद मान्यताप्राप्त नागरिक छीं बल !
अपंणा अपंणा प्लॉटुमा !
बंणिक पर्यटक आंदा-जांदा छीं अपंणा देश मा !
अर् खौल्ये जंदी बगछट मौलदा डांडौं कु अवारापन देखि अफ्वी ,
चम चलक्वार ऐ जांद मुखड़ीयूं
पहाड़ा सौंर्दयगीत लगंदीं जब आस औलदी प्रवासीयूं कि ।
.
सुनील थपल्याल घंजीर

[एम.एस. मेहता /M S Mehta 9910532720]

तुम लगा पलायन का गीत
मैं अबेर च होणी
तुम बिचारा दिल्ली बम्बे वाळा
ह्वेगी होली खाणि पेणी
तुम लगा पलायन का गीत
मैं अबेर च होणी

सुबेर उठिक साळी जाण
मुण्ड मां गागर पाणी ल्योंण
झट रोट्टि कल्यो की बणाण
नितर नोनूं न भूखि इस्कूल चलि जाण
फोन मां बि बच्याणे बगत नी च होणी
तुमलगा पलायन का गीत
मैं अबेर च होणी

फोटु डाला रांजी बांझी पुंगड़यूँ की
फोटु डाला रीता पाणि पन्देरों की
फोटु डाला खन्द्वार कुड़ीयों की
मि तें त सोंचणे बि कख बगत
अभि हकौण बाँदर गूणी
तुम लगा पलायन का गीत
मैं अबेर च होणी

मि त तब भि यकुली छौ
आज बि यकुली छौं
सुबेर बिटि रात तक सदानि
मैं अबेरे रै होणी
तुम भगयान् बोलला पलायन पलायन
मैं त द्वि रोट्टी चपोणे बि बगत नी च होणी
तुम लगा पलायन का गीत
जों कि कोठि भैर छन चीणी
जु गैन यख बि बोग मारी
तों पलायने पिड़ा च होणी
थूका आँसू लगे कना सुदी
रोणी धोणी
तुम लगा पलायन का गीत
मैं अबेर च होणी

@उमा भट्ट

[एम.एस. मेहता /M S Mehta 9910532720]

य सोरण क्यांकि ह्वेली ?
-.--.--.-

सिनै न देख चसगलाल !

किलै बै ? ककरोट बुखार ।

क.बु : य सोरण भौत पुरणीं च हमरा गौं का भ्याल ! ईं जनै द्यखंणा से मनिख्यूं कु अधा बल चल जांद बल !
पुरंणा लोग ब्वलदा छाया !

च.ला : ओहो ! त्यारा बाबू अधा बल ईं सोरण देखिक ग्या झंणी !
क.बु : त्यारू ददा भि अधा रै ग्या छायो !

च.ला : तु पैड़ लेखि भि इन बथा कनु छै ! मित इसकोल जांणा डौर बचपन मा यखि लुक्यूं रैंदु छायो , निरभै करमकोड़ी !

क.बु : हट कमींणा ! इनै क्वी गौं करू नि आंदु ! यख पुटग बल रिक त कभि बाग रैंद घुस्यूं !

च.ला : अबै यांलै त फैदा ह्वाई मीथै ! पैली बीड़ी पींणी सिखीं अब दारू पींदु यख निजरकु कै ! वेका बाद म्यारू बल अधा चुले फुल ह्वे जांद !

क.बु : रिक अर बागै डैर नि लगदी त्वे निगुसैंकरा ?

च.ला : लाटा भितर कंटर रैंद धर्यूं ! बजांणा खुंणै ! उन भि बैला गोरू थै नि खांदु बाग !

क.बु : तबि छै तु बच्यूं नथर मि जन क्वी मास्टर हूंदु त् कभि क ह्वे जांदि छपिंडी !

च.ला : मास्टर ककरोट बुखार त्वे थै सरकरी बेनिफिट च अर मीथै सोरण बैनिफिट त् मिलंण हि चैंद !
सब्या मास्टर ह्वे जाला त् सोरणु पुटग कु जालु ?

सुनील थपल्याल घंजीर

[एम.एस. मेहता /M S Mehta 9910532720]

नलैक.....कखो

तु फौज मा भरती हूंण लैक नि छै !

किलै ?

तेरी सीस्त ठिक नी च , इलै !

तु नेता बणण लैक नि छै !

किलै

तु लैंदी गौड़ी भ्याल हकांणु नि जणदु इलै

तु अफसर बणण लैक नि छै !

किलै ?

त्वे फर चिरड़ भौत च , इलै ।

.
सुनील थपल्याल घंजीर

[एम.एस. मेहता /M S Mehta 9910532720]

रे मलेथा देक तू बी .......

कया बदली गे
म्यारा पहाड़ों मा
ब्याल मिल फिर देक्यली
कुच नि बदली यख
कुच नि बदली
पैली जनि ही वा रैग्याई
वै हाता मा बी डंडा छ्या
ये हाता मा बी डंडा च
वैल बी मारी मिथे
यैल बी मिथे मऱ्याली
मि थे समझी की बिमारी
म्यारा हात
इनि सदनी रैगे रीता
सड़की की बस मेरी लागि फेरी
आंदोलन बस आंदोलन
म्यारा भग्या म रैगे सदनी
कया बदली गे
म्यारा पहाड़ों मा
रे मलेथा देक तू बी .......

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित